मरकुस 10

तलाकान विषय माय हिक

(मत्ती 19:1-12)

1तो तारीन उठीन यार्दिन नदीन पुरले उखेर यहूदा प्रांतात आवो, वगर्दी तान आहने पोशी एय गीयी, एने तो आपणो पोशो ताहा हिकाडणे लागो कायम गेत. 2तेवी कांही फरीसी तान पारखणे तान आहने आवो एने ताह फुसणे लागिल का, “काय माणहान केरीन आपणो बायकू सोडीन योग्य हि?” 3तो ताह कियील, “मुसान तुमूह काय हुकुम आपील हि?” 4ता कियील, “मुसा माणहाह हुकुम आपील हि का तो सुटपत्र लेखन बायकू सोड्नेन.” 5पुण यीशु ने ताह कियील, “तो ज्यां आज्ञा तुमरो मोनान कोठोरता वजेसेकेयील एतो.” 6पुण केलीन सुरुवातव रेन बोगवान ताह बायकू एने माणहे बोणावली हि. 7तामुळे माणुह आपणो आहाक आबाक सोडीन आपण्यू बायकू हेरी रेय. 8एने ता दुय जाणे एक शरीर बोणीन रेती, तान्केरता ता दुय जाणा नाह पुण ऐवी एक शरीर हेते, 9तावजेसे ज्याह बोगवान जुडवहि ताह कूण माणुह आलेग केरुहू नाहं. 10एने चेला घेराम आवीन आवीजा विषयी ताह उंजू फुसणेन लागा. 11तास ताह कियील “जो कूण आपणी बायकू सोडीन दिहरा बायकू हेर्यो वाराड केरीह तर तो तान पेलली बायकून विरुद्ध व्यभिचार केरणे. 12एने बायकू भी आपणो एदम्याह सुटपत्र आपील दिहरा माणहा हेरी वाराड किरीह, व्यभिचार केरीह.”

सोराह आशीर्वाद

(मत्ती 19:13-15; लूका 18:15-17)

13ओवता माणेहे सोराह तान आहने लावा लागा, कि तो तापोर आथ मेली, पुण चेला ताहा जुल्या. 14यीशु ने ताह देखन, तेवी क्रोधाने ताह कियील, सोराह बोगवानान आवणे दिवू, काहाकाय स्वर्गान राज्य ओहलाचने हि. 15“मी तुमूह खेरिनच किथु जो कूण बोगवानान राज्याम आत्या सोरान होस ग्रहण केरी नाहं तर तो तामाय केधीच प्रवेश नाय केर साकी.” 16तेवी तो सोराह आपणा खोलामाय विसीन आहने केर्यो. एने तो आपणो आथ तां पोर मेलीन ताह आशीर्वाद आपील.

मालदार जुवान एने अनंत जीवन

(मत्ती 19:16-30; लूका 18:18-30)

17एने जेवी तो प्रिनासामाय जाते एय तो तेवी एक माणुह दोवडतेन तान आहने आवीन पाया पोडीन फुसणे लागिल, हे हाजा गुरुजी, तू हाजो हि एने अनंत जीवनान अधिकारी ला केरता मी काय केरणे? 18यीशु ताह कियील तू माहु हाजो काहा किथी? कुणी हाजो नाह, फक्त एक म्हणजे बोगवान. 19तुवाह आज्ञा ते मालुमुच हि, हत्या केरहू मां, व्यभिचार केरणू नाह, चोरी केरहू मा खोटी गवाही आपहू मां, निंदा केरणू नाह, आपणा आई आबाकान मान मेलू. 20तो ताह कियील, गुरुजी, मी जेल्मो लियील हि तेविरीन ज्यू आज्ञा पाळते आवील हि. 21यीशु ता उखेर नेजेर टाकीन तापोर प्रेम किरील, एने ताह केयो, “तुवामाय एक वातीन कोमी हि; जां; जो कांही तारो हि, ताह वेचीन गेरब्याह वाट दी, एने तुवाह स्वर्गामाय धेन जुडी, एने आवीन मार पासाण आव.” 22ज्यो वचन होमलावा तान मूय उतोर्णो एने तो दुखाम एईन तारीन निकलीन गीयो काहाकाय तो जुलुम श्रीमंत एतो.

23यीशु ने चारुबव बाजूमाय देखव आपणो चेला कियील, धनवानान केरता बोगवानान राज्यन केरता प्रवेश केरणेन कोलाक केठव हि. 24चेला तान शब्दाव जेसे जादा आश्चर्य एय गीयो पुण यीशु ने उवतू तो कियील, “हे सोरा, बोगवानान राज्यम प्रवेश मिळवीन केव एने केठन हि. 25बोगवानान राज्यम एखादो बोगवान प्रवेश केरणेन केरता उंटळाह हुईन नाकाम निकलीन जाणू सोपो हि.” 26तो उंजू जादा बोग्लाईन फुसणे लागिल उवतू तो कूण उद्धार एहू शकते? 27यीशु ताऊखीर देखीन कियील, “माणहा फायरीन तर ज्यो नाहं एने शकत, पुण बोगवानानाह तर आखा काही एने शक्य हि.” 28पतरस ताह केहू लागिल, देखू, आमु आखा सोडीन तारो पासाण लागिल हि. 29यीशु कियेल, मी तुवाह खेरीच किथु, का ओहलो कूण नाह जो मारो एने मार सुवार्तान केरीन घेर, बाहाक बोणिक आहाक आबुक सोरा एने खेताह सुडील हि. 30एने ऐवी ज्या समय पोर सौ गुणा नाय जुडील, घेराह एने बाहाक एने बोणिक एने आयह्युक एने बाल-बोच्चां एने खेतामाय सतावां हेर्यू एने पेरलोकामाय अनंत जीवन. 31पुण कोलाक जाण जां पेल्ला हेते, ता सेवेतल्या एती जोशेट हि तो पेल्ला एती ता.

