Salmos 2
2
Ya x'och ta ajwalil mach'a tsahbil yu'un Jehová
1¿Bin yu'un ya xhahch schapic contrahinwanej te nacionetic,
soc te tojol bin ya snopic te pueblohetique?
2Ya xhahchic te ajwaliletic ta q'uinal,
soc te príncipaletic junax ya yac' sbahic
ta schapel scontrahinel te Jehová
soc te mach'a tsahbil yu'une.
3Hich ya yalic:
Ac'a jtuch'betic te cadena yu'unic,
ya jch'ojtic loq'uel ta jtojoltic
te bin schucojotic a, xchihic.
4Te Mach'a nahinem ta ch'ulchan ya stse'lay;
te Cajwaltic ya xlabanot yu'un.
5Ya me yuticlan soc yilimba,
ya me xiwteslan ta yilimba, hich ya yal:
6Ho'on la jcotses te ajwalil cu'un ta Sión,
te ch'ul wits cu'un, xchi.
7Ya jpuc ta halel te bin yaloj ta mandar te Jehová:
hich la yalbon: Ha'at jnich'anat;
nax to nax ayinat cu'un.
8C'ambon, hich ya ca'bat awu'untay te nacionetic,
awu'un ya xc'oht c'alal ta sti'il te bahlumilale.
9Yac apehc'anlan ta scuenta abastón-taq'uin,
yac awuyticlan hich te bin ut'il pac'bil oxom, xchi.
10Ha yu'un, ajwalilex, p'ijanic me;
ich'ahic ta cuenta te tsitsel,
jcuentahinwanejex ta q'uinal.
11Socuc xiwel ac'a abahic ta a'batinel yu'un Jehová,
tse'eluquex me ta stojol soc nihcuc me awo'tanic.
12Ich'ahic ta muc' te Nich'anil
scuenta yu'un ma ba ya x'ilin,
te hich ya xlajex ta be yu'un;
como ora nax ya xtihl yilimba.
¡Bayel me yutsil spisil te mach'atic
ha smuc'ulinej yo'tanic te Diose!
Currently Selected:
Salmos 2: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
