YouVersion Logo
Search Icon

لوکا 2

2
حضرت عیسیٰ مسیحالتامس۔
1تیتوسلا رومی گیالپو آوگوسدوسّی روم گیالثیدّی یوگا یودکھانّی یول تشانگمے میٹانگس سیچیسلا کا تانگس۔ 2کییرینیوس سیرییا یولجونگسّی کالونی توسلا، ای میڈانگس سیچیسپو تانگپورانگ اینپین 3یانگ میتشانگما مینگ ڈیچیسلا رانگرانگی اتا اپو ے یولّا سونگ۔ 4حضرت یُوسفؔ گیالپو حضرت داؤد ّی اولاد نے اینپا، کھوانگ گلِیلی یولجونگسّی ناصرة ڈونگکھیرنے، یہُودیہ یولجونگسّی حضرت داؤد ّی ڈونگکھیر بیت لحم ما سونگ۔ 5حضرت یُوسفؔ بی ناما ٹیستے اینکھانّی حضرت مریم، کابوا ٹھوگو جورچیس یودپین، کھو نیامپو مینگ ڈیچیسلا کھیرس۔
6تیرو یودتوس، ٹھوگو جورچیسّی توسپو لیب۔ 7یانگ حضرت مریم گوما ٹھوگو، بُوژا جیگ لتامس۔ کھوے ٹھوگو راسّی نانّگا تومستے ڈیسّی نانّگا بورس، چیازیرنا کھونگونلا ڈانگسا دُوگسے نانگ ماتھوبّا اینپین۔
لُوگ زی گون تانگ نامکھے فرشتاگون۔
8تے ژانلا، نییکھورّی سپانگتھانگجیگیکا لُوگ زی گون دُوگستے کھونگرانگی لوگّون ثونّگادپین۔ 9مسیح فرشتاجیگ کھونگونی جال، یانگ مسیح شان ّی کھونگون یودسے نییکھورّی ناسّا ودچان گیورپا، کھونگون ثانٹے جیگس۔ 10اِین نانگ فرشتے کھونگونلا مولس، ”ماجیگسشیگ، نگے میتشانگمالا ما گامو کھیونگچیسچانّی گاموےناتسُول شادّاد۔ 11دیرینگ کھیوجے اتا اپو ے گیالپو حضرت داؤد ّی ڈونگکھیرّی نانّگا کھوم چُوک کھن ٹھونگستے این۔ کھونگ خُدے لدامّا زادکھانّی مسیحا، مسیح این۔ 12یانگ تیبوے ستاگس پو نی کھیوجاگونلا ٹھوگوجیگ راسّی نانّگا تومستے، ڈیسّی نانّگا نیالتے تھونگین ۔“
13ہونمیدلا نامکھے فرشتے تشوگس چھینموجیگ سنگونتے، تے فرشتا نیامپو خُدا ستودپا پھولین مولس،
14”نامکھے تھوشوگّا جُوگستے یودکھانگونّی
خُدا ستودپا پھول،
یانگ خُدے تھوگستھادّا زادکھانّی
دُنیائی می گونّیکا جیدے چونگ“
15کھونگون بورتے فرشتاگون نامکھا لوگستے سکیودّاچیگ، لُوگ زی گونّی چیگ تانگ چیگّا زیرس، ”تا مسیح نگاتانّگا مولکھان جُونگکھانگون ستالا نگاتانگ بیت لحما چھین۔“
16تینے کھونگون گیوگسپا سونگتے، حضرت مریم، حضرت یُوسفؔ تانگ ڈیسّی نانّگا نیالکھان ٹھوگوبو جال۔ 17ٹھوگو جالتے ستینگنے لُوگ زی گونّی ٹھوگوی سکورلا مولکھانّی ناتشولبو تشانگمالا شادس۔ 18لُوگ زی گونّی شادکھانگون تشورکھانّی میتشانگما ہالاس۔ 19اِین نانگ حضرت مریم می جونگکھان تشانگما سنینگی نانّگا کھورتے یانگ تے تشانگمے سکورلا سامبا تانگین دُوگس۔ 20لُوگ زی گونّی تشورکھان تانگ تھونگکھان تشانگمے پھیا خُدا ستودپا پھولین لوگستے سونگ، چیازیرنا تیگون فرشتے مولکھان نانگجین ڈانڈا یودپین۔ 21جاگ گیادپے جاگّا، نام ٹھوگوا لقپہ ہلژخمہ چوچیسّی توس اینپین، ٹھوگوی ژانلا حضرت عیسیٰ سی تاگس، کازوگ ٹھوگو حضرت مریم می چانگکھوگّا چھاگسّی سانگ سنگونلا فرشتے، تے مینگبو تاگا زادچیسلا مولتے اینپین۔
