Oseas 12
12
1“Te Efraín puro ic' ya yipan,
spisil c'aal ya st'un bael te ic' te ya xtal
ta stojol sloq'uib c'aal.
Ya xtoy bael te lotetic soc te uts'inwanej yu'unique.
Ya spas trato soc Asiria
soc ya sticun majt'anil aceite ta Egipto —xi' te Diose.
2Te Cajwaltic yalojix c'op ta stojol juez:
—Ay smul te Israele —xi'.
Ya yac'bey castigo te lum yu'un Jacob ta scaj te yat'ele;
ya yac'bey stoj te bit'il nix ya sc'ane.
3C'alal ma to x'ayin a te Jacob, la spojbeyix yawil a te sbanquile;#Gn 25.26.
soc te c'alal muq'uix a, la stsac sba soc te Diose.
4La stsac sba soc jtul ch'ul abat, la stsal;
la yoq'uetay sba, soc la sc'an te yacuc na'botuc yo'bolil sba yu'une.#Gn 32.24-26.
Te Dios la sta ta Betel,#Gn 28.10-22. c'opoj soc tey a.
5Te Cajwaltic te Dios te Spisil ya xju' yu'une,
Ajwalil te sbiile.
6Jich yu'un, Israel, sujt'esa awo'tan ta stojol te Dios awu'une;
toyoluc me awo'tan ta stojol, soc toj me x'at'ejat.
Ja' ac'a smuc'ulin awo'tan te Dios awu'une.
7Te Cajwaltic ya yal:
—Pajalat soc cananeo-winic te ay ta sc'ab spisil ora te lotil slicojibal,
melel ya smulan lo'laywanej.
8Efraín ya yal: “Melel xawal, jc'ulejonix,
la jtaix jc'ulejal.
Pero ma'yuc mach'a ya xju' slebon jmul yu'un te bit'il la jta te jganare,
ma ba mulil te bila la jpase”, xi'.
9Jo'on Ajwalilon te Dioson awu'un
c'alal to te ayat ta Egipto,
ya cac' xnainat xan ta nailpac'
jich bit'il la join jbatic ta jochol taquin q'uinal ta namey.
10“Jo'on la jc'opon te j'alwanejetique,
soc la quesmantesbey yajtalul te bitic la cac'bey yilic,
soc ja'ic ta swentaic te c'opojon ta seña-c'opetique.
11Ta Galaad ay yantic diosetic tey a;
ja'uc me to, ja' nax puro lotil diosetic.
Ta Gilgal ya yac' milbil toroetic;
te scajtijib majt'aniletic yu'unic
jich c'oem te bit'il busulbus tonetic
ta yolil te pasbil q'uinale —xi' te Cajwaltique.
12Te Jacob an bael ta q'uinal yu'un Aram. Tey at'ej ta scanantayel chijetic#Gn 29.1-20. ta swenta stojel te yiname. 13Ta swenta jtul j'alwanej te Cajwaltic la sloq'ues tel ta Egipto te lum Israel;#Ex 12.50-51. ta swenta jtul j'alwanej la scanantay te lume.
14Te ants-winiquetic ta Efraín
la yac' ilinuc yo'tan Cajwaltic;
ch'auben yo'tan yu'un.
Jich yu'un te Cajwaltic ya yac'bey stoj te muliletic spasojique;
ja' nix ya yac'bey ta swenta te bila amen spasojique.
Currently Selected:
Oseas 12: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
