Markɩ 9

1Dɩ so war wo ayɩ: Sobɔr mɩ so nar, ɩkhasɔɔkɛ hanɩ kɩɛr na khiir sɩɩ do wa yɩ Thãgbaa fãgadaar do dɩɩ ɩ̃ na fãga gaaga.

Kɩɛr Jejuu tomɩ debi

(Mat 17:1–13; Lu 9:28–36)

2A wire maadõ ka pɩ, Jeju kpar Pɩɛr na Jakɩ na Jã a jʋʋnna gɔ̃gɔ̃ gbaana, dɩ wɩ ha kha le dɩbara; dɩ Jejuu tomɩ debire awɩ ƴɛ thɩ̃thɩɩn.#2 Pɩ 1:17–18 3Dɩ ɔɔ kẽkẽsɔ debi dɩ a‐n hɩl phalphalphal, a bulololakɛ dakha dɩɩ ka, a jɔ mɔ̃kɛ ga donɩ tibil thɩɩraakɛ na punone na cʋʋ dɩ a buloloaˈ. 4Dɩ Elɩ na Mʋɩjɩ the warɛ sɩ Jeju wɩ‐n khʋɛna. 5Dɩ Pɩɛr so Jejura: Dɩɩrdaar, gɩ bɔrɛ sɩ hanɩ kɩɛr; sa dʋrɛ waa yẽther, bɩɛl n do afɩda, bɩɛl n do Mʋɩjɩɩda, bɩɛl n do Elɩɩda. 6Aa jɩ mɔ̃ a na sonaˈ, gɩdonɩ maar fʋɔn wɛr kpãkpãadara. 7Dɩ ndɔlɔ̃paar gbune a thi war, dɩ nʋɔ the ndɔlɔ̃paarra ayɩ: Ʋrɛɛkɛ dʋɔn ɩ̃ Bikuunikɛ mɩ‐n nanɩ, na‐n pɩɛ nũu.#Mat 3:17; Mar 1:11; Lu 3:22 8Dɩ dapaara kpãkpãadara hɩɩnɛ khʋʋkhʋʋ, sɩ wa kɔɔ yɩ tibil saagado Jeju gɩ dɩbara na wɛraa ga.

9Dɩ mɔ̃kɛ wɩ gbuni gɔ̃gʋɔna, Jeju kpãkpãa warɛ na sobɔr dɩ wa‐n so tibillə gɩrɛɛkɛ wɩ kɔɔ yɩnaˈ, phaphapha ɩnɛr tibili Bikuun n ɩɩr khirera. 10Dɩ wɩ kɔɔ fʋrɛ thɩmɩɩrɩle awɩ bɩnɔ, sɩ wa‐n bule khasɔ aa: Anye n dɔ khi ɩɩrɛ? 11Sɩ kpãkpãadara kɔɔ buleele thakɛ ayɩ: Mɔ̃ gɩ ha dɩ jɔfʋ dɩɩrdarasɔ na‐n so ayɩ: Dɔ Elɩ n kɔɔ ɩ̃ caca.#Mal 4:5; Mat 11:14 12Dɩ tu: Elɩ na kɔɔ ɩna wer caca na wɛbɩ thɩ̃ɛ fɛʋ. Sɩ mɔ̃gɩdo dɩɩ khere Thãgbaa sɛbɛra mɛr tibili Bikuunidara ayɩ: Dɔ ɩ̃ gaar bʋɔ jɔɔ dɩ wa therna ma? 13Sɩ mɩ so narɛ, Elɩ kɔɔ ɩnɛ sɩ wɩ kɔɔ cʋgʋʋrɛ mɔ̃ wɩ pɛrnɩ haar, dɩɩ ha mɔna gɩ kɔɔ khereraanɩ.

