Zawxkauq 24

Bauxloah Zoah Jinj

1Gvaq haj vaenz yaq, Yaqnahnihyaq goanz puj mbud dij Sen goanz saeq dwx nyeuz daengzle naeh, jij goanz sowh puj jeq miz najta naeh, goanz lihswz ux minxzwh rongx hoak Tehtuxloah, paenqdix zaemh maz ndaw Kaixsaxliqyaq chaenh, maz dih goanz gvanx daengz mbanj Yaeuhdaq naeh gauq Bauxloah. 2Puj saeq rongx Bauxloah maz yaq, Tehtuxloah zoq hoakzaqnaeh gauq dix: "Puj saeq piu Faezlihsez aj, mawz yuq inxnaeh gvanx ndaej ndae, gaenqpiu ndaej yuqvangq ndowj ndowj. Miz lai yowngh gvanx ndaej ndae nyeuz mbaednduq lai. 3Gaenqpiu zwz rawz goj mbaiq mawz mboq rux nauq. 4Gux mboq ganz dangzgoah mawz ndowj gvaq, vanz mawz biak piu hax jij gaemz ux. 5Gaenqpiu leztaen goanz naeh daj leztaen gaenq baenzrah dungzlumj, dix bae rawz lej biad rawz. Puj Yaeuhtaiq yuq rawz goj zoah dix coak nauq. Dix goj zawh paiq Nazsahlowh, paiq zau daenh hoak gaenqndog naeh, dix zawh do goak dix naeh. 6Daengz rownz dij Sen dix naengz daz hawj mboq saw, gaenqpiu zoq gaep dix. 7#24:7 Sw dij Sen mbangj bwnz miz song gaemz naeh: Gaenqpiu daz aeu fahlih Yaeuhtaiq piu jinj dix, gaj yinhzangx Loixcizyaq yumq longx dix daeq mungz piu bae daengzhwx, naengz yaix sowh puj gauq Bauxloah naeh maz dih mawz inxnaeh. 8Mawz haeggaj jinj dix, mawz zoq ruxndeq sowh saeh piu gauq dix naeh zawh baenzzaqrawz singjringh." 9Puj Yaeuhtaiq sowh puj yuq haenz naeh goj hax suq kauq Tehtuxloah hax naeh zawh zaeh.

Bauxloah Yuq Doqnaj Faezlihsez Saeh Hoakri Hax

10Goanz gvanx daengz mbanj Yaeuhdaq naeh ngaekto, hawj Bauxloah hax kauq, Bauxloah zoq hax: "Laux saeq aj, gux ruxndeq mawz yuq inxnaeh hoaksaeq ndaej lai bi, baenzzaqnaeh gux ndaej yuq doqnaj mawz saeh hoakri hax, gux faengz taeuq. 11Mawz cham daenh zoq ruxndeq, daeq gux mwz Yezluqsaxlaengx biangz dij Sen daeuj taeng vaenzzawjraeuz zux ndaej sipngih vaenz. 12Yuq rownz dij Sen gojndae, yuq rownzndawcowq gojndae, yuq ndaw hangzhw gojndae, paenq gauq gux naeh mboq ndaej taen gux daj gawz dungzjinj, goj mboq ndaej taen gux coak goanzlai luanq. 13Gaenq paenqdix gauq gux naeh, mboq miz gaenqrawz miz goak miz laeg. 14Gaj miz gaenq ux, gux yinq, gux nganqzauq ka loh Zaeuj naeh kvej dij Sen puj jeq rownz gux. Gaj paenqdix hax ka loh Zaeuj zawh paiq zau daenh hoak gaenqndog naeh. Gux goj sinq sowh gaenq fahlih Moahciz mai naeh daj sowh gaenq puj zawxkauq dij Sen mai naeh. 15Gux sinq dij Sen rux hawj dij goanz tai yaq daeuq zaeu, paenq gauq gux naeh goj daj gux dungzlumj, gawz goj sinq dij Sen rux hawj puj ndae gojndae, puj mbowq gojndae, tai yaq daeuq zaeu. Gux ngwz taeng vaenz naeh taeuq. 16Baenzzaqnaeh, gux yaix hoakri naeuz caqsiq ux, gux hoaksaeh gojndae, hoak goanz gojndae, yuq doqnaj dij Sen daj yuq doqnaj dij goanz, gux doiq hoakri mboq miz gaemz gaeng. 17Gux ni Yezluqsaxlaengx haeuz ndaej jij gaj bi, baez naeh gux dauh maz Yezluqsaxlaengx gux tw sowh ngaenzjenz aeu maz saeh puj baenzluk puj Yixsowhleh gux inxnaeh daj tw sowh gaenq aeu mbud dij Sen naeh maz. 18Gau puj ndai leztaen gux yuq rownz dij Sen naeh, gux haeuz hoak sowh gaenq zauh hawj hoakri saw naeh ndae, naengz mbud dij Sen mboq gah, gux mboq daj goanzlai zaemh yuq, goj mboq luanq. 19Jixzawh hax gawz miz gaeng gauq gux, hoj zawh le goanz puj Yaeuhtaiq ndaw mbanj Yaqciqyaq naeh gauq. Unj laemh zwz naeh miz gaj le goanz paenqdix yuq dih rownz dij Sen naeh. 20Raj hawj sowh puj yuq inxnaeh haeggaj hax, zwz gux yuq ndaw hoiq puj Yaeuhtaiq ndaw Yezluqsaxlaengx naeh paenqdix ndaej leztaen gux hoak loang gaeng mbaeuq. 21Daengz hax gux hoak loang gaeng goj zawh gaj gaemz naeh, gux in haenz paenqdix rongx: ‘Vaenznaeh gux yuq doqnaj su zoah su jinj, zawh cholaeng sowh saeh dij goanz tai yaq daeuq zaeu naeh.’"

Faezlihseq Biak Bauxloah Koanx Yaq Ndaw Zaw Zoq Mbu

22 Faezlihsez bwnz ruxndeq ka loh Zaeuj, gaj dix dajndij ganh goanq. Dix daj paenqdix hax: "Taj yinhzangx Loixcizyaq daeuj taeng gux goanq saeh su paeg." 23Yaq Faezlihsez nemz leanhzangx dawz Bauxloah, nemz dix doiq Bauxloah ndae, dungzbownh bihnongx Bauxloah aeu gaeng maz hawj Bauxloah, nemz dix mboq jinx deq ka loh. 24Gvaq ndaej jij vaenz ux yaq, Faezlihsez daj mijmez dix Tuxcizlaz zaemh maz, mijmez dix zawh puj Yaeuhtaiq. Faezlihsez rongx Bauxloah maz, biak dix koanx diauq sinq Jizduz Yezsuz naeh. 25Bauxloah laemh sowh gaenq gaemz hax mboq miz naeh, laemh diauq gaeng goj baenz yinx naeh, laemh diauq mwznaj zoah saenxpanq naeh. Faezlihsez zoq mbu taeuq, hax: "Mawz bae goanq ndeh, taj gux ndaejvangq goanq daeuq rongx mawz maz koanx." 26Dix goj ngwz Bauxloah aeu ngaenzjenz oat dix, baenzzaqnaeh dix goq rongx rongx Bauxloah maz, daj dix laemh kauq. 27Gvaq ndaej song bi, Bozchaeuh-faezsezduz daeb Faezlihsez hoak saeq. Faezlihsez zawx hawj puj Yaeuhtaiq zaemz dix, zoq naengzgaj hawj Bauxloah yuq ndaw lauz kaeng.

Currently Selected:

Zawxkauq 24: ZHN

Highlight

Copy