Génesis 33
33
Esau puákuntasïnti Jakobini
1Jakobi eraaspti eska Esau ma irepeta tatachichani jinkuni jurhaxapka kumani, sapichani Lía ka Rakelika tsima jántspirichani nanakecha jinkuni arhutaaspti. 2Nanaka jántspirichani ka uáp'echani enka imani míntapka urhepani peraaspti, tátsekua Lia ka uáp'echa ka tátsepani Rakelika Jóseni peraaspti, 3Jakobi urhepaspti ka iumu tsimani xanhari tsérhukua antaskueraspti enka jamperi iámu antarherapka erachi jempa. 4K'oru Esau uirispti kúmani ka kamapakuspti ka putinharikuni ka tsimarheniksï ueraspti. 5Esau exeaspti sapichani ka nanachichani ka kurhamarhespti:
¿Íksï néski? Ka Jakobi arhispti:
Jucheti sapicha enkarini Diósï kónteaka.
6Jántspiri ka uáp'echa jinkuni antarheraspti ka tsérhukuaksï antaskueraspti. 7Lía imani niaraspti jima imeri uáp'echani jinkuni ka tsérhukuaksï antaskueraspti, tátsekua José ka Rakeliniaraspti ka imát'uksï tsérhukua antaskueraspti. 8Esau kurhamarhespti:
¿Antirinisï xáni uánekua manakorherichani axachea, uánekua kúmaaska?
Jakobi arhispti: Eskarini sési erokapirinka ka puáchentani.
9Esau arhispti: Ji uánekua káasïnka, jucheti erachi, ampe enka chétika, chétisti.
10Jakobi uantaspti: Nómpe, jimpuetakua ka jiókorhe jucheti intsïmperata, enkarini sési jimpo puachentaka, enkakini erateka ísïsti eska Diósïni erateni, t'úrini kánekua sési erokaska no ísï erokorhexapka.
11Jaiápanhechentsïrini kóntperata enkakini juacheka. Diósïrini kánekua kóntesti, ka iámentu amperini íntskuspti. Jakobi xáni inchantimentasti ka ima jiokukuspti.
12Esau uantaspti:
Juia je, jikini urhechepaaka.
13Jakobi arhispti: Jucheti acha, míteskari eskaksï sapicha sóntku kuatarasïnka, ka eskaksï uákasï ka karichicha máru iásï nótki ióni p'ítarhpeska, sóntkusï kuataraati, uarhiatiksï enkani ma jurhiatekua chúskutauaka xanhatataani.
14Kómu arhixakakini eskari urhepaaka, jucha iátsitapaaka, manakorherichani chúxapaani, iátsitapani eska sapicha na xanharak'a juchaksïni Seíri antankuaka.
15Esau arhispti:
Jurak'urini pakatacheani máru tatachichani enkaksï jinteni jinkuni juka.
Ka Jakobi arhispti: Ásï uantanhea jucha sési jauaka, ásï ók'utakorhe, kánekuats'ïni sési erokaskia.
16Ima jurhiatekua Esau nintaspti Seíri niántani, 17k'óru Jakobi Sukoti niraspti ka jima k'umanchekua úkorhespti ka uákasï jatakuechani jimposï jima Sukoti jakankurhitapti.
18Tátsekua Jakobi sési niáraspti Sikemi ireta enka Kanani echerirhu jaka, jima pakaraspti Paddani Arami nintani jamani. 19Iumu ekuatse (100) taiakata jimpo echeri Jamori uáp'echani piakuaspti, Sikemi táte jempani ka jima úntaspti imeri kuákua. 20Jima tiósta ma uaxastaspti enka Diósï Israeli anapu, jakankurhitapka.
Currently Selected:
Génesis 33: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
