Epelu 1
1
Ko te Kupu a te Atua e ala i tona Ataliki
1I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe. 2Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei. 3E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.
Ko te Ataliki o te Atua e Hili atu te Tāua
4Ko te Ataliki e hili atu tona tāua i lo nā agelu, e vē foki lava oi hili atu te tāua o te igoa na fakaigoa ai e te Atua i lo ho he igoa o te kau agelu. 5#Hal 2.7; 2 Ham 7.14; 1 NT 17.13Auā ko te Atua e hēki lea lele vēnei ki hētahi o ana agelu,
“Ko koe ko toku Ataliki
i te aho nei ko au kua kavea ma o Tamana.”
E hēki lea foki te Atua vēnei e uiga ki hana agelu,
“Ko au ka kavea ma ona Tamana
ma ka kavea ia ma oku Ataliki.”
6 #
Teu 32.43
Kae i te kua hāuni ka uga mai e te Atua tona Ataliki ki te lalolagi, na lea vēia,
“Ko nā agelu uma a te Atua e tatau ke ifo ki a te ia.”
7 #
Hal 104.4
Kae e uiga ki nā agelu, na lea vē te Atua,
“E fai e te Atua ana agelu e vē ni matagi,
ma ana kaukauna ke vē ko te mumū o he afi.”
8 #
Hal 45.6-7
Kae e uiga ki tona Ataliki, na lea vē te Atua,
“Ko tō Mālō, te Atua, ka tūmau pea lava#1.8 Ko tō Mālō te Atua, ka tūmau pea lava; pe Ko te Atua ko tō Mālō. ke pa ki fakavavau fakavavau lava!
E pule e koe nā tino o koe#1.8 o koe; pe o ia. ma te āmiotonu.
9Ko koe e fiafia ki te mea e tonu kae inoino ki te mea e hehē.
Ko te mea ia kua filifilia ai koe e te Atua, tō Atua
ma kua ia fōki atua ki a te koe he mamalu e fiafia ai koe e hili atu
i lo te mamalu kua ia fōkia ki nā hoa o koe.”
10 #
Hal 102.25-27
Na lea foki vē,
“Ko koe te Aliki, na kē gaohia te lalolagi i te kāmataga,
ma fai i ō lava lima te lagi.
11Ko nā mea iēnei e fano e mou kehe atu, kae ko koe e tūmau pea lava;
e fano e gatu ki lātou e vē ko nā lākei.
12Ka fetufetu e koe ki lātou e vē he peleue,
ma ka fai ma tahuihui ki lātou e vē ko nā lākei.
Kae ka hēai lele he hūiga e pa ki a te koe,
ma ko koe ka ola pea lava.”
13 #
Hal 110.1
E hēki lea lele te Atua ki hana agelu:
“Nofo i toku itū taumatau
ke pa ki te taimi e kō faia ai ō fili
ma nofoa e mapu ki luga ō vae.”
14Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.
Currently Selected:
Epelu 1: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.
