मरकुस 11

यीशुन यरूशलेम माय प्रवेश करणो

(मत्ती 21:1-11; लूका 19:28-40; यूहन्ना 12:12-19)

1जेवी ता यरूशलेमा जैतुनान डोंगरा आहने, बेतफगे गाव एने बैथानी गावने जागे आवा तेवी तो आपणा चेला मायरीन दुय जाणाह ज्यो केयेल मोकलील का, 2“ओगाण वाला गावामाय जावू, एने ताहारिन पोचीन एक गेदडान पिलो जापोर कधीच कूण नीही बोह्यो एय, तुमूह बाधलेल जुडी ताह सोडीन लावो. 3जर तुमूह कूण फुसी तर, ज्यो काय केरतेह हि? तर किजू का, प्रभुह ज्यान गिरिनज हि, एने तो जल्दीच ज्याह वापस मोकलील देय.” 4ता दुय चेला जाइन ता गेदडान पिलो बाहेर दरवाजा पोर बांधल देखायील एने सोडीन लागिल. 5ताहरी जा उबरीन येल एता, कांही केणे लागिल, ज्यो काहा केरतीन हि, गेदडान पिलो काहा सोडतेह? 6ता जीही यीशु कियील एतो तिहीच ताह केयेल आपील; तेवी माणहाह ताह जाणे देना. 7ता दुय चेला गेदडान पिलो यीशुन आहने लावीन तापोर उपेर आपणा फाडका टाकील यीशु तापोर बोह गीयो. 8तेवी आखा आपणा फाडका वाटी पुर टाक्या एने कांही जाणाह खेतामायरीन दालखी काटीन फेयलाव्या. 9जो तान ओगांण ओगांण एने पासाण पासाण चालतो तो आयडीन आयडीन किथी जात एता, होसांन्ना! धन्य हि जो प्रभुने नावान आवथू! 10आमरा आबोक दाविदान राज्य जो आविह; धन्य ज्यां! आकाश माय होसांन्ना 11एने तो यरूशलेमाय पोचीन मंदिर माय आवु, चारू उखर आख वस्तूह देखन बारा जाणा हेर्यो बैथानी माय गीयो, काहाकाय हांज एय जाईल एती.

अंजीरान झाडाह श्राप

(मत्ती 21:18-19)

12दिहरा दिह ताहेरया तो बैथानी गाव मायरीन निकलीन ताह बुख लागिल. 13तो सेटेरिन अंजीरान एक निलोझाड देखव आहने गीयो, कि कधाचित तामाय कांही जुडव: पुण पानटाह सोडीन दिहरो कांही नाहं जुडल; काहाकाय फोलान टाइम नाह एतो.

मन्दिरमाय रीन व्यापारीह निकालणेन

(मत्ती 21:12-17; लूका 19:45-48; यूहन्ना 2:13-22)

14ज्यापरीन ताह कियील, “अवि रीन कूण तारो फोल केधीच खाण्यू नाहं! एने चेला होमले एता. 15पोशा ता यरूशलेमाय आवो, एने तो मंदिर माय गीयो; एने ताहारिन जां लेन-धेन केरताला ताह बाहेर काडने लागिल, एने सरफांन चौरंग एने कबुतर वेचणाराण पांजरा उलटाव दियील, 16एने तो मंदिर मायरीन ठाम्बंला लावा आवणे जाणे नाह दिनू.” 17एने उपदेश केरीन ताह कियील, “काय ज्यो नाह लिखील हि, का मार घेर आख्यू जात्यून केरीन प्रार्थनान घेर केवाय? पुण तुमु ते ज्याह डाकून गुफा बोणाव दियील हेते. 18हे कोलाक मुख्य याजक एने शास्त्री तान घात केरणेन केरता योजना कराय लागिल; काहाकाय ते ताह बियव इन एता, काहाकाय कि आखा माणहे तान शिक्षणापोरीन बोंगलाय एय गीयो एता. 19हांजपोर एताच ते शहरान बाहेर निकलीन गीया.”

विश्वासान ताकेत

(मत्ती 21:20-22)

20उवतू तो हेकाले ते तारीन जात एता तेवी ताह आवा अंजीरान झाडाह मूला फायरीन हुकवदेखील. 21पतरसाला तान वात होमजल, एने ताह कियील, “हे गुरुजी, देखू! ज्यो अंजीरान झाड ज्याह तुमूह शाप आपील एतो, हुख गीया.” 22यीशु ने ताह उत्तर आपील, “बोगवानापोर एने विश्वास मेलू.” 23मी तुमूह मी तुमूह खेरीच किथु, कि जो कूण उवतू तो डोंगराह केह, तू उखाडव जा, एने समुद्रा माय जाइन पोड, एने आपणो मोनाम शक मां केरणे, तर एने विश्वास देरू कि जो किथी हि तो एय जाहू, तर तान केरता तोज लेहु. 24तान केरता मी तुमूह किथु कि काही तुमूह प्रार्थनाम केरीन मागणार एने विश्वास केरीन लावील का तुमूह मिलिन जाय, एने तुमरे केरता लेईन जाय. 25एने जेवी केवी तुमु उबरीन प्रार्थना केरणू, ते जर तुमरे मोना माय कुणीन भी बारामाय कांही विरोध रेंय, ते क्षमा केरू: ज्यानकेरता का तुमरो स्वर्गामाय वालू पिता तुमरा पापान क्षमा केरी. 26पुण तू शमा नाय केरहू तो तुम्रू भव जो स्वर्गाम ज्यां, तुमरो अपराध शमा नाय केरील.

अधिकारा पोर प्रश्न

(मत्ती 21:23-27; लूका 20:1-8)

27यीशु एने तान चेला पोशा यरूशलेमाम आवो, एने ताहेरया तो मंदिरामाय फिरीन एतो तर मुख्य याजक एने शास्त्री एने डाय डाया ताफाय आवीन फुसनेनकेरता लागिल, 28“तू हे काम कायताहा अधिकाऱ्या हेऱ्यो केरतीन हि? एने हे अधिकार तुवाह कूण आपील हि कि तू हे काम केरुहू?” 29यीशु ताह कियील, “मी पुण तुमूह एक वात फुसहु; माणहाह उत्तर आपणार तर मी तुवाह केनार कि हे काम कायताहा अधिकार कोरथू. 30यूहन्नान बाप्तिस्मा काय बोगवाना फायरीन एतो कि माणहा उगेरिन एतो? माहु उत्तर दया.” 31तेवी ते आपसामाय विचार केरणे लागिल कि जर आमु किथे स्वर्गाफायरीन न, तर तो केनार, तर तुमूह तापोर एने विश्वास का नाहं केरील? 32एने जर आमु केहू, माणहा उगेरिन, तर माणहान बिणेन हि, काहाकाय आखाह मालूम हि कि यूहन्ना खेरिन खेरिनच भविष्यवक्ता एतो. 33तेवी यीशुह उत्तर आपील, आमूह नाहं मालूम यीशु ताह कियील, “मी भी तुमूह नाहं किथ कि कायताहा अधिकार करने.”

Currently Selected:

मरकुस 11: NLXNT

Highlight

Copy