Zawxkauq 26

Laux hongz Yaqjizpaq Biak Bauxloah Koanx

1Laux hongz Yaqjizpaq daj Bauxloah hax: "Hawj mawz haeggaj saeh ndang'hoz mawz hax eh." Yaq Bauxloah ed mungz, saeh hoakri hax: 2"Laux hongz Yaqjizpaq aj, vaenz naeh gux ndaej yuq doqnaj mawz yaeng sowh gaenq puj Yaeuhtaiq gauq gux naeh, gux zaemz taeuq. 3Towhbeh zawh mawz ruxndeq puj Yaeuhtaiq zauh hoak gaeng raeuh, mawz ruxndeq paenqdix kwnz dungzjinj gaeng. Baenzzaqnaeh vanz mawz caqsiq biak gux hax. 4Gux daeq zwzix maz taeng gannaeh, yuq goakrownz gux daj yuq ndaw Yezluqsaxlaengx, gux hoakzaqrawz hoakgoanz, puj Yaeuhtaiq gaj goanz gaj ruxndeq. 5Jixzawh paenqdix venq, paenqdix toj baenzrawz zoq haxdoq rawz. Paenqdix haeuz ruxnaj gux ndowj eh, paenqdix ruxndeq gux daeq zwzix maz bwnz zawh paiq Fahliqsaiq naeh. Puj Yaeuhtaiq piu, zawh paiq Fahliqsaiq naeh gaem jinx nyeuz. 6Gannaeh gux in yuq inxnaeh zoah saenxpanq, zawh cholaeng gux ngwz taeng vaenz ndaej sowh gaenq dij Sen yinq puj jeq rownz piu naeh. 7Sipngih ngah dij goanz Yixsowhleh#26:7 Sipngih ngah dij goanz Yixsowhlehzoq zawh hax luglan sipngih goanz lug zaiz Yaqgowh. piu goj ngwz taeng vaenz ndaej sowh gaenq dij Sen yinq naeh, vaenzlinzhwnz kvej dix. Laux hongz aj, gux zoah boangx puj Yaeuhtaiq ux gauq, zawh cholaeng gux ngwz taeng vaenz gaengnaeh. 8Dij Sen hawj dij goanz tai yaq daeuq zaeu, baenzzaqrawz miz dij goanz hax baenz mboq rux ndaej mux? 9Koax daekgoanq, gux goj faeklaih hoj caqsiq dix zwh Yezsuz ndaw Nazsahlowh naeh. 10Gux ndaej yuq ndaw Yezluqsaxlaengx hoakzaqnaeh hoak. Gux daeq mungz sowh goanz gvanx puj mbud dij Sen naeh ndaej qenhliq, gux zoq goangz paenq hoak dij goanz Yezsuz naeh goanz lai taeuq kaeng mwz ndaw lauz. Paenqdix zoah kaj, gux goj zaemh hax hoj kaj. 11Gux bae rownzndawcowq, aen rawz gojmbaeuq, lai mbaed taeuq, vazkuz paenqdix, chaenxfah paenqdix, soanx hawj paenqdix haxmbowq Yezsuz. Gux hwnq paenqdix daengz mboq zawh haxnyaeux, bae daengz sowh chaenh puj yowngh ndai naeh daem paenqdix. 12Zwz naeh, gux daeq mungz sowh goanz gvanx puj mbud dij Sen naeh ndaej qenhliq, paenqdix nemz gux bae Daqmaxseqgowh chaenh goangz sowh dij goanz gaengnaeh. 13Laux hongz aj, yuq doanh loh, sowh gau ngaiz sai naeh, gux leztaen miz longz ux daeq ndaw fax rungh daeuj, naengz rungh nyeuz longz tang'vaenz, zauq daeuj daengz ndang gux daj sowh dij goanz daj gux zaemh daeq naeh. 14Gaenqpiu laemx bae dihndin, gux ruxnyinz miz hiang ux, aeu kauq Cizboahlaiz daj gux hax: ‘Sauxloah! Sauxloah! Mawz baenzzaqrawz vazkuz gux, haiq gux? Mawz aeu din diag nam lej raix mbeh! Daj dij moaz aeu din diag laenj maex nam zaeuj dix aeu ndaq dix naeh dungzlumj.’ 15Gux hax: ‘Zaeuj aj, mawz zawh gawz ah?’ Zaeuj hax: ‘Gux zoq zawh Yezsuz goanz mawz vazkuz, haiq naeh. 16Gannaeh mawz dwnq maz in, gux hawj mawz taen zawh yaix mawz hoak puj koij gux, hawj mawz bae haxdoq daenh mawz ndaej taen gux gaeng raeuh,#26:16 Mbanj bwnz hax: Hawj mawz bae haxdoq daenh mawz ndaej taen gaeng raeuh, mawz aeu sowh saeh mawz taen naeh haxdoq daenh. mawz aeu sowh saeh mawz taen naeh haxdoq daenh. Mwznaj gux naengz hawj mawz taen tem, mawz goj haxdoq daenh. 17Gux jeuq mawz ni dawj mungz puj Yaeuhtaiq daj dawj mungz puj yowngh ndai, mboq rux hawj mawz baenzrawz. Gux nemz mawz bae dih puj yowngh ndai, 18aj ta paenqdix, hawj paenqdix daeq dih ndaem og maz dih rungh, hawj paenqdix ni dawj mungz Sazdanz dauh maz doq dij Sen, goj hawj paenqdix cholaeng sinq gux ej hawj gaenq hoakloang paenqdix ndaej yangq, hawj paenqdix daj daengzle sowh puj dij Sen aeu hoak goanz sawrik naeh zaemh ndaej sowh gaenq dij Sen yinq aeu hawj dij goanz dix naeh.’

