لوکا 3
3
حضرت یُوؔحنّا ٰ غوتا سالکھانّی چھوسشادّا زادس۔
1رومی گیالپو تیبیریوسّی وانگثولّی لو 15 پا نام پنطیُس پیلاطُس یہُودیہ یولجونگسّی کالون، ہیرودِیس گلِیلی یولجونگس لونپو، کھوے فونو فِلپُس ایتورایا تانگ ٹاگونیتیس یولجونگسّی لونپو، لِسانیاؔس حضرت اَبِلینے یولجونگسّی لونپو 2یانگ حنّا تانگ کائفاس اِمام چھینموے کوسیکا یودی توس ریستونگی نانّگا خُدے حُکم حضرت زکریے بُوژا حضرت یُوؔحنّا ٰ کالا زادس۔ 3یوردان لژانگسپو ے نییکھورّی یول تشانگمالا حضرت یُوؔحنّا ٰ سکیودتے مُعافی تھوبچیسّی پھیا دِیگپا چوکھان گونّیکا گیودپا چوستے غوتا لینچیسلا چھوس شادس۔ 4پیغمبر حضرت یسعیاہ شوقبُوئ نانّگا یوحنّانی سکورلا ڈِیازادتے اینوگ،
”ریستونگی نانّگا سکاد چھینموجیگی مولین،
’مسیح پھیبشیسلا ڈالڈیگ چوشیگ،
یانگ کھونگی پھیبسلام بو ٹانگپو چوشیگ۔
5لونگپا تشانگما سکانّگا زادِین۔
یانگ ری چھینمو تانگ چھونگون گُون مامو زادِین۔
لام کیاگکیوگّون ثونگ،
یانگ غانگ غوب گون سنیومستے تینگ ـتینگ چوشیگ۔‘“
6یانگ می تشانگمے خُدے تھارلامبو جالین۔ #3:6 حضرت یسعیاہ شوقبُوئ 40۔ 3 نے 5
7یوحنّانی غوتا لینّا یونگکھانّی میتشوگسلا مولس، ” رولّی اولاد گون، یونگچیسچانّی خُدے چھادپانے شور زیرتے کھیوجا سپانگ سوی پھودس؟ 8دِیگپا چوچیس سپانگستے خُدے لامیکا ڈولکھانّی ڈاسبو سمینچوگ۔ یانگ یانگ ایبو ماسام شیک، ’نگاجا حضرت اِبراہیم اولاد این پاسانگ تھارین۔‘ نگے کھیوجاگونلا زیرّاد، خُدے ای ردوا گونّی نانگنے حضرت اِبراہیم پھیا اولاد زاد نیا نین۔ 9شانگ چوشیگ، ستاری نی لچانگماگونّی سیکا بورتے دوگ، ڈاسبو زانگپو ماسمینکھانّی لچانگما تشانگما چادتے میے نانّگا پھانگین۔“
10میتشوگسپوے حضرت یُوؔحنّا ٰ ٹیس، ”تا نگاجا گُونی چی چوگوس؟“
11یوحنّانی کھونگونلا مولس، ”کوس نیس یودکھانگونّی چیگپو میدکھانگونلا تونگ یانگ زان یودکھانگونّی میدکھانگونلا گوستے تونگ۔“
12ٹھالّینکھانگونّانگ غوتا لینّا یونگستے ٹیس، ”لوبپونلے نگاجا گُونی چی چوگوس؟“
13کھونگی کھونگونلا مولس، ”زیرکھان سانگ تھالتے ٹھال مالین۔“
14تینے ماگمی کھاچیگی حضرت یُوؔحنّا ٰ ٹیس، ”نگاجا گُونی چی چوگوس؟“
کھونگی کھونگونلا مولس، ”جیگسنانگ ستانتے یا زوسمے نیادگال کالتے سوجیگی کانے پینے مالین۔ رانّگا پھوگس تھوبکھانبویکا تشیمستے دوگ۔“
15میگون خُدے لدامّا زادکھانّی مسیحا سکیودچیسلا ثونگستے یود پاسانگ کھونگونی حضرت یُوؔحنّا ٰ کھونگرانگ مسیحا این مانّاہے سامّادپین۔ 16یوحنّانی میگونلا مولس، ”نگے کھیوجا چھوی غوتا تانّگاد۔ اِین نانگ نگے ستینگنے سکیودچیسچانبو، نگے سانگ مانّگا وانگچان، یانگ نگا جابشی تسوگسلا کھونگی پابھو ٹولچیسّی اوسپا مید۔ کھونگی ہلژخمہ رُوح تانگ میے غوتا سالین۔ 17جینگبادپے یولتھاگّا زار نیامپو، ٹو تانگ پھوگما پھیستے ٹو کھورانگی بانّگے نانّگا یانگ پھوگما میے نانّگا ثاگّا تسوگسلا کھونگ یانگ کھونگرانگی میگون تانگ می نگانپاگون سوسوا پھیا زادِین۔“ 18یوحنّانی میگونلا تیتسوگس مانگپو سپانگ پھودین گاموےناتسُولبو شادس۔
19اِین نانگ یوحنّانی کالون ہیرودِیس لا، فونو سی ناما ہیرودیاس نیامپو ناما چوچیس تانگ جان لاسنگان چوکھان تشانگمے پھیا سکیون رجود چوا زادس۔ 20تے دِیگپاگونّیکا نانما ہیرودِیس حضرت یُوؔحنّا ٰ تسونلا کاگس۔
