Luuka 3
3
ɄYoohani ʉMwozi ahwanda alʉmbɨɨlɨle
(Mataayo 3:1-12; Maalʉko 1:1-8; Yoohani 1:19-28)
1Ʉmwaha ʉgwi‑ishʉmi na gasaanu afume ʉmwɨnɨ ʉnʼgoosi ʉKayisali ʉTibeeliyo ahwande alongozye ʉwumwɨnɨ ʉwa Bhaluumi, ʉPontiyo Pilaato ahalongozyaga ʉmukowa ʉgwɨ Yudeeya. Wope ʉHeloode ʉAntipa ahalongozyaga ʉmukowa ʉgwɨ Galilaaya. Nantele ʉFilipo ʉnʼkʉlʉ wa Heloode ahalongozyaga ʉmukowa ʉgwɨ Ituleeya nʉ gwɨ Tilakoniiti. Wope ʉLisaniya ahali nʼnongozi wɨ mukowa ʉgwɨ Abileene. 2ɄAanasi nʉ Kayaafa bhahali bhasayi bhagoosi bha Ngʉlʉbhɨ.#3:2 ɄAanasi nʉ Kayaafa bhahali bhasayi bhagoosi bha Ngʉlʉbhɨ Ɨpa bhaloleha abhasayi abhagoosi bhabhɨɨlɨ, hwope nkashele gahali miiho abhe nʉ nʼsayi ʉnʼgoosi weeka. ɄAanasi ahali nʼsayi nʼgoosi wa Ngʉlʉbhɨ hu habhaazyo ɨho. Leelo ʉmwɨnɨ ʉwa Bhaluumi ahanʼsalula ʉKayaafa, ʉyo ahali nʼnume wa mwalɨ waakwe, na humʼmɨɨshe pa mbombo.
Ahabhaazyo hahaala, izwi lya Ngʉlʉbhɨ lyahamʼmwɨnzɨla ʉYoohani ʉmwana wa Zakaliya huula hu lʉʉgwa. 3Ɨpo ahabhala ɨmbali zyonti zya zyahali pɨɨpɨ ni‑isooho ɨlyɨ Yolodaani, ahalʉmbɨlɨlaga huje, abhantu bhalaataje, bhazileshe ɨmbiibhi zyabho na hwozewe huje, ʉNgʉlʉbhɨ abhakhobhoshele ɨmbiibhi zyabho. 4Ɨzi zyahasimbwilwe halɨ mu shitaabu sha nʼkuwi wa Ngʉlʉbhɨ#3:4 Ʉnʼkuwi wa Ngʉlʉbhɨ hwa huje ʉmuntu ʉyo ahubhabhʉʉzya abhantu ɨnongwa zya zifuma hwa Ngʉlʉbhɨ. ʉYesaaya hu nongwa ya Yoohani ʉMwozi huje,
“Ʉmʼmomvi ʉnʉ ya yʉʉla ahayilʉmbɨlɨlaga mu lʉʉgwa huje,
‘Lilɨnganyaaji idala lya Mwɨnɨ,
mugolosyaje idala lyakwe.
5Amakhombe gasyɨlwe,
amagamba nʉ tugamba vitalame.
Pa pagondɨɨne pagoloshe,
amadala amabhiibhi galɨngaanywe.#3:4-5 Amazwi agɨ lwoli ʉlwa wunɨ afishe ʉlwa saanu, hwa huje abhantu bhalaataje na huzileshe ɨmbiibhi zyabho. Bhazibhɨɨhaje haani ɨnjeele zyabho humʼmwambɨɨlɨle ʉMwɨnɨ ʉNgʉlʉbhɨ mu mooyo gaabho lwa wɨnza.
6Ɨpo abhantu bhonti bhahayihuwulola ʉfyʉli wa‑aleetile ʉNgʉlʉbhɨ.’ ”#Bhaazya Yesaaya 40:3-5.
