Efésius 5

Vivi na lus

1Suma bo sedu fijus#Mat 5.45 ku Deus ama, bo fasi forsa pa parsil. 2Bo yanda ku#Jon 13.34; Gal 1.4; 1 Jon 3.11 amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

3Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus. 4Bo ka dibi di papia palabra#Mat 12.34-35; Tia 3.9-10 fiu, nin kombersa tulu, nin brajerisa indisenti, ma bo dibi di ba ta fala Deus obrigadu. 5Bo pudi ten sertesa kuma, algin ku ta fasi pekadu#1 Kor 6.9; Gal 5.19-21; Apok 22.15 seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

6Ka bo disa ningin ngana#Jer 29.8; Mat 24.4; Kol 2.4,8; 2 Tes 2.3 bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi. 7Ka bo sedu se kumpañeris. 8Purmeru, bo staba na sukuru, ma gosi, suma bo sedu di Siñor, bo sta na#Is 9.2; Jon 1.4; At 26.18; 1 Jon 2.9 lus. Asin bo yanda suma kilis ku pertensi lus. 9Nunde ku lus sta, tudu bondadi ta nasi, ku kusa justu, ku bardadi. 10Bo buska sibi kusa#Kap 5.17; Rom 12.2; 1 Tes 4.3 ku Deus ta kontenti ku el. 11Ka bo toma parti#Sir 19.17; 1 Kor 5.9-11; 2 Kor 6.14; 2 Jon 10-11 na obras di sukuru ku ka ten purbitu, ma bo pui ki obras na lus. 12Kusas ke ta fasi sukundidu, te pa falal i borgoña. 13Tudu kusa ku pudu na lus, i ta ojadu#Jon 3.20-21; Eb 4.13 si koldadi, pabia lus ta mostra klaru. 14E ku manda i fala na un kantiga:

“Korda, abo#Is 52.1; 60.1; Rom 13.11-12 ku na durmi!

Lanta na metadi di mortus;

Kristu ta numiau.”

15Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru. 16Bo purbita#Gal 6.10 pa fasi tudu ku bo pudi, pabia no sta na mau tempu. 17Pabia des, ka bo sedu tulu, ma bo buska ntindi ke ku Siñor#Kap 5.10 misti pa bo fasi.

18Ka bo cami biñu#Dit 20.1 ku ta dana vida, ma bo inci ku Spiritu Santu. 19Bo fala ku ŋutru ku salmu, inu ku kantiga#At 16.25; 1 Kor 14.26; Kol 3.16; Tia 5.13 spiritual; bo kanta, bo fasi musika pa Siñor na bo korson. 20Bo fala Deus no Pape sempri obrigadu#Jo 1.21; Is 63.7; Kol 3.17; 1 Tes 5.18 pa tudu, na nomi di no Siñor Jesus Kristu.

Maridu ku si minjer

21Bo suẑeta ŋutru#Fil 2.3; 1 Ped 5.5 suma ku bo rispita Kristu.

22Abos#Kum 3.16; 1 Kor 14.34; Kol 3.18; Titu 2.5; 1 Ped 3.1 minjeris, bo fika bas di bo omis, suma ku bo sta bas di Siñor, 23pabia omi#Kap 1.22-23; 1 Kor 11.3; Kol 1.18 i kabesa di si minjer suma ku Kristu i kabesa di igreẑa. Na bardadi, el ki Salbadur di kurpu ku sedu igreẑa. 24Suma ku igreẑa sta bas di Kristu, asin tambi ku minjer dibi di fika bas di si omi na tudu kusa.

25Abos#Kol 3.19; 1 Ped 3.7 omis, bo ama bo minjer suma ku Kristu ama igreẑa, i da si vida pa el, 26pa i separal pa el. I labal#Jon 15.3; 17.17-19; Eb 10.22 ku yagu ku palabra pa limpal, 27pa i pudi pursental#2 Kor 11.2; Kol 1.22; Apok 19.7 pa si kabesa, un igreẑa gloriosu, sin manca, sin marlota, nin kualker utru difeitu, ma puru, ku ningin ka pudi culil dedu. 28Asin ku omi dibi di ama si minjer suma si kurpu#Kum 2.23 propi. Kin ku ama si minjer, i ama si kabesa. 29Nunka ningin ka nfastia si propi kurpu, ma i ta alimental, i toma konta del, suma ku Kristu ta fasi pa igreẑa, 30pabia no sedu membrus#Rom 12.5; 1 Kor 6.15 di si kurpu. 31Suma ku Skritura fala, pa omi disa#Kum 2.24 si pape ku si mame, pa i junta ku si minjer; elis dus e ta sedu un kurpu son. 32Es i garandi bardadi ku sta sukundidu ne palabra. N na falal pa Kristu ku si igreẑa, 33ma tambi N na falal pa bos. Kada un di bos dibi di ama si propi minjer suma si kabesa. Minjer dibi di rispita si omi.

Currently Selected:

Efésius 5: povB

Highlight

Copy