Salmos 3
3
Sc'oponel Dios ta sab yu'un muc'ul-o'tanil
Ha salmo yu'un David te c'alal loc' ta ahnel ta stojol te Absalón te snich'ane.
1¡Jehová, c'ax bayel p'ohlemic te jcontratac!
ha tsobolic te ya xhahch scontrahinonic.
2Tsobolic te hich ya yalic ta jtojol:
Ma ba ya xcoltayot yu'un Dios, xchihic. Selah
3Pero ha'at, Jehová, jmahquilalat ta joyobal,
ha cutsilalat soc ha'at yac ahachbon te jole.
4Awonon ta stojol Jehová,
ha la sjac'bon jc'op c'alal ta ch'ul wits yu'un. Selah
5Ya jmehtsan jba, ya xwayon,
ya xhahchon yan buelta,
yu'un ya ya'bon quip te Jehová.
6Ma ba ya jxi' lajunmil ta tuhl
te ya sjoytayonic ta contrahinel.
7¡Hahchan, Jehová,
coltayawon, Dios cu'un!
Yu'un ha'at yac amajbe scho' spisil te jcontratac
soc yac awuyticlambe sbaquel ye
te mach'atic chopol yo'tanic.
8Yu'un Jehová te colole.
¡A'beya bendición te pueblo awu'une! Selah
Currently Selected:
Salmos 3: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
