Salmos 4
4
Sc'oponel Dios ta tibiltic yu'un muc'ul-o'tanil
Yu'un jach-c'ayoj; soc a'tejibaletic yu'un música te ay cuerda. Ha salmo yu'un David.
1¡Jac'bon jc'op te c'alal ya x'awonon,
Diosat cu'un, te toj bin yac apas ta jtojol!
Te c'alal ayon ta wocol
ha'at la awac' lahmajuc q'uinal ta jtojol.
Na'bon yo'bolil jba soc tsacbon te jc'ope.
2Ants-winiquex, ¿jayeb xan ora
te yac asutp'inic ta q'uexlal te cutsilal,
te c'ux ta awo'tanic bintic mayuc scuentahil
soc te yac alehic lot? Selah
3Na'ahic me te parte ac'bil yu'un Jehová
te mach'a jun yo'tan ta stojol;
te Jehová ya ya'iybon jc'op
te c'alal ya jc'opon.
4¡Nihcanic me soc ma xata amulic!
Na'a me awa'iyic ta awo'tanic
te c'alal ayex ta awayibic, soc ch'abanic. Selah
5Ac'ahic stojil milbil mahtaniletic,
soc ha ac'a smuc'ulin awo'tanic te Jehová.
6Tsobolic hich ya yalic:
¿Mach'a ya xhu' ya ya'botic quiltic te bin leque? xchihic.
Jehová, ac'a tihluc ta jtojolcotic
te sacal q'uinal yu'un asit awelaw.
7C'ax hich la awa'bon stse'elil co'tan a
te bin ut'il mach'atic ay bayel trigo soc vino yu'unique.
8Lamal q'uinal a ya jmehtsan jba soc ya xwayon,
como ha'at atuquel, Jehová,
yac awac' te jun co'tan ya x'ayinon.
Currently Selected:
Salmos 4: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
