Vakatekivu 25
25
Na Kawa i Eparaama mai vei Ketura
(1 Veigauna 1.32-33)
1A sa la'ki vakawati tale ko Eparaama, ia na yaca ni yalewa ko Ketura. 2A sa luvedrau ko Simirani, kei Jokisani, kei Mitani, kei Mitiani, kei Isipaki, kei Sua. 3Ia na luve i Jokisani ko Sipa, kei Titana. Ia na luve i Titana, era tagane, ko Asuri, kei Letusi, kei Leumi. 4Ia na luve i Mitiani era tagane, ko Ifa, kei Iferi, kei Enoke, kei Apaita, kei Elitea. Ko ira kece oqo na luve i Ketura. 5A sa solia ko Eparaama na nona ka kecega vei Aisake. 6Ia vei ira na luvedratou na watina lalai, sa solia eso na ka ni loloma ko Eparaama, ni sa bula tiko ka talai ira tani mai vei Aisake na luvena, vaka ki na tokalau, ki na vanua vaka tokalau.
Na Mate kei na Bulu nei Eparaama
7Ia na yabaki ni bula i Eparaama, ka bula kina ko koya, sa dua na drau ka vitusagavulu ka lima na yabaki. 8Sa qai ciba ko Eparaama, ka mate yani, ni sa qase vinaka mai, ia sa tamata qase, ka yabaki vuqa sara; a sa toki yani vei ira na kai nona. 9Ia koi rau na luvena ko Aisake kei Isimeli, erau a buluta e na qara-vatu mai Makipila, e nona tiki ni vanua ko Efironi na luve i Soari na Itaiti, sa donui Mamire; 10#Vteki 23.3-16na tiki ni vanua ka volia ko Eparaama mai vei ira na Itaiti. Erau sa bulu kina ko Eparaama kei Sera na watina. 11Ia ni sa mate ko Eparaama, sa vakalougatataki Aisake na luvena na Kalou. A sa tiko ko Aisake mai nai keli-wai ko Leai-roi.
Na Kawa nei Isimeli
(1 Veigauna 1.28-31)
12Ia oqo na kawa i Isimeli, na luvedrau ko Eparaama kei Eka na kai Ijipita, na vada i Sera. 13Ia na yacadra na luve i Isimeli era tagane, na yacadra me vaka na nodra veimataqali: na ulumatua i Isimeli, ko Nepeioci, kei Kitari, kei Atipieli, kei Mipisami, 14kei Misima, kei Tuma, kei Masa, 15ko Etari, kei Tima, ko Jeturi, ko Nefisi, kei Ketema. 16Ko ira oqo na luve i Isimeli, kei na yacadra me vaka na nodra veikoro, kei na nodra i tikotiko; e le tinikarua na turaga me vaka na nodra veivanua. 17Ia na yabaki ni bula i Isimeli, e dua na drau ka tolusagavulu ka vitu na yabaki; a sa ciba ko koya, ka mate yani, ka sa toki yani vei ira na kai nona. 18A ra sa taukena na vanua mai Avila ka kauta ki Suri, ko ya sa donui Ijipita, e na sala vaka ki Asiria; ka sa tiko ko koya me donui ira na wekana kecega.
Na Sucu nei Iso kei Jekope
19Ia oqo na kawa i Aisake, na luve i Eparaama; sa sucu na luve i Eparaama ko Aisake, 20ia sa vasagavulu na yabaki i Aisake, ni sa vakawati kei Repeka, na luve i Pecueli na kai Siria mai Petani-erama, na gane i Lepani na kai Siria.
21A sa vakamasuti Jiova ko Aisake e na vuku ni watina, ni sa yava; a sa rogoci koya ko Jiova, a sa kunekune ko Repeka na watina. 22A rau sa veivala na gone e ketena; a sa kaya ko koya, “Kevaka sa dodonu me vakaoqo, a cava na vuna ka'u bula kina?” A sa mani vakatarogi Jiova kina.
23 #
Roma 9.12
A sa kaya vua ko Jiova,
“E rua na matanitu sa tiko e ketemu,
kei rau na mata tamata ko na vakasucuma oqo erau na tawase;
ena kaukauwa cake e dua ka malumalumu na kenai karua,
kei koya e qase cake ena qaravi koya ka gone.”
24Ia ni sa yaco na siga me vakasucu kina, raica, sa tiko na drua e ketena. 25A sa sucu mai nai matai ka sa damudamu taucoko, sa vaka e dua nai sulu vutivutia; a ra sa vakayacani koya ko Iso. 26Ni oti ko ya, sa qai sucu mai na tacina, ka sa taura tu na bukubuku ni yavai Iso na ligana; a sa vakayacani ko Jekope. A sa onosagavulu na yabaki i Aisake ni rau sa sucu.
Volitaka ko Iso na Nona Dodonu Vakaulumatua
27A rau sa tubu na gone; a sa yaco me kena dau ni tobo manumanu e yavai va ko Iso, a tamata daulasa mai veikau; ia ko Jekope na tamata dautiko malua, ka sa tiko e na valelaca. 28A sa lomani Iso ko Aisake, ka ni sa daukania na manumanu sa toboka, ia ko Repeka sa lomani Jekope.
Volitaka ko Iso na Nona i Tutu Vakaulumatua
29E na dua na gauna, ni vakasasaqa kakana damudamu tiko ko Jekope, a sa lako mai veikau ko Iso, ka sa viakana. 30A sa kaya vei Jekope ko Iso, “Mo vakani au mada e na kakana damudamu ko ya, ni'u sa viakana!” (O koya oqo sa vakatokai kina me yacana ko Itomi.#25.30 A kenai balebale Damudamu) 31A sa kaya ko Jekope, “Mo volitaka mada e liu vei au na nomu i tutu vakaulumatua.” 32A sa kaya ko Iso, “Raica, ka'u sa vakarau mate; ka cava na kena yaga vei au na noqu i tutu vakaulumatua?” 33#Ipe 12.16A sa kaya vua ko Jekope, “Mo bubului mada vei au e liu.”#25.33 VakaIperiu (Hb) edaidai A sa bubului kina vua, ka sa volitaka na nona i tutu vakaulumatua vei Jekope. 34A sa solia vei Iso ko Jekope na madrai kei na kakana damudamu, ka sa kana ka gunu, ka cavu tu, ka lako yani. Ia sa beca ko Iso na nona i tutu vakaulumatua.
Currently Selected:
Vakatekivu 25: FRV21
Highlight
Share
Copy
Want to have your highlights saved across all your devices? Sign up or sign in