7Abhantu abhinji bhahabhalaga hwa Yoohani ʉMwozi huje, bhoozewe, leelo ahabhabhʉzyaga ahagaga, “Amwɨ muli bhabhiibhi nanshi ɨnzoha!#3:7 Amwɨ muli bhabhiibhi nanshi ɨnzoha Mu njango ɨyɨ Shiyunaani ɨsimbwilwe huje, Amwɨ muli mpaapo yɨ nzoha. ABhayahuudi bhahazilolaga ɨnzoha huje, zyɨ mbiibhi tee. Nantele, zimemile amalenga tee ashile ɨhanu ɨzyɨnjɨ. Bhaazya ʉWandilo 3:1-15. Muyiga mugashɨmbɨla ʉlufundo lwa Ngʉlʉbhɨ lwa lwahayɨnza, hwi‑idala ɨlya hwozewe sinta alambe hu lyoli? 8Ɨnjendo zyenyu zilolesyaje huje, mulambile na huzileshe lwonti ɨmbiibhi zyenyu. Muleshe asɨɨbhe huje, ‘Tiponile hu nongwa ya maama weetu ʉAbulahaamu.’#3:8 Tiponile hu nongwa ya maama weetu ʉAbulahaamu ABhayahuudi bhahajile saga bhahayilongwa, pɨpo bhaana bha Abulahaamu, ʉyo ahali asaluliilwe nʉ Ngʉlʉbhɨ. ɄNgʉlʉbhɨ ahanʼsaluuye ʉAbulahaamu abhe wandilo wa bhantu bhaakwe aBhayahuudi. Lyoli ɨhubhabhʉʉzya, ʉNgʉlʉbhɨ abhajiiye hugagalulanye amawe ɨga abhe bhaana bha Abulahaamu! 9Ɨshi, ʉNgʉlʉbhɨ ahwibhɨɨshɨle nzɨɨla ayazye abhantu bha saga bhabhomba ɨnyinza, nanshi ʉmuntu wa‑akhɨɨte ɨntemo na hwibhɨɨshe nzɨɨla ateme amakwi. Ɨshi nkashele ikwi saga lihwela amantongooni aminza, litemwa na‑ataagwe mu mwoto.”
10Ɨpo ɨmpʉga ɨla yahamʼmʉzɨlɨzyaga yahagaga, “Ɨshi, tibhombe lyenu?” 11ɄYoohani ahabhamulaga ahagaga, “Wa‑ali na magolole gabhɨɨlɨ, amʼpeelaje lyeka ʉyo wa saga ali nalyo. Wope wa‑ali nɨ shalye, amʼpeelaje wa saga ali nasho.” 12Bhope abhasomvya sonko#3:12 abhasomvya sonko Bhaazya izwi Bhasomvya sonko hu Ngalulanyo ɨyɨ Mazwi aMajenu hu malishilo wɨ shitaabu ɨshi. bhahamʼmalilaga huje, bhoozewe, bhahamʼmʉzɨlɨzyaga ʉYoohani ʉMwozi bhahagaga, “Mʼmanyizyi, natɨ tibhombaje lyenu?” 13Ahabhamulaga ahagaga, “Mulehaje asomvye ɨsonko ashile zya zibhɨhwɨlwe.” 14Bhope abhalwi bhahamʼmʉzɨlɨzyaga bhahagaga, “Natɨ tibhombaje lyenu?” Ahabhamulaga ahagaga, “Mulehaje afyʉle ɨmpɨɨya zya bhantu hwi‑ikhone na hubhataake hwi‑ilenga, lyoli muhobhohaje zya muhwambɨɨlɨla hu mbombo zyenyu.”
