Popular Bible Verses from Luuka 3

Share

ɄYoohani lwa‑asɨɨle akʉngwe mu hoobhe, ahabhozyaga abhantu abhinji, wope ʉYeesu ahɨnza, ahoozewa. ɄYeesu lwa‑ali apuute, ɨmwanya yahiiguha. Ɨpo ʉMʼpepo ʉMʼfinjile ahamʼmwishila hu shimanyishizyo shɨ mʼbɨlɨ nanshi shɨ nkʉnda. Izwi lya Ngʉlʉbhɨ lyahʉmvwɨha afume hu mwanya hu nongwa ya Yeesu, lyahaga, “Aawe we Mwana waanɨ ʉnʼkʉndwe, ʉhungwɨzya ʉmwoyo.”

Ɨpo ʉYoohani ahabhabhʉʉzya bhonti ahaga, “Anɨ ɨhubhoozya amwɨ na mɨnzɨ, leelo ahwɨnza ʉmuntu wa‑ali ni‑ikhone hunshile anɨ. Anɨ saga ɨhondɨɨye abhe nʼkalwe waakwe huje, ɨngaawula ɨnkusa zyɨ ndaatʉ zyakwe. Ʉyo ahayihubhoozya nʉ Mʼpepo ʉMʼfinjile na hu mwoto.

Ɨnjendo zyenyu zilolesyaje huje, mulambile na huzileshe lwonti ɨmbiibhi zyenyu. Muleshe asɨɨbhe huje, ‘Tiponile hu nongwa ya maama weetu ʉAbulahaamu.’ Lyoli ɨhubhabhʉʉzya, ʉNgʉlʉbhɨ abhajiiye hugagalulanye amawe ɨga abhe bhaana bha Abulahaamu!

Ɨshi, ʉNgʉlʉbhɨ ahwibhɨɨshɨle nzɨɨla ayazye abhantu bha saga bhabhomba ɨnyinza, nanshi ʉmuntu wa‑akhɨɨte ɨntemo na hwibhɨɨshe nzɨɨla ateme amakwi. Ɨshi nkashele ikwi saga lihwela amantongooni aminza, litemwa na‑ataagwe mu mwoto.”

Ɨzi zyahasimbwilwe halɨ mu shitaabu sha nʼkuwi wa Ngʉlʉbhɨ ʉYesaaya hu nongwa ya Yoohani ʉMwozi huje, “Ʉmʼmomvi ʉnʉ ya yʉʉla ahayilʉmbɨlɨlaga mu lʉʉgwa huje, ‘Lilɨnganyaaji idala lya Mwɨnɨ, mugolosyaje idala lyakwe. Amakhombe gasyɨlwe, amagamba nʉ tugamba vitalame. Pa pagondɨɨne pagoloshe, amadala amabhiibhi galɨngaanywe. Ɨpo abhantu bhonti bhahayihuwulola ʉfyʉli wa‑aleetile ʉNgʉlʉbhɨ.’ ”