حضرت عیسیٰ سی غوتا سالکھان تانگ کھونگی اتا اپو گون۔
21می تشانگمے غوتا لین زانے حضرت عیسیٰ مسیح سانگ غوتا لینّا زادس۔ کھونگی دُعا جوا زاد زانے نامکھا بیتے 22ہلژخمہ رُوح پھورگون تسوگسّی زوستے نانّگا کھونگی کا بابس۔ یانگ نامکھانے سونگسکادشیگی مولس، ” کھیرانگ نگے بُوژا چیسپابو این، کھیرانگ نیامپو نگا ماثانٹے تھادپو این۔“
23حضرت عیسیٰ سی خُدے جابستوگ زادچیس گوزوگ زانے کھونگی گونگلو سومچو زام چھادپین۔ میگونّی حضرت عیسیٰ سی حضرت یُوسفؔ بی بُوژا اینوگ سامّادپین۔
حضرت یُوسفؔ نی ہیلیی بُوژا اینپین۔
24ہیلی نی ماتّیدّی بُوژا،
ماتّید نی یہُوداؔہ ای بُوژا،
یہُوداؔہ نی میلکیی بُوژا،
میلکی نی یانّاییی بُوژا،
یانّایی نی حضرت یُوسفؔ بی بُوژا اینپین۔
25حضرت یُوسفؔ نی مادتاتھییی بُوژا
مادتاتھییا نی اموسّی بُوژا،
اموس نی ناہومّی بُوژا،
ناہوم نی اسلیاؔہ سی بُوژا،
اسلیاؔہ نی ناگّاییی بُوژا اینپین۔
26ناگّایی نی مادّی بُوژا،
ماد نی مادتاتھییی بُوژا،
مادتاتھییا نی سیمیینّی بُوژا،
سیمیین نی یوسیگی بُوژا،
یوسیگ نی یودے بُوژا اینپین۔
27یہُوداؔہ نی یوانّانّی بُوژا،
یوانّان نی ریسی بُوژا،
ریسا نی زرُبابلی بُوژا،
زرُبابل نی سیالتی ایلی بُوژا،
سیالتی ایل نی نیریی بُوژا اینپین۔
28نیری نی میلکیی بُوژا،
میلکی نی ادّیی بُوژا،
ادّی نی کوسامّی بُوژا،
کوسام نی ایلمادامّی بُوژا،
ایلمادام نی ایرّی بُوژا اینپین۔
29ایر نی یوشوآے بُوژا،
حضرت یوشع نی ایلییزیرّی بُوژا،
ایلییزیر نی یوریمّی بُوژا،
یوریم نی ماتّیدّی بُوژا،
ماتّید نی یہُوداؔہ ای بُوژا اینپین۔
30یہُوداؔہ نی شیمیونّی بُوژا،
شیمیون نی یہُودیہ بُوژا،
یہُودی نی حضرت یُوسفؔ بی بُوژا،
حضرت یُوسفؔ نی یونامّی بُوژا،
یونام نی ایلییاکیمّی بُوژا اینپین۔
31ایلییاکیم نی میلیے بُوژا،
میلیا نی مینّانی بُوژا،
مینّانی مادتاتھی بُوژا،
مادتاتھا نی ناتھانّی بُوژا،
ناتھان نی حضرت داؤد ّی بُوژا اینپین۔
32حضرت داؤد نی یسّی بُوژا،
حضرت یسعیاہ نی عوبیدی بُوژا،
عوبید نی بوعز ی بُوژا،
بوعز نی سالمونّی بُوژا،
سالمون نی نحسونی بُوژا اینپین۔
33نحسون نی عمیندابی بُوژا،
عمینداب نی ادمینّی بُوژا،
ادمین نی ارنیی بُوژا،
ارنی نی حصرونی بُوژا،
حصرون نی فارصؔ سی بُوژا،
فارصؔ نی یہُوداؔہ سی بُوژا اینپین۔
34یہُودی نی حضرت یعقُوبؔ ی بُوژا،
حضرت یعقُوبؔ نی حضرت اِضحاقؔ گی بُوژا،
حضرت اِضحاقؔ نی حضرت اِبراہیم بُوژا
حضرت اِبراہیم نی تیراہہی بُوژا،
تیراہ نی ناہورّی بُوژا اینپین۔
35ناہور نی سیروگی بُوژا،
سیروگ نی ریوی بُوژا،
ریو نی پھیلیگی بُوژا،
پیلیگ نی ایبیرّی بُوژا،
ایبیر نی شیلاگی بُوژا اینپین۔
36شیلاگ نی کنعانی بُوژا،
کنعان نی ارپاگشادّی بُوژا،
ارپاگشاد نی شیمّی بُوژا،
شیم نی حضرت نُوح بُوژا،
حضرت نُوح نی لامیگی بُوژا اینپین۔
37لامیگ نی ماتھوشیلاگی بُوژا،
ماتھوشیلاگ نی حضرت حنوکی بُوژا،
حضرت حنُوؔک نی ییریدّے بُوژا،
ییرید نی ماہالالیلّی بُوژا،
ماہالالیل نی کنعانی بُوژا اینپین۔
38کنعان نی انُوسؔ سی بُوژا،
انُوسؔ نی سیدّی بُوژا،
سیتؔ نی حضرت آدم می بُوژا،
یانگ حضرت آدم نی خُدےبوژا اینپین۔
Currently Selected:
لوکا 3: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