15Ahabhaazyo hahaala, abhantu bhahasʉbhɨlaga ahwɨnze hwa Kilisiti. Ɨshi, bhahasɨɨbhaga mu mooyo huje, lumo ʉYoohani yʉ Mʼfyʉli. 16Ɨpo ʉYoohani ahabhabhʉʉzya bhonti ahaga, “Anɨ ɨhubhoozya amwɨ na mɨnzɨ, leelo ahwɨnza ʉmuntu wa‑ali ni‑ikhone hunshile anɨ. Anɨ saga ɨhondɨɨye abhe nʼkalwe waakwe huje, ɨngaawula ɨnkusa zyɨ ndaatʉ zyakwe.#3:16 ɨngaawula ɨnkusa zyɨ ndaatʉ zyakwe Nkashele ʉnʼjenu atʉʉha mu nyumba, ʉnʼkalwe ahamʼmwawulaga ɨndaatʉ na humʼmwozye amanama gaakwe. Ɨmbombo ɨyo yahali ya nʼkalwe ʉwa pa nsi tee. Ʉyo ahayihubhoozya nʉ Mʼpepo ʉMʼfinjile na hu mwoto. 17Ʉmwene ahayihubhabagulanya abhagolosu na bhabhomba mbiibhi,#3:17 bhabhomba mbiibhi Bhaazya izwi Bhabhomba mbiibhi hu Ngalulanyo ɨyɨ Mazwi aMajenu hu malishilo wɨ shitaabu ɨshi. nanshi ʉmuntu wa‑agulusya ɨngano pa lubhʉngʉlʉ. Abhʉngaanya ɨngano na huyibhɨɨshe mu shanga, leelo ameelelo ahugapemba mu mwoto gwa saga guzima nka lumo.”
18Hu mazwi ɨgo na ganjɨ aminji, ʉYoohani ahabhasundaga na hubhalʉmbɨɨlɨle abhantu ɨNongwa ɨNyinza ɨzya Ngʉlʉbhɨ. 19Pamandɨ ʉYoohani ahanʼdaamila ʉmwɨnɨ ʉHeloode ʉAntipa hu nongwa ya‑aje, ahamʼmwejile ʉHelodiya ʉnʼshɨ wa mwanakwabho#3:19 mwanakwabho ɄHeloode ʉAntipa nʉ Filipo bhahali nʉ yise weeka, leelo shila muntu ahali nʉ nyina waakwe. ʉFilipo sha‑ali mwʉmi, na hu mbiibhi ɨnyinji zya‑ahabhombile. 20Ɨpo ʉHeloode ahonjeezya ʉbhiibhi hwi‑idala ɨlya humʼpinye ʉYoohani ʉMwozi mu hoobhe.
Ahwozewe hwa Yeesu
(Mataayo 3:13-17; Maalʉko 1:9-11)
21ɄYoohani lwa‑asɨɨle akʉngwe mu hoobhe, ahabhozyaga abhantu abhinji, wope ʉYeesu ahɨnza, ahoozewa. ɄYeesu lwa‑ali apuute, ɨmwanya yahiiguha. 22Ɨpo ʉMʼpepo ʉMʼfinjile ahamʼmwishila hu shimanyishizyo shɨ mʼbɨlɨ nanshi shɨ nkʉnda. Izwi lya Ngʉlʉbhɨ lyahʉmvwɨha afume hu mwanya hu nongwa ya Yeesu, lyahaga, “Aawe we Mwana waanɨ ʉnʼkʉndwe, ʉhungwɨzya ʉmwoyo.”
Ɨshikholo sha Yeesu ʉKilisiti
(Mataayo 1:1-17)
23ɄYeesu lwa‑ahwanda ɨmbombo yaakwe, ahali na maaha amashʉmi gataatu ɨshi. Abhantu bhahasɨɨbhaga huje, ahali mwana wa Yoosefu.