حضرت عیسیٰ مسیح بیت المقدِس لا کھیرّا زادس۔
22پیغمبر حضرت مُوسیٰؔ سی شریعت نانگجین ٹھوگو سکیستے ستینگنے اما ژانگما چھاچیسّی توس تشانّگاچیگ، حضرت یُوسفؔ تانگ حضرت مریم می ٹھوگوبو مسیح خُدے اینکھان ستانچیسّی پھیا یروشالیمّی بیت المقدِس لا کھیرس۔ 23(مسیح شریعتی نانّگا ڈِیستے دوگ، ”بُوژا گوبو تشانگما مسیح اینکھانبو ستانگوساین“) 24تینے مسیح شریعتی نانگجین، ”پھورگون کارپو چھاچیگ یا پھورگونّی ٹھوگو نیس کھونگونی قُربانلا پھولس۔“ 25تینّا توسلا یروشالیمّی نانّگا شیمیون ایمان چان تانگ ٹانگپو میجیگ، کھو بنی اِسرائیل پاگونلا تھارپا کھیونگکھانّی لدامّا زادکھانّی مسیحا سکیودچیسلا ثونگستے یودپین۔ یانگ ہلژخمہ رُوح کھو نیامپو یودپین۔ 26ہلژخمہ رُوح بوے کھوا نامتشوگپا کھوے مسیح خُدے لدامّا زادکھانّی مسیحا میجال تےتےتشوگپا کھو میشی مولتے سنگون چوگّا زادس۔ 27ہلژخمہ رُوح بوے شیمیون بیت المقدِس لا کھیرّا زادس۔ شریعتی لوگثول نانگجین ٹھوگوا چوگوشیسپو چوالا پھاماگونّی حضرت عیسیٰ سی بیت المقدِس لا کھیونّگاچیگ، 28شیمیونّی ٹھوگو لاگپے نانّگا کھورتے خُدا ستودپا پھولین زیرس،
29”مسیح کھیود چان، نیرانگی وعدہ زادکھانبو ڈوب پاسانگ،
نیرانگی جابستوگپا کھامزانگ نیامپو شیچیسلا گونگسپا سال۔
30نگے میگنے نیرانگی تھارپابو جال،
31کا بو می تشانگمے پھیا نیرانگی ڈالڈیگ زادتے این۔
32کھونگ نی یہُودی مانکھان گُونلا خُدے سنگونچوگکھانّی اوت این،
یانگ نیرانگی می بنی اِسرائیل پاگونّی سپالبو این۔“
33کھونگی سکورلا مولکھانگون تشورتے ٹھوگوی ابا تانگ اما ہالاس۔ 34تینے شیمیونّی کھونگونلا برکت سالتے، اما حضرت مریم مولس، ”خُدے تھابسلدینگس نانگجین ای ٹھوگوبو گیُودتے بنی اِسرائیل پا مانگپوجیگ گییلچیس یانگ مانگپوجیگّا تھارپا تھوبین۔ کھونگ خُدے چھوگسنے اینکھانبو میگونلا ہاگوتیانگ مانگپوے کھونّگا گیابگال چوین۔ 35تیبوے جاستے می مانگپوے سنینگی تھیلّی سامتشول گُون سنگون چوگّا زادِین یانگ کھیرانگی سیمسلانگ رایَ زوگکھان ژوگس تشیرکھا یونگین۔“
