Má-la-ki-su 1

1Ē-bīn sī Siōng Chú kau-tài Má-la-ki tùi Í-sek-lia̍t chú-bîn soan-kò ê sìn-sit.

Siōng Chú Thiàⁿ Í-sek-lia̍t

2Siōng Chú kā I ê chú-bîn kóng, “Góa it-ti̍t lóng ū teh thiàⁿ lín.”

M̄-kú lín kóng, “Lí án-chóaⁿ piáu-hiān lí ū teh thiàⁿ goán?”

Siōng Chú ìn kóng, “Í-sò kiám m̄-sī Ngá-kok ê hiaⁿ-ko? M̄-kú góa khah thiàⁿ Ngá-kok, 3khah bô thiàⁿ Í-sò. Góa hō͘ Í-sò ê soaⁿ-niá hong-hòe, chiong i ê thó͘-tōe kau hō͘ khòng-iá ê chhâi-lông.”

4 Í-sò ê hō͘-tāi Í-tong-lâng nā kóng, “Sui-jiân goán siū húi-hoāi, m̄-kú beh koh tiông-kiàn--khí-lâi.” Hit-sî Siōng Chú — Bān-kun ê Thóng-sòe ōe hôe-tap, “Chhut-chāi in khì khí-chō, góa ōe kā in thiah-húi, ti̍t-kàu lâng kiò in chòe ‘siâ-ok ê kok-ka’ á-sī ‘hō͘ Siōng Chú éng-oán siū-khì ê jîn-bîn’.”

5 Í-sek-lia̍t-lâng it-tēng ōe chhin-ba̍k khòaⁿ--kìⁿ; in ōe kóng, “Siōng Chú tī Í-sek-lia̍t kéng-gōa mā siū chun-chông!”

Khiàn-chek Chè-si ê Hú-pāi

6Siōng Chú — Bān-kun ê Thóng-sòe kā lín chiah-ê chè-si kóng, “Kiáⁿ-jî chun-tiōng lāu-pē; po̍k-jîn kèng-ùi chú-lâng. Kì-jiân góa sī lāu-pē, góa eng-kai ū ê chun-tiōng tī tó-ūi? Kì-jiân góa sī chú-lâng, góa eng-kai ū ê kèng-ùi tī tó-ūi? Lín biáu-sī góa ê miâ, kèng-jiân káⁿ mn̄g, ‘Goán bat án-chóaⁿ kā lí biáu-sī?’ 7Lín chiong bô chheng-khì ê chia̍h-mi̍h hiàn tī góa ê chè-tôaⁿ téng, kèng-jiân koh káⁿ mn̄g, ‘Goán bat án-chóaⁿ phah lâ-sâm chè-tôaⁿ?’ Lín sīm-chì siūⁿ-kóng Siōng Chú ê chè-tôaⁿ thang biáu-sī. 8Lín hiàn sit-bêng ê cheng-siⁿ chòe chè-mi̍h, án-ni kiám tio̍h? Chiong kha-pái--ê á-sī ū-pīⁿ--ê hiàn hō͘ Siōng-tè, án-ni kiám tio̍h? Lín the̍h chit-khoán lé-mi̍h hiàn hō͘ lín ê séng-tiúⁿ, i kiám ōe kah-ì á-sī hoaⁿ-hí chiap-la̍p? Che sī Siōng Chú — Bān-kun ê Thóng-sòe kóng--ê.”

9Taⁿ, lín chiah-ê chè-si, khì tùi Siōng-tè kiû-chêng, kiû I khoan-iông lán. Lín the̍h hit-khoán chè-mi̍h hiàn hō͘ I, I kiám ōe hoaⁿ-hí chiap-la̍p? Siōng Chú — Bān-kun ê Thóng-sòe án-ni kóng.

10Siōng Chú — Bān-kun ê Thóng-sòe kóng, “Góa jōa-ni̍h ài lín tiong-kan ū lâng ōe kā sèng-tiān ê mn̂g koaiⁿ--khí-lâi, chiah bián lín tī góa ê chè-tôaⁿ pe̍h-pe̍h khí-hé. Góa bô kah-ì lín, mā bô ài chiap-la̍p lín hiàn ê chè-mi̍h.” 11Siōng Chú — Bān-kun ê Thóng-sòe koh kóng, “Choân sè-kài, tùi ji̍t chhut ê só͘-chāi kàu ji̍t lo̍h ê só͘-chāi, góa ê miâ tī bān-kok tiong siū kèng-tiōng, tī ta̍k só͘-chāi ū lâng tùi góa sio-hiuⁿ, hiàn kiat-chēng ê chè-mi̍h, in-ūi góa ê miâ tī bān-kok tiong siū kèng-tiōng. 12M̄-kú lín siat-to̍k góa ê miâ; lín siūⁿ-kóng Chú ê toh siū ù-jiám, toh-téng ê chia̍h-mi̍h bô chheng-khì. 13Lín kóng ‘Chiah-ê ū-kàu lô-so hùi-khì’. Lín kèng-jiân kā góa khòaⁿ-khin bú-jio̍k! Che sī Siōng Chú — Bān-kun ê Thóng-sòe kóng--ê. Lín the̍h chhiúⁿ--lâi-ê, kha-pái--ê, á-sī ū-pīⁿ ê cheng-siⁿ chòe lé-mi̍h hiàn hō͘ góa; góa kiám ōe chiap-la̍p lín chit-khoán chè-mi̍h? Siōng Chú — Bān-kun ê Thóng-sòe án-ni mn̄g. 14Nā ū lâng hē-goān beh chiong iûⁿ-kûn tiong ê iûⁿ-káng hiàn hō͘ góa, tian-tò ēng ū khoat-hām--ê lâi hiàn, khi-phiàn góa, i eng-kai siū chiù-chó͘! In-ūi góa sī tōa Kun-ông; góa ê miâ tī bān-kok tiong siū kèng-ùi.”

Siōng Chú — Bān-kun ê Thóng-sòe án-ni soan-pò͘.

Currently Selected:

Má-la-ki-su 1: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Má-la-ki-su 1

Videos for Má-la-ki-su 1

Malachi

BibleProject

Malachi 1-2

BibleProject

Má-la-ki-su 1

Popular Bible Verses from
Má-la-ki-su 1

Videos for Má-la-ki-su 1

Malachi

Malachi 1-2

Bible:

Chinese, Min Nan

Version: 現代台語譯本羅馬字版 - TTVR

Má-la-ki-su 1

Má-la-ki-su 1

Popular Bible Verses from Má-la-ki-su 1

Videos for Má-la-ki-su 1

Malachi

Malachi 1-2

Bible:

Chinese, Min Nan

Version: 現代台語譯本羅馬字版 - TTVR

Má-la-ki-su 1

Popular Bible Verses from
Má-la-ki-su 1