Kɩɛr Jeju kpɛɛ bɩsaanɩkɛ hananɩ kɔ̃tɛɛbuu

(Mat 17:14–21; Lu 9:37–43)

14Sɩ ɔbɔɔkɛ wɩ kɔɔ danɩ wɩ̃ kpãkpãadara, wɩ kɔɔ yɩrɛ tibil jɔ dɩ wɩ dii war na jɔfʋ dɩɩrdarasɔɔkɛ n bananɛnɩ kpãkpãadaraale thɩ̃ banaa. 15Sɩ ɔbɔɔkɛ tibil jɔɔle yɩnɩ Jeju, gɩ phuro wer dɩ wɩ ca pɔ a fʋɔrʋʋ. 16Dɩ bule wi: Anye nɩ‐n bana kha na wɛr? 17Dɩ kũu bɩɛl tibil jɔraale tu: Dɩɩrdaar, mɩ kɔɔ kpar ɩ̃ bikuunikɛ hananɩ nɔ ma kɔ̃tɛɛbuu a ɩna far; 18pa dɔɔkɛ a‐n fʋʋnɩ thɩɩra a‐n kpɛgʋʋ, dɩ bɩsaan na‐n the nyɔ̃thɩ̃ khɔrɔ̃ɔ, da‐n khona nyɩma, sɩ dɩ tã gõgorõo; dɩ mɩ kɔɔ bɩɛlɛ afɩ kpãkpãadara wɩ wea kɔ̃tɛɛbuurə, sɩ wa kɔɔ punoəˈ. 19Dɩ Jeju so war: Nɛr nɩ̃ babalaakɛɛ; ʋmɔ̃ bɔɔ ma thʋ̃ na toona nɩ gɩ dana? Ʋmɔ̃ bɔɔ ma thʋ̃ na fʋ nar haarrarakɛ gɩ dana? Nɩ kpaa ɛna mar. 20Dɩ wɩ kpaa a pɔna; dɩ ɔbɔɔkɛ kɔ̃tɛɛbuu na yɩnɩ Jeju, a gbʋ̃gbʋnyanɛ bɩsaan dɩ ji thʋnɔ da‐n laan, da‐n thena nyɔ̃thɩ̃ khɔrɔ̃ɔ. 21Dɩ Jeju bule thɩrɛ: A fʋna ʋmɔ̃ bɔɔrakɛ gekɛra wer kɔɔ hanaa? Dɩ thɩrɛ tu: Ɔɔ bɩsã bu bɔɔ gɩ. 22Dɩ wire wire kɔ̃tɛɛbuule n tʋɔrɛ da‐n kpɛɛ dɔɔ na nyʋɔnɔ ɩnɩ‐n kʋʋra; sɩ ado fa punone na cʋʋ dɩkha, jɛ sɩ bʋɔra sa bulo si. 23Dɩ Jeju birsee: Fɩ yɩ, ado ma punone ya? Thɩ̃ɛ fɛʋ n punone ʋrɛraakɛ pɩɛrnɩ Thãgba haar. 24Dapaara bɩsaanɩlee thɩ hulẽ ayɩ: Mɩ pɛrɛ haar, bulo mi ɩ̃ baallala.

25Mɔ̃ Jeju yɩnɩ tɩbɩla dɩ wɩ ca pɔ wa‐n jɔr, le a mana kɔ̃tɛɛbuu ayɩ: Fɛr nʋʋr nɔ ma kɔ̃tɛɛbuu, mɛr sɔ far: A fɩ jɩ thɛ bɩsaannaakɛ, fa‐n lʋʋnaa yuu bã. 26Dɩ mɔ̃kɛ a‐n thenɩ a hulene sa gbʋ̃gbʋnyã bɩsaan na fãga, dɩ bɩsaan debi a ho a khire pɔɩ; wɩrɛ wer hanɩlerakɛ yɩ: A khire. 27Sɩ Jeju fʋʋ nyɔ̃ɔ a khəi dɩ pal ɩɩr.