36آشر ی میریگسنے اینکھانّی پھانویلّی بوموا، ما گادمو پیغمبر جیگ یودپین۔ ناما چوستے لو ردونّی ستینگنے کھوے ماگپا شی۔ 37انے مارانگمو گیورتے ستینگنے کھوے یانگسکیار ناما ماچوس۔ کھو بیت المقدِس نے مانے مابینّگا، تشان تانگ نییما خُدا چولین، نییناس (یانگنا روزا) دُوگستے دُعا چوادپین ۔ تا کھوا لو 84 چھادپین، 38شیمیونّی حضرت یُوسفؔ تانگ حضرت مریم سپیرا تانگسا کھو یونگستے خُدا شُکر جوین، کھوے یروشالیم پاگونلا تھارپا تھوبچیسلا ثونگستے یودکھان تشانگمالا ٹھوگوبوے سکورلا شادس۔
39مسیح شریعتی گھوسدوم نانگجین چو تشارّاچیگ حضرت یُوسفؔ تانگ حضرت مریم گلِیلی یولجونگس، کھورانگونّی ڈونگکھیر ناصرة لا لوگستے سکیودس۔ 40یانگ ٹھوگو لدانتے شیدچان گیور۔ کھونگ شیسرابسّی گنگستے خُدے شزدے کھونگی کا یودپین۔
حضرت عیسیٰ سی بیت المقدِس لا سکیودس۔
41حضرت عیسیٰ مسیح پھاماگون لوژونگ پیساگی توسچھین سیالا یروشالیمّا سکیودّادپین۔ 42حضرت عیسیٰ سی گونگلو چوگنییس چھا زانے لوگثول نانگجین کھونگون یروشالیم گیالسا توسچھین سیا سکیودس۔ 43توسچھین سی تشارتے کھونگون رانگیولّا لوگتے چھا زانے بُوژا حضرت عیسیٰ سی پھاماگون نیامپو ماچھا یروشالیمّا ژوگس، اِین نانگ کھونگی پھاماگونلا تیبو گیُوس ماسونگ۔ 44کھونگونی حضرت عیسیٰ سی ٹوپاگون نیامپو یودڈو سامتے جاگ چیگی لام ڈولتے ستینگنے نین تانگ دزاو گُونی ٹوا ٹھوگوبو ژالچیس گوزوگ۔
45ماتھوب پاسانگ یروشالیمّا لوگتے کھونگ ژالّا سونگ۔ 46جاگ سومپے جاگّا کھونگ بیت المقدِس سی نانّگا چھوس شادکھانّی گیرگانگونّی ٹوا جُوگستے کھونگونلا نیانین ٹیوا ٹیاین تھونگ۔ 47کھونگی مولّا تشورکھان تشانگما کھونگی ریگپا تانگ کھاسپا لان سالکھانبویکا ہالاس۔
48کھونگون نیامپو حضرت عیسیٰ سی تھونّگاچیگ پھاماگون ہالاس یانگ امے کھونّگا زیرس، ”بُوژا، کھیرانگی نگاجا ایزوگ چیا چوسپین۔ کھیرانگی ابا تانگ نگے تشیرکھا نیامپو کھیرانگ ژالپین“
49حضرت عیسیٰ سی کھونگونلا مولس، ”کھیوجے چیپھیا نگا ژالپین۔ نگے یابّی کھانگپے نانّگا نگا دوگّوشیسپو گیوسمیدّا؟“ 50اِین نانگ کھونگی مولکھانبو پھاماگونلا ہاماگو۔
51تینے حضرت عیسیٰ سی کھونگون نیامپو ناصرة لا لوگستے سکیودس، یانگ پھاماگونّی کھانیانّا زادس۔ کھونگی امے جونگکھان تشانگما رینچان چوستے کھورانگی سیمسّی نانّگا کھورتے دُوگس۔ 52حضرت عیسیٰ سی شیسرابس تانگ سکوزوگسّی نانّگا لدانّا زادس، کھونّگا میگونّے سیوا یانگ خُدے کھونگی کا تھوگنییسّا زادس۔

Currently Selected:

لوکا 2: LBJNT

Highlight

Share

Copy

None

Want to have your highlights saved across all your devices? Sign up or sign in