प्रेरितान कामे 2

पवित्र आत्मान उतरने

1जेवी पेन्तिकोस्तान दिह आवा, तो आखा एक जागीपोर जोमणेन एता. 2अकस्मात आकाशा मायरीन मोठली वारान सूसाट्यान हारका शब्द आवा, एने ताकेरिन आखा घेर जाहारी ते बोह्ना एता, घेरून लीईल. 3एने ताह आकठाम जीभ्यू फाटवालो देखाना एने तामायरीन प्रत्येक जनावर आवीन ओगाण. 4ता आखा पवित्र आत्मा माय बोरीन गीया, एने ज्या प्रकारे आत्मा माय ताह बोलणेन सामर्थ्य आपील, ते वेग अलग भाषा बोलणे लागिल.

5एने आकाशान नीचे वाला हर एक जाती मायरीन भक्त-यहूदी यरूशलेम माय रेताला. 6जेवी हा शब्द एनो तर गेर्दी जोमनि एने माणहे बियीन गीया, काहाकाय प्रत्येक जाणाह ज्याच होमलू आविह एता कि कारण प्रत्येक जाणाह ज्याच होमलूह आविह एता कि हे मारो भाषाम बोलीह हि. 7ता आखा आश्चर्य एने नवल केरीन केवाय लागिल, “देखू, हे जे बोलीह हि काय आखा गलीली नाहं? 8तर का आमरीफायरीन प्रत्येक जन आपणे आपणे भाषा होमेलनू? 9आमु जे पार्थी एने मेदी एने एलामी एने मेसापटेम्या एने यहूदिया एने काप्पदुकीया एने पुन्तुस एने आशिया, 10एने फ्रुगीया एने पंफुलीया एने मिस्र एने लिबिया देश जा कुरेनेन आस-पास हेते, ज्या आखा देशामाय रेणार एने रोमी प्रिनासी, 11म्हणजे यहूदी एने यहूदी महत्केर्मे पेरणु केरणारा, क्रेतीय एने अरब पुण, पुण आपणो आपणा भाषाम तान बोगवानान मोठे मोठे कामान चर्चा होमेलनू.” 12एने ता आखा आश्चर्य भोगलाईन एय गीयो एने बियीन एकमेकाह केवाय लागिल, “हे काय एता हि?” 13पुण दिहरान मोजाक उघाडीन कियेल, “ते तर नाहं मंदिरा नशेनी चूर एय गीयो.”

पतरसान भाषण

14तेवी पतरस तां अकरा जाणा हेर्यो उबरीनू एने उचां आवाजान शब्दांमाय केणे लागिल, “हे यहूदी माणहां एने यरूशलेमान आखा रेणारे, हे होमजाडीन ली, एने काम लागाडीन मारी वात होमलू. 15जोहलो तुमूह होमजाडणे हि, हे माणहे नशाम नाहं हि, काहाकाय ऐवी तर पेल्ला प्रहर हि.” 16पुण हि ती वात हि, जो योएल भविष्यवक्तान द्वारे केदाह गीयी एती:

17बोगवानान केणे, कि शेवटेस दिहामाय इही एय कि मी आपणो आत्मा आखा माणहापूर वर्षाव केरुहू, एने तुमरो सोरा एने तुमरो सोरी भविष्यवाणी केरुहू, एने तुमरो डावाला वार्ता होपीन पोडती.

18नाहं तर मी आपणो दासास एने आपणो दासिपोर पुण ता दिहामाय आपणो आत्मान वर्षाव केरुहू, एने ते भविष्यवाणी केरुहू.

19एने मी उपेर आकाशामाय अदभूत कामे एने बुंदे जोमनि पोर चिन्हे, म्हणजे रक्त एने आकठाम एने दृम्ररूप इही देखाळाणार.

20बोगवानान महान एने नावलाईल दिह आवणारा वेलूच सूर्य अंधकारमय एने चांद रक्तमय एय.

21एने जो कूण बोगवानान नाव लेय, तान उद्धार एय.

22हे इस्राएल, हे वात होमलू: यीशु नासरी, एक माणुह एतो ज्यान द्वारे बोगवानानापूररीन ला प्रेमान ता महत्कृत्ये कामे एने अदभूत कामे एने चिन्हनाणी प्रगट हि, जे बोगवान तुमरे माय तान द्वारे मेलीन देखाडील जे तुमूह मालूम हि. 23तान यीशुह, जे बोगवान निवाडील योजना एने पूर्वज्ञान प्रमाणे दिरील गीयो, तुमूह अधर्मान आताकेरिन क्रुस पोर खिळून मारील. 24पुण ताहुच बोगवानमोरनाराण बंधनामायरीन सोडवीन उठाडील; काहाकाय हे एने अवश्य एता कि तो तान स्वाधीन रेणे.

