Popular Bible Verses from Efésius 5

Share

Suma bo sedu fijus ku Deus ama, bo fasi forsa pa parsil. Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru. Bo purbita pa fasi tudu ku bo pudi, pabia no sta na mau tempu.

Ka bo cami biñu ku ta dana vida, ma bo inci ku Spiritu Santu. Bo fala ku ŋutru ku salmu, inu ku kantiga spiritual; bo kanta, bo fasi musika pa Siñor na bo korson. Bo fala Deus no Pape sempri obrigadu pa tudu, na nomi di no Siñor Jesus Kristu.

Pabia des, ka bo sedu tulu, ma bo buska ntindi ke ku Siñor misti pa bo fasi.

Abos omis, bo ama bo minjer suma ku Kristu ama igreẑa, i da si vida pa el

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

Bo suẑeta ŋutru suma ku bo rispita Kristu.

Abos minjeris, bo fika bas di bo omis, suma ku bo sta bas di Siñor

ma tambi N na falal pa bos. Kada un di bos dibi di ama si propi minjer suma si kabesa. Minjer dibi di rispita si omi.

Suma ku Skritura fala, pa omi disa si pape ku si mame, pa i junta ku si minjer; elis dus e ta sedu un kurpu son.

Ka bo toma parti na obras di sukuru ku ka ten purbitu, ma bo pui ki obras na lus.