प्रेरितान कामे 3

लेंगडा भिखारीन हाजो एणो

1पतरस एने यूहन्ना तीस-या प्रहरी प्रार्थनान टाइम मंदिरामाय जात एता. 2एने माणहे एक जन्मारीन लेगडाह लीन जाताला, ज्याह ते प्रत्येक दिह मंदिरान बायना पोर जो “हाजो” केवातोला बोहाड देताला, का तो मंदिरामाय जाणाराफायरीन भिख मागी. 3जेवी तास पतरसाह एने यूहन्नाहा मंदिरामाय जातेन देखील, तर तास भिख मांगील. 4पतरसाने यूहन्नान हेरी ताफाय लक्ष्य आपील कियील, “आमुफाय देखू” 5सेवट तो ताफायरीन काही जुडणेन आशा केरीन ताऊखीर देखहुं लागिल,

6तेवी पतरसा केयील, “चांदी एने होनो ते माहुफाय नाह, सोतो पुण जो माहुफाय हि तो तुवाह आपथु; यीशु मसीह नासरी नावामाय चाल फिर.” 7एने तान जेवड्यो आथ देरीन ताह उठाडील; एने तान पायामाय गुटण्यामाय ताकत आवी, 8एने तो उठीन उबरेय गीयो एने चालणे फिरीने लागिल, एने चालतो एने कुतेन एने बोगवानान स्तुती केरतीन तान हेरी मंदिरामाय गीयो. 9आखा माणहान ताह चालतालून फिरतालुन एने बोगवानान स्तुती केरतालोन पाहून, 10ताह ओलखिन लीईल कि तो तोच हि मंदिरान हाजी फाटकापूर बोहीन भिख मांगतेन रेथे एतो एने जी घटना ताहे-यो एनी एती ते जादा नवल केरीन चक्कित एय गीयो.

मंदिरामाय पतरसान उपदेश

11ताहे-या तो पतरस एने यूहन्ना देरील एता, तेवी आखा माणहे जुलुम आश्चर्य चक्कित एय गीयो ता टायीमा जे सुलेमानान बोगवानानडीन आहने दोवडीन एता, 12हे देखीन पतरसाने माणहाह कियील, हे इस्राएल माणहा, तुमूह आवो माणहापूर आश्चर्य केरणू एने आमुफाय का इही दिखिह हि कि तुमुच आपणा सामर्थ्य आवो भक्तीने चालणेन फिरीनेन योग्य बोणावीन आपील हि. 13अब्राहाम ईसाहाक एने याकूबान बोगवान आमरा पूर्वजान बोगवानान आपणो दास यीशुन महिमा केरीज्याह तुमूह देरावीन आपील एने ताहे-या पिलातुसान ताह सोडणेन विचार किरील तेवी तुमूह तान सुमोर तान नकार किरील. 14तुमूह ता पवित्र एने धार्मिकतान नकार किरील, विनंती केरील का एक खुनीह तुमरीकेरता सोड देणे माय आवी 15एने तुमूह जीवनान कर्ताला मारीन टाकील ज्याह बोगवानान मोरील मायरीन जीवतालू किरील; एता एने ज्याह वातून आमु गवाही हि. 16एने ताणुच नावान ता विश्वासान द्वारे जे तान नावापुर हि, आवो माणहाह ज्याह तुमूह देखताला एने ओलकतेह पुण सामर्थ्य आपील, तान विश्वासान जे तान द्वारे हि ताह तुमूह आखान ओगाण हे शरीर संपती एनी हि.

17“ऐवी हे बायहो, मी जाणथू कि तुमूह हे काम एनजाणल्यामाय किरील हेते, एने तोहोलोच तुमरो सरदाराने पुण किरील. 18पुण ज्या वातू माय बोगवानान आखा भविष्यवक्तान मुखाने पेलूच केयीन आपील हि कि तानकेरीन दुख मसीह भोगी, ताह तान आवो रीतीमाय पुरो किरील. 19जानकेरता मोन फिरावू एने पोशा आवो कि तुमरो पाप बुजील जातीमाय ज्यासे प्रभुन संमुखाने विश्रांतिचे मुख आवती. 20एने यीशुह मोकलील जे तुमरीकेरता पेल्लारीन मसीह निवाडील गीयो हि.” 21आवश्यक हि कि तो स्वर्गाम ता टायमापोरउर रेंय जेवीवोर ते ता जेवीवोर ता आखा वातून हुदारणे नाहं केरतीन एता ज्यान चर्चा प्राचीन काला से बोगवानान आपणो पवित्र भविष्यवक्ता मुया केरीन कियील हि. 22जोहलो कि मुसान कियील हि, प्रभु बोगवान तुमरो बायहो मायरीन तुमरीकेरता मारहोच एक भविष्यवक्ता किरील जाहो जो काही तुमूह केह तान होमलेणेन. 23पुण प्रत्येक माणहेच ता भविष्यवक्त्याचे होमलील नाहं माणहा मायरीन नष्ट किरील जाहो. 24एने शमुवेल तारीन तान मागणानकेरिन ताहवोर तान केरता भविष्यवक्ता केतेह ताह आखा आवो दिहान पोरचार दियील. 25तुमूह भविष्यवक्त्याचे सोरा एने वाचा भागीदार हि जे बोगवानान तुमरो पूर्वजा तारीन चालू हि ताहेरया तान अब्राहामाह कियील तारो वंशाद्वारे जोमनिन आखा घेराने आशीर्वाद एती. 26बोगवानान आपणो दासाचा उठाळीन पेल्ला तुमरीफाय मुकलेल कि तुमरो मायरीन आखाह ताह वाईट सोडीन आशीर्वाद आपील.

Currently Selected:

प्रेरितान कामे 3: NLXNT

Highlight

Copy