यीशुन आपणी मोत ने विषय माय तिसरी वारीन भविष्यवाणी

(मत्ती 20:17-19; लूका 18:31-34)

32एने ता यरूशलेमाम जातेन वाटेमाय वाला एता एने यीशु तान ओगांण ओगांण जात एतो एने तो चक्कित एता एने जो पासाण आविह एता तो बिईल एता एने उंजू तो ता बाराणा आलेग लावा गीयो, एने जो कांही तान बरोबर एय एता तो ताह किथी एतो. 33देखू, आपु यरूशलेमत जाइन रेणा हि एने माणहान सोराह तर मुख्य याजक एने शास्त्री आथाम देराव एने आपील जाहू एने तो ताहाच मरण दण्डास योग्य ठेरिन एने अन्य जाती आथे होपव आपण्यू. 34तो तान थट्टा केरुहू, तापोर थुपणार, ताह चापका मारणार एने मारीन टाकणे एने तो तान दिहामाय तो पोशो जव एने तालू उठीन.

सेवान महानता

(मत्ती 20:20-28)

35तेवी जब्दीन दुय सोरा याकूब एने यूहन्ना तान आहने आवीन केहू लागिल, हे गुरु, आमूह लागीह जो कांही आमु तारहेर्यो मागुहू तो तू आमरिन केरता केर. 36एने तान ताहाच कियील तुमूह काय लागीह मी तुमरीम केरता केरणे? 37तां ताहाच कियील, तारो वैभवमा आमरिन माय्ररिन एक जेव डव उगे एने दिहरो डाखरिन उगव बोहवल. 38पुण यीशु ने ताह कियील, तुमूह मालूम नाहं का तुमूह काय मांगतेन हि जो प्याला मी पिनार हि काय तो तुमूह पव हु शकता? काय जो बाप्तिस्मा मी लेणार हि तो तुमूह लेहु शकणार काय? 39एने तास ताहाच कियील, “आमु केरनेशकणे.” एने यीशु ने ताह कियील, तो प्याला मी पिनार हि तुमूह पव हु केरसेक्तालू एने तो बाप्तिस्मा जो मी लेहु हि तुमूह लेहु केरसेक्तालू. 40पुण आपणो जेव डव केवहव डाखरिन उगव बोहाडणे मारा काम नाहं पुण तादिहरिन जातव अधिकार एने केरता हि जानकेरता तियार किरील हि. 41ज्यो होम्लावा दहा चेला याकूब एने यूहन्नापूर का चवायन गीया. 42केरीन यीशु ने ताह आहने हादाडळव कियील, तुमूह मालूम हि का जो अन्य जातीन अधिकारी एने सोमजवजाथू तो तापोर प्रभुत्व केरणू एने तामाय जो मोठा हि तो तां पोर राज्य केरणू. 43पुण तुम्रेमाय इही नाहं जो कूण तुम्रेमाय मोठू एहू इच्छितो तान तुम्रेमाय दास एणेजुव एने. 44एने जो तुम्रेमाय अधिकार एने बोणणेन मांगथू तान सोबान दास बोणणेन जुव एने. 45काहाकाय माणहान सोरू पुण आपणी सेवा केरीन केरता नाहं पुण सेवा केरणे एने कोल्लाकतेबव वेचातो लेणे केरता आपणो जीव एने आपणेन आवा हि.

आंधला बरतिमाईह हुदारणेन

(मत्ती 20:29-34; लूका 18:35-43)

46ता यरीहो माय पोचेल एने ताहेरया तो आपणो चेला एने एक मोठला गर्दव हेऱ्या यरिन हामायरीन बाहेर जात एता तर बरतिमाई नावान एक आंधलू भिखारीन जो तिमयान सोरो एतो वाटव मेरापूर बोहवएतो. 47ताहेरया तान होमलील का हा नासरी यीशु हि तेवी तो आयडीन लागिल, हे यीशु राजा दाविदान सोरो, मारपुर दया केर. 48कोलाकान जुल्या आपील कियील का तो ठावको रेणेन जुव एने, पुण तो उंजू जोरेस आयळणेन लागिल दाविदान सोरो, मारपुर दया केर. 49तेवी यीशु ने थोबन कियील, ताह हादाळो एने माणहान ताह जो किथी हादाडील, धीर देर, एने उठ तो तुवाह हादतेन हि. 50एने तो आपणो झगा एक बाजूमाय टाकील आपील एने कुदिन उठिल एने यीशु हेऱ्यो आवा. 51यीशु ने उत्तर आपील कियील, तुवाह काय लागीह का मी तार केरता केरणे? एने आंधलान ताह कियील, मारो गुरु, माहु देखताला हि. 52यीशु ने ताह केईल, निकलीन जा तारो एने विश्वासान तुवाह हाजो किरील हि तो चालूच देखणेन लागो एने तान पासाण वाटे लाग गीयो.

Currently Selected:

मरकुस 10: NLXNT

Highlight

Copy