Popular Bible Verses from Vakatekivu 25

Share

A sa kaya vua ko Jiova, “E rua na matanitu sa tiko e ketemu, kei rau na mata tamata ko na vakasucuma oqo erau na tawase; ena kaukauwa cake e dua ka malumalumu na kenai karua, kei koya e qase cake ena qaravi koya ka gone.”

A sa kaya vei Jekope ko Iso, “Mo vakani au mada e na kakana damudamu ko ya, ni'u sa viakana!” (O koya oqo sa vakatokai kina me yacana ko Itomi.)

A sa vakamasuti Jiova ko Aisake e na vuku ni watina, ni sa yava; a sa rogoci koya ko Jiova, a sa kunekune ko Repeka na watina.

A sa kaya ko Iso, “Raica, ka'u sa vakarau mate; ka cava na kena yaga vei au na noqu i tutu vakaulumatua?” A sa kaya vua ko Jekope, “Mo bubului mada vei au e liu.” A sa bubului kina vua, ka sa volitaka na nona i tutu vakaulumatua vei Jekope.

Ni oti ko ya, sa qai sucu mai na tacina, ka sa taura tu na bukubuku ni yavai Iso na ligana; a sa vakayacani ko Jekope. A sa onosagavulu na yabaki i Aisake ni rau sa sucu.

A sa lomani Iso ko Aisake, ka ni sa daukania na manumanu sa toboka, ia ko Repeka sa lomani Jekope.