Efésius 6

Fijus ku se papes

1Abos fijus, bo obdisi#Dit 23.22; Kol 3.20 bo papes, pabia i bon pa bo fasi asin, suma ku bo sedu di Siñor. 2“Rispita#Sai 20.12; Lei 27.16; Jer 35.18-19 bu pape ku bu mame” i purmeru mandamentu ku tene purmesa juntadu ku el, ku fala asin: 3“pa tudu kuriu diritu; bu tene vida kumpridu na tera.”

4Abos papes, ka bo provoka raiba na bo fijus, ma bo kria#Kum 18.19; Kol 3.21 elis na disiplina ku nsinamentu di Siñor.

Katibu ku si mestre

5Abos#Kol 3.22-25; 1 Tim 6.1-2; Titu 2.9-10; 1 Ped 2.18 katibus, bo obdisi bo mestres na tera ku rispitu, ku medu, ku korson limpu, suma pa Kristu. 6Ka bo tarbaja son na uju di bo mestre, pa jinti pudi kontenti ku bos, ma bo fasi kil ku Deus misti ku tudu bo korson, suma katibus di Kristu. 7Bo fasi bo tarbaju ku tudu vontadi, suma pa Siñor; i ka son pa omi. 8Bo lembra kuma Siñor na paga#Rom 2.6; 2 Kor 5.10 kada un, katibu o libri, pa tudu ben ki fasi.

9Abos#Sir 25.43; Kol 4.1 mestres, bo trata elis di ki mesmu manera; bo disa di fasi ameasa. Bo lembra kuma abos ku elis bo tene mesmu mestre na seu, ku ka ta fasi skuju.

Armadura di Deus

10Pa kabanta, bo fika mas forti#Kol 1.11 na Siñor pabia di si forti puder. 11Bo bisti tudu armadura#Rom 13.12; 2 Kor 6.7 ku Deus da bos, pa bo pudi fika firmi kontra armadilia di astusia di diabu, 12pabia no ka na geria kontra jinti, ma kontra#Jon 12.31; Rom 8.38 garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial. 13Asin bo bisti tudu armadura di Deus. Ora ku dia mau ciga, bo na pudi risisti. Dipus di geria#2 Kor 10.4 te na fin, bo ta sta firmi inda.

14Asin, bo firma risu; bo tene bardadi#Is 11.5; 59.17 suma sintu ku bo mara; bo vida retu i ta sedu bo armadura di pitu. 15Bo pruntia pa konta Bon Noba#Is 52.7 di pas — es i ta sedu bo sapatu. 16Riba de kusas tudu, bo toma fe#1 Jon 5.4 suma darga#6.16 Darga i tajadera. ku bo ta pudi paga ku el tudu fleŝa di fugu ku ki malvadu na ferca pa bos. 17Bo toma tambi salbason suma kapasiti, ku spada#1 Tes 5.8; Eb 4.12; Apok 1.16 ku Spiritu ta da ku sedu palabra di Deus. 18Bo pui bo sintidu na orason#Mat 26.41; Rom 12.12 ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus. 19Bo ora#At 4.29; Kol 4.3; 2 Tes 3.1 tambi pa mi, pa Deus pudi dan palabra sertu ora ku N na yabri boka pa papia; pa N pudi fala ku koraẑen, pa fasi jinti kunsi sigridu di Bon Noba. 20N sedu mbaŝadur#2 Kor 5.20 de Bon Noba kontudu N sta#Kap 3.1 prezu. Bo ora pa N ten koraẑen pa fala del, suma ki dibi di sedu.

Manteña di kabantada

21Tíkiku,#At 20.4 no ermon ku no ama, servu fiel na tarbaju di Siñor, i na da bos tudu noba di mi, pa bo pudi sibi kuma ku N sta, ku ke ku N na fasi. 22E ku manda N na mandal#Kol 4.7-8 pa bos, pa bo pudi sibi kuma ku no sta tudu, pa i anima bos.

23N misti pa Deus no Pape ku Siñor Jesus Kristu da ermons pas#Rom 16.20 ku amor ku fe; 24tambi pa fabur di Deus sta ku tudu kil ku ama no Siñor Jesus Kristu ku amor di bardadi.

Currently Selected:

Efésius 6: povB

Highlight

Copy