Luuka Ʉtagaalizyo
Ʉtagaalizyo
Ɨshitaabu ɨshi shahasimbwilwe nʉ Luuka. Ʉyo ya yʉʉyo ya‑ahasimbile hwope nɨ shitaabu ɨshɨ Mbombo ɨzya Bhasontwa. Saga ahali Nʼnyahuudi, leelo ahali Nʼnyunaani. Ahali muntu wa‑amanyiiye tee, nantele ahali mwoziwa. Hu habhaazyo hamo ahali ajenda peeka nʉ Paulo alʉmbɨɨlɨle ɨNongwa ɨNyinza ɨzya Yeesu. Mu shitaabu ɨshi, ʉLuuka ayanga ɨmbombo zya Yeesu hu zingatizu ʉwinza, huje abhantu ɨbho saga Bhayahuudi bhamanye.
Mu shitaabu ɨshi zilɨɨho ɨnongwa ɨnyinji ɨzyo saga zisimbwilwe mu vitaabu ɨvyɨnjɨ ɨvya mwi‑Ilagano Ipya, nanshi apaapwe hwa Yoohani ʉMwozi, apaapwe hwa Yeesu nɨ nongwa zyakwe ɨzya hu waana, na‑alʉmbɨɨlɨle hwa Yoohani ʉMwozi. Nantele alolesya ɨsho wuli ʉkʉndwa ʉwa Ngʉlʉbhɨ hwa bhantu abhɨ waaji nʉ waaji. ɄYeesu alolesiizye ʉkʉndwa ʉwo hwi‑idala ɨlya hubhamamile abhantu hu vifwani, nanshi ɨvilaale vya Nʼsamaliya ʉmwinza nʉ mwana wa‑ahateejile. Nantele awulolesiizye hwi‑idala ɨlya‑akhale shinza peeka nʉ nʼsomvya sonko ʉyo ahavitiliilwe tee na bhantu, na hunʼsʉʉbhɨzye humʼpeele ʉwʉʉmi ʉwa wiila na wiila ʉmʼmomba mbiibhi ʉyo ahakhomeliilwe mu shikhobheehanyo.
Ɨmbaatiho ɨzyɨ shitaabu ɨshi
1:1-4 Amazwi aga hwande
1:5-2:52 Apaapwe hwa Yeesu nʉ waana waakwe
3:1-4:13 Ɨmbombo ya Yoohani ʉMwozi na‑ajelwe hwa Yeesu
4:14-9:50 ɄYeesu amanyizya ɨzyɨ wumwɨnɨ ʉwa Ngʉlʉbhɨ na‑abhombe amayele mu Galilaaya
9:51-19:27 ɄYeesu amanyizya minji hu nongwa yɨ‑ɨbho bhahunʼnondolezya, lwa‑abhala hu Yelusaleemu
19:28-21:38 ɄYeesu atʉʉha hu Yelusaleemu na‑amanyizye hu nongwa yɨ nsiku ɨzya hu malishilo
22:1-23:56 ɄYeesu akhatwa na‑akhomeelwe pa shikhobheehanyo
24:1-53 Azyʉshe hwa Yeesu
Currently Selected:
Luuka Ʉtagaalizyo: SBK
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.