लूका 16

चतुर प्रबंधक

1फासाडी येशु आपाआ शिष्यांआ कोयु, एक श्रीमंत माहुहू ओतु तिया एक कारभारी ओतु तियापो आरोप ओतु का तो धन सेलाडीत होय. 2तेहलाम तिये हादल्यो अने कोयु, तोहबारामे आय ओ नाहाकोत मानत्लू? आपाआ कारभाऱ्याआ हिशोब आप, काहाके या आगाडी तू कारभारी रोला नाहा. 3यापो कारभारी लेतजा मोनोमेऱ्यो मोनामे कोयु, माआ मालिक मापोरोत कारभारी काम मागीत होय ओमे आय नाहाकोत कोहू? माआ जागे ओमे एवडी शक्ती रोली नाहा का, आय खेतुम जात खोदिलो गालीला काम कोहू शकतो अने मांगुई माहु लाज लागेहे. 4हाजो ओमे होमज्ये का माहु नाहाकोत कोअला हवे का ज्यावाही जांहा माहु कारभारी पदोपोरोत काढीत टाक्ये जानारू तेहलाम मांहे आपाआ कोअमे माआ सत्कार कोअनारू. 5तेहलाम तिये मालिक च्या हर एक आपणाराहा हादाडये, पाल्या माअहुहू तिये फ़ुस्ल्याआ, माआ मालकाआ ताहु केतो कर्ज आपलो होय? 6तिये कोयु होव माप जेय्तुनचे तेल, यापो तो बोलतुल्यो ओ ले ताआ रोख, अने बोहित वेगु याहा पन्नास कोईत आप. 7फासाडी तिये दिहीराहा कोयु अने ताहु केतो कर्ज आपलो होय? तिये कोयु, होव खाड्डा गवोओ, तो तियाहा कोयु ओ ले ताआ थोबाडा अने होव तियाआ ऐशी कोईत आप. 8यापो तियाआ मालक्योओ तिया अधर्मी कारभारीई प्रशंसा कोअयी काहाके तिये चतुराईवाही काम कोल्यु ओते संसारो माहहू आपा होस माहहू मुळे व्यवहारूम आध्यात्मिक माहुपेक्षा जाखा चतुर ऐ. 9आय तुमामे कोत्लू का, अधर्म मालमत्ता याकोअता आपाआ हेगांति बोनाडा काहाके जांहा धनदोव्लत सेलाय तेहलाम सार्वकालिक निवास तुमाआ स्वागत कोआ. 10जे मांहे ज्यापोओ थोडाकोआता विश्वास कोअयु जाइअलो अने याआ प्रमाणोओ ते थोडाकोआता बईमानी ओवुहू सेकतेहे तो जाखा पण बईमानी ओवुहू शकतो. 11ह्याप्रमाणे जर तुमु सांसारीक मालमत्तापो भोरुसो मेकही नाहा, ताहा खोरो धना विषयी कोडू अल्पविश्वसी विश्वास मेकही? 12जे कोडु दिहरा होय जर तुमु त्यांकोअता विश्वासाआ पात्र नेशेय ताहा जे तुमाआ होय ते तुमामे कोडू आपी? 13कोडोबी सेवक दिहे मालकाआ सेवा कोहू शकत नाहा तो एकाहा द्वेष कोअही अने दिहीराहा प्रेम कोअही तो एकाहा तोईत रोही अने दिहीराहा तुच्छ मानही तुमु धन अने परमेश्वर आव बेन जोआआ सेवा एकहरको ओतगोयु कोअता आविलो नाहा.

परमेश्वरो राज्योंओ मूल्य

(मत्ती 11.12-13)