28Dɩ ɔbɔɔkɛ Jeju lonɩ cʋɔrɔ dɩ wɩ ha kha na kpãkpãadara dɩbara, wɩ buleele aa: Mɔ̃ gɩ fʋna dɩ ser na kɔɔ puno a wee kɔ̃tɛɛbuule a fa ga? 29Dɩ so war: Agado Thãgba bɩɛlɛ ga, kɔ̃tɛɛbu ca ʋrɛ na hana ther na thaˈ.

Kɩɛr Jeju bir mɩɩ wo ɔɔ khi na ɔɔ khi ɩɩr

(Mat 17:22–23; Lu 9:43–45)

30Sɩ wɩ kɔɔ ther le a jal a kpãsɛ Galile, sɩ Jeju na kɔɔ ƴaal wɩ jɛ ka a hanaˈ; 31gɩdonɩ a‐n dɩɩrɛ ɔɔ kpãkpãadara, da‐n sona war ayɩ, wa fʋrɛ ɩnɛrkɛ dɔnɩ tibili Bikuun na ha tɩbɩla dɩ wa kʋ nɩ, sɩ a ɩnɩ khi dɩ wire yẽther ka, ɩna ɩɩrɛ khirera. 32Sɩ kpãkpãadara na jɩ thɩmɩɩrɩle kɩrʋaˈ, dɩ maar kɔɔ fʋlɛ wɛr dɩ wa ˈla na buleaˈ.

Amɛ dɔ kɔ̃tɩn?

(Mat 18:1–5; Lu 9:46–48)

33Dɩ wɩ kɔɔ daan Kapɛrnayʋm; dɩ ɔbɔɔkɛ wɩ kɔɔ hanɩ cʋɔrɔ, gɛr Jeju bulelo ɔɔ kpãkpãadara ayɩ: Anye nɩ‐n kɔɔ bana kha hʋɛrara? 34Dɩ wɩ pɩr pɔɔpɔɔ, gɩdonɩ wɩ kɔɔ ƴaalɛ wɩ jɩ ʋrɛ ˈlɛnɩ kɔ̃tɩɩnɛ, gɛr gɩ dɩ wɩ kɔɔ bana kha hʋɛra.#Lu 22:24 35Dɩ mɛ̃ Jeju too sa we kpãkpãadara yʋɔr yenyɔ, dɩ wɩ pɔ dɩ so war ayɩ: Ntɛɛkɛ n ƴaalɛnɩ ɩnɩ‐n dɔ ƴɛ kʋl, dɔ a do pɩpɩr tɩbɩlala fɛʋ na tɩbɩla fɛʋʋ thɔ̃daar.#Mat 20:26–27; 23:11; Mar 10:43–44; Lu 22:26 36Agɩpɩ dɩ kpa bɩsã buu a pɔna awɩ thɩ̃thɩɩn, sa gbaa fʋrɔ sa so war: 37Ntɛɛkɛ na teanɩ bɩsaan thakɛ a na‐n hɩɩn, gɩ do ɩ̃ i dɔ nɔɔ, mɛrɛɛ thɛthɛ a tee. Dɩ ntɛɛkɛ tea mɩnɩ, ga do mɛr a teaˈ, sɩ ʋrɛɛkɛ thɔna mɩnɩ a tee.#Mat 10:40; Lu 10:16; Jã 13:20

Ʋrɛɛkɛ na‐n ƴaalɛ sɩnɩ sʋaˈ, asɩda a do

(Lu 9:49–50)

38Jã so Jejura: Dɩɩrdaar, sɩ kɔɔ yɩrɛ tibilikɛ na dɔnɩ asɩ kpakpaaraˈ, dɩ gba afɩ i dɩ weena kɔ̃tɛɛbii da‐n faa, dɩ sa‐n kɔɔ pɩɛrʋʋ gɩdonɩ aa do asɩ kpakpaaraˈ. 39Dɩ Jeju tu: Na‐n ha na pɩɛrʋaˈ, gɩdonɩ tibil na puno na gba ɩ̃ i na cʋʋna nɔ kpaa thɩ̃ɛ, saa kɛr dapaara wo a mɩɩ ɩ̃da puəˈ. 40Gɩdonɩ ʋrɛɛkɛ na‐n ƴaalɛ sɩnɩ sʋaˈ, sɛrra a‐n pɛ.#Mat 12:30; Lu 11:23 41Dɩ ʋrɛɛkɛ ɩ̃ i na donɩ nɔɔ dɩ na cɛ nyʋɔn na ha nɩ nɩ yɔ, gɩdonɩ Kirisitii too nɩ do, sobɔr mɩ so nar gel, thɩ̃ɛ na hale na pɩɛrʋʋ lɩmɩ ˈlɛrra ga.#Mat 10:42