ɄYoosefu ahali mwana wa Eeli,
24ʉEeli ahali mwana wa Masaati,
ʉMasaati ahali mwana wa Laawi,
ʉLaawi ahali mwana wa Meeliki,
ʉMeeliki ahali mwana wa Yanaayi,
ʉYanaayi ahali mwana wa Yoosefu,
25ʉYoosefu ahali mwana wa Mataasiya,
ʉMataasiya ahali mwana wa Aamosi,
ʉAamosi ahali mwana wa Nahumu,
ʉNahumu ahali mwana wa Eesili,
ʉEesili ahali mwana wa Nagaayi,
26ʉNagaayi ahali mwana wa Maasi,
ʉMaasi ahali mwana wa Mataasiya,
ʉMataasiya ahali mwana wa Semeeni,
ʉSemeeni ahali mwana wa Yooseki,
ʉYooseki ahali mwana wa Yooda,
27ʉYooda ahali mwana wa Yoonani,
ʉYoonani ahali mwana wa Leesa,
ʉLeesa ahali mwana wa Zelubaabeli,
ʉZelubaabeli ahali mwana wa Sheyatiyeeli,
ʉSheyatiyeeli ahali mwana wa Neeli,
28ʉNeeli ahali mwana wa Meeliki,
ʉMeeliki ahali mwana wa Aadi,
ʉAadi ahali mwana wa Koosamu,
ʉKoosamu ahali mwana wa Elimaadamu,
ʉElimaadamu ahali mwana wa Eeli,
29ʉEeli ahali mwana wa Yoshuwa,
ʉYoshuwa ahali mwana wa Eliyeezeli,
ʉEliyeezeli ahali mwana wa Yoolimu,
ʉYoolimu ahali mwana wa Masaati,
ʉMasaati ahali mwana wa Laawi,
30ʉLaawi ahali mwana wa Siimoni,
ʉSiimoni ahali mwana wa Yuuda,
ʉYuuda ahali mwana wa Yoosefu,
ʉYoosefu ahali mwana wa Yoonamu,
ʉYoonamu ahali mwana wa Eliyakimu,
31ʉEliyakimu ahali mwana wa Meleeya,
ʉMeleeya ahali mwana wa Meena,
ʉMeena ahali mwana wa Mataasa,
ʉMataasa ahali mwana wa Naasani,
ʉNaasani ahali mwana wa Daudi,
32ʉDaudi ahali mwana wa Yeese,
ʉYeese ahali mwana wa Oobedi,
ʉOobedi ahali mwana wa Boohasi,
ʉBoohasi ahali mwana wa Salimooni,
ʉSalimooni ahali mwana wa Naashoni,
33ʉNaashoni ahali mwana wa Aminaadabu,
ʉAminaadabu ahali mwana wa Adimini,
ʉAdimini#3:33 ahali mwana wa Adimini, ʉAdimini Amazwi ɨgo saga galɨɨho mu nsimbo zimo ɨzyɨ mandɨ ɨzyɨ Shiyunaani. ahali mwana wa Aalini,#3:33 Aalini Mu vitaabu ɨvyɨnjɨ bhahasimbile Aalamu awe Laami.
ʉAalini ahali mwana wa Hezelooni,
ʉHezelooni ahali mwana wa Peelesi,
ʉPeelesi ahali mwana wa Yuuda,
34ʉYuuda ahali mwana wa Yaakobo,
ʉYaakobo ahali mwana wa Isaaka,
ʉIsaaka ahali mwana wa Abulahaamu,
ʉAbulahaamu ahali mwana wa Teela,
ʉTeela ahali mwana wa Nahooli,
35ʉNahooli ahali mwana wa Seluugi,
ʉSeluugi ahali mwana wa Lagawu,
ʉLagawu ahali mwana wa Peelegi,
ʉPeelegi ahali mwana wa Eebeli,
ʉEebeli ahali mwana wa Saala,
36ʉSaala ahali mwana wa Keenani,
ʉKeenani ahali mwana wa Alufakisaadi,
ʉAlufakisaadi ahali mwana wa Sheemu,
ʉSheemu ahali mwana wa Noowa,
ʉNoowa ahali mwana wa Laameki,
37ʉLaameki ahali mwana wa Mesuseela,
ʉMesuseela ahali mwana wa Henoko,
ʉHenoko ahali mwana wa Yaaledi,
ʉYaaledi ahali mwana wa Mahalaleeli,
ʉMahalaleeli ahali mwana wa Keenani,
38ʉKeenani ahali mwana wa Eenoshi,
ʉEenoshi ahali mwana wa Seeti,
ʉSeeti ahali mwana wa Aadamu,
wope ʉAadamu ahali mwana wa Ngʉlʉbhɨ.
Currently Selected:
Luuka 3: SBK
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