14ओमे जांहा लोभी पुजारी परुश्यांहि ओ होमल्यु, तेहलाम तिये येशुउ जाखो मजाक कोअयी. 15आवे तिये तियाहा कोयु, तुमु एहलो होय जे मांहा आगाडी धोर्मी देखाडणारु का तुमु जाखो हाजो होय परंतु परमेश्वर तुमाआ मनाहे ओलखीत्लू मांहे ज्याहा-ज्याहा जाखो किमती होमजीतेहे ते परमेश्वरा कोअता ते तुच्छ होय. 16योहानाईहीजा नियमशास्त्र अने संदेष्टाआ मुख्यता ओती तियाआ फासाडी परमेश्वरोओ राज्याआ सुवार्ता प्रचार कोअयी जात होय अने हर एक मांहे वोडो प्रमाणामेहे तिया जागे खेच्ये जात होय. 17स्वर्ग अने धोरती नष्ट उवे शक्य होय परंतु नियम शास्रामे एक बिंदू ची शक्ती न तुटणारी होय. 18जो हर एक कोडोबी आपाआ लाडी सोडीत दिहरो वेहवाल कोअत्लू तो व्यभिचार कोअत्लू ह्याप्रमाणे जो आपाआ आज्ञाप रोत सोडित देदल्यो कोडाआ लाडीआरी वेहवाल कोअत्लू तो पण व्यभिचार कोईत रोतो.

धनवान मांहो अने गरीब लाजर

19ओमे पाला, एक माहुहू ओतु तो जाखो श्रीमंत ओतु तो जाबलो तलम कापडे काले एहलो अने हर एक दीही थातामाटाम जिवनाआ आनंद लेत ओतु. 20तियाआ जागापो लाजर नावाआ एक गरीब दुखी तियाआ बाअनाजागे पोडीत रोत ओते तियाआ डील फोडक्याआ जखमोवाही पोअल्ये ओते, 21तियाअ श्रीमंत माहांआ उष्टे पोडीतरोल्या तियाआ पेट पोअन्याकोता तो तोडपित ओतु इहिंजा का कुत्रो आवीत ओते अने तियाआ जखमोंहा साटीत ओतु. 22अने फासाडी एहलो उवे का तो गरीब माहुहू मोल्यु तेहलाम स्वर्गदूत आविलो तियाहा घेऊन गोये अने आब्राहम च्या गोदमध्ये जात बोहाडील्ये तो श्रीमंत माहुहू पण माईत गोल्यो तियाहा जमिनोम गालीलो, 23अधोलोक जांहा तोडपित ओतलू जाहा तिये आपाआ डोआं उपो कोअयी तेहलाम आब्राहम जाखो सेटे देखाहे ओतु परंतु तिये लाजराहा तियाआ गोदमध्ये पालील्यो. 24तेहलाम तिये आवाज आपित कोयु, अब्राहमोओ, मापो दया को अने लाजराहा मोकोल का तो आपाआ अंगठी बुडालीत माआ जीभ हेलो कोईत आपीली काहाके आय याआ आगीम तोडपित होय. 25पोन अब्राहम कोयु, ओ माआ पोऱ्या, ओर कोतू ताआ जीवोन सहवासाम आपाआ हाजी वस्तु मेलवी अने परंतु लाजराहा वाईट वस्तूच जोड़ी ओमे तो इही आनंद कोईत होय अने तू त्रास कोईत होय. 26अने याआ आखे परीस्थीतीम आमा अने तुमाआ माय एक वोडी दोरी होय याकोअता का जर कोडु तुमापोओ आवहू इच्छितो तेबी तियाहा जाता आविलो नाहा अने तिहीरोत कोडाआ इही आवीत आविलो नाहा. 27तिया श्रीमंत माहुहु कोयु, ताहा फासाडी ओ बाह्हा आय ताहु विनंती कोअत्लू का लाजराहा माआ बाह्हाआ कोआ मोकोल, 28काहाके माआ पाच पाही होय तो तियाहा चेतावणी आपही याकोअता का तिये तेबी याआ त्रास दासी जागापो आवहू कायना. 29पोन अब्राहम कोयु, त्याजागे मोशे होय अने संदेष्टे पण होय तियाहा त्याआं होमला आप. 30श्रीमंत महुहू कोयु, नाहा अब्राहमोओ, जर कोडु मोल्यामरोत तियापो जाइअलो ताहा ते मोन फेरविनारू. 31आब्राहम लेतजा तियाहा कोयु, जर ते मोशे अने संदेष्टे याआ होमलित नाहा ताहा जर कोडु मोल्यामरोत जिवंत ओवुहू तियाआ जागे जाइअलो तेबी ते मानणारु नाहा.

Currently Selected:

लूका 16: NOINT

Highlight

Copy