Lukas 3

Uan Tagfasurung at Foyungan

(Mat. 3:1-12; Mar. 1:1-8; Uan 1:19-28)

1-2Ebi gina sis 15k banwa talun Ruma at fun fiya fiya Tiberius gmagurang, tam Diyus naelongan sas Sakariyas baguwama Uan, sas talun at yud e taw. Ginanya, Punsyu Pilatu at gubernadur sis talun Udiya. Ay Erudes at tagmagurang sis talun Galiliya, ay at fadugsay Filipi at tagmagurang sis talun Iturea ay sis talun Trakunitis. Ay Lisanias tagmagurang sis talun Abilene. Ay Anas ay anggan Kayfas at fun taganyun. 3Ay Uan kamoyung sa sangay fulan tagsi sangaba day Safa Urdan. Kanya glong sa sangay taw te, “Foyungi ay ubuni ay ngay asalanan ay asurungi sasad safa, laman Diyus gfalyam ay ngay asalanan.” 4Ay Uan at fagbulun nafagurungan ebi Diyus taglong Isayas at rirukan te,

“Katatuy sik taw taguro at foyungan sa sangaba talun at yud e taw te,

‘Famasadani tam Fun at dalan, ay fasinei at fagnanloan!

5Fasudi fagayu tagubungan. Fadatagi fagayu at tagbudbugsulanun fag lungud talun ay anggan at ngay fagmabugsulan.

Faturuni fagayu dalan tagbarikwayun.

6Ay fagayu taw sumaful ban Diyus nu gfalangfe.’ ”

7Ay ngayuk taw at kinkakbang sas Uan laman nangasurung ro. Ay Uan iglong te, “Am fag ngay taw, kata way am sik ngay kubra! Sinu at nafoyung ayu te, lagyui at kumdasug ban fag faurianan? 8Falagani si ay fagbulun te, naubun wam ay ngay asalanan. Ay lag am gayup te, Abrayam wan ay aguyangan, ay wa ban am umfaurianan. Amatangani, Diyus mafaawat wadi tuy fag ngay batu Abrayam at kadagdagan. 9Ay katsi amatangani te, mafamasadan wan wase laman nanfuwan ngay fun kayu. Fagayu at yud masine nu gbuwadan muwan wan ay mukas wa sasad afuy.”

10Ay ngay taw nainto Uan te, “Tain manga ban em fagbulun?” 11Ay Uan nabalus te, “Nus nga sinu at ke balukas duwa, foni wan at sadi sa at yud e balukas. Ay nus nga sinu at ke fakonun, foni sa at yud e fakonun.” 12Ay at ngay taget buwis indasug laman nangasurung. Ay nainto Uan te, “Takamoyung, tain manga ban em fagbulun?” 13Ay Uan igbalus te, “Nu get am taw at buwis lag gfalabi, kayu yakman at matuyan ay fagetun!” 14Ay sik ngay sundalu ginto yangay te, “Ay ami, tain manga ban em fagbulun?” Ay Uan igbalus yangay te, “Lag gbul at ngay taw at singku nut siginan way ay nafalimuwanan, ay nut siginan way ay nafamuwagan. Balikam, useganani wan kayu ay fun at nafon ayu ay nalufuyan!”

15At katvngvdan ngay taw nu gfanya Diyus at nafili fag Fun, gamatangan wa te, “Nu nda kanya wan tam fagfanyaun?” 16Ay Uan nalong sanya fag ngay taw te, “Aw tagfasurung akway ayu sasad safa. Ay at kumdasug ban fag taw amadaragang yap angku, ay kwe fagmasineun an aw oma gluwas at fansiyuk at sinilas.#3:16 an aw oma gluwas at fansiyuk at sinilas: at masuwad te, an aw oma at fanuguwan. Ay kanya nanfasurung yangay ban ayu sa at Masine fag Falad ay sas afuy. 17Kanya kata sik taw tagfatagmaraan at fare laman gfasaman at mafis. Ay at ke bilug gfasas fagfafulan fag bale, ay at yud e bilug gbatas wa sasad afuy at yud kalayung faggugat.”

18Ay ngayu yay Uan nafoyung sa sangay taw sa baliwa at Masine fag Barita. 19Ay Uan nasalag Erudes, anway nabul at fadugsay mangena, at ngayan Erudias. Ay ngayu yay at nafagbulun mauri. 20Ay infamut yay ka fag fun sirut fagbulun mauri, anway kanya nafasungsung Uan sas bale fagsungsungan.

Uan Tagfasurung Nasurung Isus

(Mat. 3:13-17; Mar. 1:9-11)

21Ay Uan nafasurung wan ngay taw, ay anggan Isus insurung yangay. Ay gina Isus gdarangin, banwa nluwang. 22Ay at Masine fag Falad indaga kata sik linatad, ay nasubuk sas Isus. Ay e naelongan siginans banwa te, “O wan ku fakesugun ku baguwama. Guseganan aw dawdaw emu.”

Katatuy Isus at ngay Aguyangan

(Mat. 1:1-17)

23Nu ndain Isus 30 wan at banwa bagu gfasigad at fagbulun. Tibak taw nu gfasad, Isus at tama Use ay at fufuwama Eli. 24Eli at tama Matat. Matat at tama, Lebi. Lebi at tama, Melki. Melki at tama, Anay. Anay at tama, Use. 25Use at tama, Matatias. Matatias at tama, Amus. Amus at tama, Naum. Naum at tama, Esli. Esli at tama, Nage. 26Nage at tama, Maat. Maat at tama, Matatias. Matatias at tama, Semin. Semin at tama, Usek. Usek at tama, Oda. 27Oda at tama, Uanan. Uanan at tama, Resa. Resa at tama, Sirubabel. Sirubabel at tama, Sealtiyel. Sealtiyel at tama, Neri. 28Neri at tama, Melki. Melki at tama, Adi. Adi at tama, Kusam. Kusam at tama, Elmadam. Elmadam at tama, Er. 29Er at tama, Uswe. Uswe at tama, Eliyeser. Eliyeser at tama, Urim. Urim at tama, Matat. Matat at tama, Lebi. 30Lebi at tama Simyun. Simyun at tama, Uda. Uda at tama, Use. Use at tama, Unam. Unam at tama, Eliakim. 31Eliakim at tama, Melea. Melea at tama, Mena. Mena at tama, Matata. Matata at tama, Natan. Natan at tama, Dabid. 32Dabid at tama, Ese. Ese at tama, Ubid. Ubid at tama, Bus. Bus at tama, Salmun. Salmun at tama, Nasun. 33Nasun at tama, Aminadab. Aminadab at tama, Admin. Admin at tama, Arni. Arni at tama, Esrum. Esrum at tama, Peres. Peres at tama, Uda. 34Uda at tama, Akub. Akub at tama, Isaak. Isaak at tama, Abrayam. Abrayam at tama, Terak. Terak at tama, Nakur. 35Nakur at tama, Serug. Serug at tama, Reu. Reu at tama, Peleg. Peleg at tama, Eber. Eber at tama, Sela. 36Sela at tama, Kainan. Kainan at tama, Arfaksad. Arfaksad at tama, Sem. Sem at tama, Nuwe. Nuwe at tama, Lamek. 37Lamek at tama, Metusela. Metusela at tama, Inuk. Inuk at tama, Yared. Yared at tama, Malalel. Malalel at tama, Kainan. 38Kainan at tama, Enus. Enus at tama, Set. Set at tama, Adan. Adan at tama, Diyus.

Currently Selected:

Lukas 3: TAWEAST

Highlight

Copy