25काहाकाय दाविद तान विषयी बुलीह, मी प्रभुह कायम आपणो सुमोर दिखिह रेंय कारण तो मारो जेवडी उगे हि, तान केरता कि मी ढळू नाहा केरीन,

26ज्या कारण से मारा हृदय आनंदित एय गीयो, एने मारी जीभ आनंदमाय एनी; नाहं तर मारा शरीर पुण आशा माय बोणीन रेय.

27काहाकाय तू मारो जीव अधोलोकाम नाहं सोडणार; एने नाहं आपणा पवित्र जाणाहा सेडणे नाय देही. 28तू माहु जीवनान सिडिक देखाडील हि; तू माहु आपणा दर्शना द्वारे आनंदिसे बोर दियील हि. 29हे बायहो, मी कुलाधीपती दाविदान विषयी तुमूह प्रशस्तपणे किथे का तो तर मोरीन गीयो एने बुजना पुण गीयो एने तान माहाण आज ताहवोर आमरा न्या हि. 30तो भविष्यवक्ता एतो, ताह मालूम एता कि बोगवान माहु शपथ लीईल हि कि मी तारो सततिह एक माणहा तारो राजासनापूर बोहाडणु, 31तो एणांरी वातूह पेलूच देखीन मसीहान उठणेन विषयामाय भविष्यवाणी केरील का नाहं ते तान जीव अधोलोकामाय नाह सोडना एने नाहं ते तान शरीराह हेडणे देना. 32तान यीशुह बोगवान उठाडील हि, ज्यान आमु आखा गवाहीदार हि. 33आव प्रकारे बोगवानान जेवड्यो आथाह उचो पोद मेलावीन, एने पित्या उगेरीन ते पवित्र आत्मा प्राप्त केरीन ज्यान प्रतिज्ञा केरील गीयी एती तान हे बोरगे आपील हि जे तुमूह देखताला एने होमेलनू.

34“काहा दाविद तर स्वर्गापूर नाहं चेढील; पुण तो स्व: त केणे”

बोगवानान मारो प्रभुह कियील, मारो जेवडी उगे बोह,

35ताहउर मी तारो वैऱ्यांना तारो पाया बुंदे नाहं केरूह शकणार. 36पुण ऐवी इस्राएल ने आखो घेराणो निश्चयपुर्वक जान लेवू का बोगवान ताच यीशुह जाह तुमूह क्रुस पोर चेढाविल एता, ताह प्रभु भी ठेरावील एने मसीह भी.

37तेवी होमालनारान हृदयान लागी एनो, एने ते पतरसस एने दिहीरा प्रेरिताह फुसनेनकेरता लागिल, “हे बायहो, आमु काय केरूह?” 38पतरस ताह कियील, “मोन फिरावू, एने तुमरे मायरीन प्रत्येक जाण आपणा-आपणा पापान क्षमान केरता यीशु मसीहान नावामाय बाप्तिस्मा लेवू; ते तुमूह पवित्र आत्मा ने दान जुडी. 39काहाकाय जी प्रतिज्ञा तुमूह, एने तुमरा सोराह आत्यासोराह, एने ता आखा सेटा-सेटेन माणहान केरता भी हि ज्याह प्रभु आमारो बोगवानान आपणो आहनी हादी.” 40तास जादा काही वातू माय पुण गवाही आपील होमजाली कि आपणो जीवाह कुटील पिडी तारीन वाचाढो. 41यास्तव तान केरता तान वचन मानी लेय तास बाप्तिस्मा लियेल; एने तान एक दिह तीन हजार माणहान लेगभोग तामायरीन मिलिन गीया. 42एने ते चेला फायरीन शिक्षा लेणेन, एने हेरी संगती मेलणे एने रूटू तोडीन, एने प्रार्थना केरणेन केरता तियार रेथे.

विश्वास्यान संगती

43एने आखा माणहाह भी प्राप्त एय गीयो, एने जादा अदभूत कामे एने चिन्हे प्रेरितांच्या द्वारे प्रगट एता. 44एने आखा विश्वास केरणारा हेरी रेथे एता, एने तान आखा वस्तु हारकाच एती. 45एने ता आपणी आपणी संपती एने सोमान वेचीन वेचीन जीही ज्यान गिरीज एता एती, वाटीन लेतेन एता. 46ते प्रत्येक एक दिह एक मोन एईन मंदिरामाय एखालाज एता, एने बागे-बागे रूटू, मुडीन आनंद एने सालस मोनान खाणो खाणे एता. 47एने बोगवानान स्तुती केरतीन एता, एने आखा माणहे तासहेऱ्यो प्रसन्न एयस: एने, जो उद्धार प्राप्त केरतीन एता, ताह प्रभु प्रत्येक एक दिह तामाय मेलावीन आपतेन एतो.

Currently Selected:

प्रेरितान कामे 2: NLXNT

Highlight

Copy