19"Laux hongz Yaqjizpaq aj, baenzzaqnaeh gux zoq biak sowh gaenq daeq ndaw fax daeuj naeh, sowh gaenq dij Sen hawj gux daj paen'hwnz dungzlumj ruxnyinz naeh, 20yaq gux zoq bae Daqmaxseqgowh chaenh daekgoanq, yaq bae Yezluqsaxlaengx daj daengz mbanj Yaeuhdaq nauq. Doaklaeng bae dih puj yowngh ndai, yaix paenqdix hoak loang yauq rux gaix, dauh maz nowngz dij Sen, yaq hoaksaeh yauq hoak daj zaw haeuz gaix naeh dungz kaeuj. 21Baenzzaqnaeh, puj Yaeuhtaiq yuq rownz dij Sen goangz gux, daz kaj gux. 22Gaj miz dij Sen saeh gux, taengdiak vaenzzawjraeuz gux naengz in vwnx, haxdoq puj miz najta gojndae, puj mboq miz najta gojndae, gux ndaej taen gaeng raeuh. Sowh gaenq gux koanx naeh zawh gaj sowh saeh puj zawxkauq dij Sen daj Moahciz hax rux baenz zaeh naeh. 23Zoq zawh Jizduz rux ndaej jin kaem, zoah daenh kaj, tai yaq rux daeuq zaeu, hoak goanz tai yaq daeuq zaeu goanz daekgoanq daengzle naeh, yaq dix rux lingz puj Yaeuhtaiq daj puj yowngh ndai daeq ka loh rungh naeh."

24 Bauxloah saeh hoakri hax daeuj taeng inxnaeh, Faezsezduz caqsiq hax: "Bauxloah, mawz baenzbaeg yah! Mawz doagsw lai gvaq, hawj mawz baenz'uaengj yah!" 25Bauxloah hax: "Faezsezduz puj saeq piu aj, gux mboq zawh baenzbaeg, ndaw zaw gux jinh taeuq, gaenq gux hax naeh zawh gaenq zaeh gangq, mboq zawh gaenq puj baeg puj uaengj hax baenz. 26Laux hongz Yaqjizpaq goj ruxndeq suq saeh naeh, baenzzaqnaeh gux zux ganz yuq doqnaj laux hongz haxswh. Suq saeh naeh mboq zawh lupliamx hoak, baenzzaqnaeh gux ganz hax mboq miz saek yowngh yaem gvaq laux hongz." 27Hax nauq, dix zoq daj laux hongz hax: "Laux hongz Yaqjizpaq aj, mawz sinq sowh kauq puj zawxkauq dij Sen mai naeh vah? Gux ruxndeq mawz sinq." 28Yaqjizpaq daj Bauxloah hax: "Mawz daz aeu jij gaemz kauq ux zoq hawj gux hoak dij goanz Jizduz maj?" 29Bauxloah hax: "Hax lai gojndae, hax ix gojndae, gux vanz dij Sen, mboq zawh hawj gaj mawz, goj hawj daengzle sowh puj vaenz naeh ndaej yuq inxnaeh biak gux hax naeh, daengzle daj gux dungzlumj, gaj laek daj gux dungzlumj tw sowh tiksaed naeh."

30Laux hongz Yaqjizpaq, mijmez dix Bowhnihjiz, Faezsezduz goanz gvanx daengz mbanj Yaeuhdaq naeh, daj sowh dij goanz zaemh naengh naeh, daengzle dwnq maz, 31ueg bae dihndai dwkgangz, paenqdix hax: "Goanz naeh mboq hoak loang gaeng hoj tai rux hoj kaeng." 32Laux hongz Yaqjizpaq daj Faezsezduz hax: "Goanz naeh jixzawh dix mboq ndaej hax hawj Kaixsax saeh dix paeg, dix zoq ndaej zoangq yaq loh."

Currently Selected:

Zawxkauq 26: ZHN

Highlight

Copy