Popular Bible Verses from Efésius 6

Share

pabia no ka na geria kontra jinti, ma kontra garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial.

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Bo bisti tudu armadura ku Deus da bos, pa bo pudi fika firmi kontra armadilia di astusia di diabu

Asin bo bisti tudu armadura di Deus. Ora ku dia mau ciga, bo na pudi risisti. Dipus di geria te na fin, bo ta sta firmi inda.

Riba de kusas tudu, bo toma fe suma darga ku bo ta pudi paga ku el tudu fleŝa di fugu ku ki malvadu na ferca pa bos. Bo toma tambi salbason suma kapasiti, ku spada ku Spiritu ta da ku sedu palabra di Deus.

Asin, bo firma risu; bo tene bardadi suma sintu ku bo mara; bo vida retu i ta sedu bo armadura di pitu. Bo pruntia pa konta Bon Noba di pas — es i ta sedu bo sapatu.

Pa kabanta, bo fika mas forti na Siñor pabia di si forti puder.

“Rispita bu pape ku bu mame” i purmeru mandamentu ku tene purmesa juntadu ku el, ku fala asin: “pa tudu kuriu diritu; bu tene vida kumpridu na tera.”

Abos fijus, bo obdisi bo papes, pabia i bon pa bo fasi asin, suma ku bo sedu di Siñor.