Salmos 1
1
LIBRO 1
(Salmos 1—41)
Te mach'a toj yo'tan soc te jmulawil
1Bayel me yutsil te mach'a
ma ba ya st'un te bin ya yal te mach'atic chopol yo'tanic,
o ma ba ya stehc'an sba ta be yu'un jmulawiletic,
o ma ba xhuhcaj ta shuctajib te jlabanwanejetique;
2te ha ya smulan te ley yu'un Jehová,
soc ya sna'ulan ta c'ahc'al ahc'abal.
3Hich ya xc'oht te bin ut'il te' te ts'umbil ta ti' muc'ul-ha',
te ya yac' sit ta yorahil soc ma xluhbaj te ya'binal;
soc lec ya xc'oht spisil bintic ya spas.
4Ma hichuc te mach'atic chopol yo'tanic,
hich c'ohemic te bin ut'il suhlil trigo
te ya xlichotic bahel yu'un ic'.
5Ha yu'un te mach'atic chopol yo'tanic
ma xcuhch yu'unic te yorahil ich'el ta c'op,
te jmulawiletic ma x'ac'otic ochel
ta tsoblej yu'un te mach'atic toj yo'tanique.
6Como te Jehová ya scanantaybe sbe
te mach'atic toj yo'tanic,
yan te sbe te mach'atic chopol yo'tanic
ya yac' te ch'ayel ya xbahtic.
Currently Selected:
Salmos 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