Mɔ̃ ga puuni ʋrɛraakɛ na cʋɛnɩ tibil dɩ na lɛ̃ hʋɛra

(Mat 18:6–9; Lu 17:1–2)

42Nã kɔ̃tɩ̃ tə̃ə lir tibillə fʋɔrɔ wɩ dʋnanaa lanyʋɔnɔ, baar gɩrɛɛkɛ a na kanɩ na cʋʋ dɩ bɩsã biikɛ pɛ mɩnɩ haar dɩ bɩɛl na bara. 43Ado afɩ nyɔ̃ do far baradaa, kuro faa. A fɩ ˈlɛ yire na nyɔ̃ bɩɛl, gɩ baar nyɛ̃ɛ yenyɔɔkɛ fa hananɩ sɩ wɩ dʋna fɩ bu paar dɔɔraakɛ na dɔnɩ thɩ̃ khiirnənəˈ.#Mat 5:30 [ 44Le dɔ#9:44 Dɔ, dɔɔ na laan: Dɔɔkɛ Jeju mɩɩnɩ kɩɛr ˈwãgarɛ gɩ, sɩ dɔ n nɛna so heene, dɩ laan na‐n nɩna bɩ̃ ber. na‐n khəˈ, dɩ dɔɔ#9:44 Dɔ, dɔɔ na laan: Dɔɔkɛ Jeju mɩɩnɩ kɩɛr ˈwãgarɛ gɩ, sɩ dɔ n nɛna so heene, dɩ laan na‐n nɩna bɩ̃ ber. dakha na‐n khiir kpɩɩaˈ.] 45Ado afɩ nɔ do far baradaa, kuro faa. A fɩ ˈlɛ yire na nɔ bɩɛl, gɩ baar nɛɛ yenyɔɔkɛ fa hananɩ sɩ wɩ dʋna fɩ bu paar dɔɔra. [ 46Le dɔ na‐n khəˈ, dɩ dɔɔ dakha na‐n khiir kpɩɩaˈ.] 47Ado afɩ yi do far baradaa, te faa. A fɩ lõ Thãgba fãgadaarɩ dʋɔ na yi khoroo, gɩ baar yinə yenyɔɔkɛ fa hananɩ sɩ wɩ dʋna fɩ bu paar dɔɔra.#Mat 5:29 48Le dɔ na‐n khəˈ, dɩ dɔɔ dakha na‐n khiir kpɩɩaˈ.#Eja 66:24 49Gɩdonɩ dɔɔ na cʋʋrɛ thɩ̃ɛ fɛʋ dɩ ga hana laanɩ#9:49 Dɔ, dɔɔ na laan: Dɔɔkɛ Jeju mɩɩnɩ kɩɛr ˈwãgarɛ gɩ, sɩ dɔ n nɛna so heene, dɩ laan na‐n nɩna bɩ̃ ber. mɩla. 50Thɩ̃ bʋɔ laan do, sɩ a laan bir dasɩ a mɩla bã, mɔ̃ wa fʋ sɩ na cʋʋ dɩ a bir na hana mɩlalɛ?#Mat 5:13; Lu 14:34–35 51Nɩ hanana laan anɩ bɩnɔ, dɩ nɩ hanana kha ha ɩɩ bɩɛlbɩɛl.

Currently Selected:

Markɩ 9: LOBIRI

Highlight

Copy