Efésius 2

Di mortu pa vida

1Na tempu ku pasa bo spiritu staba mortu#Kap 4.18; Kol 2.13 pabia di bo pekadu ku maldadi. 2Na ki tempu bo na sigiba mau kamiñu di mundu; bo ta obdisiba ŝef ku ta manda#Kol 1.21; 1 Jon 5.19 riba di puderis spiritual di ar, spiritu ku na manda te gosi na jinti ku ta disobdisi Deus. 3Na bardadi anos tudu no staba suma elis tambi; no ta yandaba konformi no naturesa umanu; no ta fasiba kualker kusa ku bin na no sintidu, ku no kurpu misti. Anos tambi, na no naturesa, suma utru jinti, no staba bas di raiba di Deus.

4Ma Deus, ku ta ten pena di jinti dimas, pabia di garandi amor ki ten pa nos, 5i vivifikanu#Jon 5.24; Rom 6.4; Titu 3.4-5 juntu ku Kristu, oca no spiritu staba inda mortu pabia di no pekadu. I pabia di si fabur ku no sedu salbu. 6Na no union ku Kristu Jesus i lantandanu#Rom 6.5,8 di mortu, i sintandanu na mundu selestial juntu ku el. 7I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus. 8I pabia di si fabur#Rom 3.24 ku bo sedu salbu, na bo fe. Es i ka bin di bos; i kusa ku Deus pati. 9I ka rusultadu di bo propi sforsu, pa ka ningin#Rom 3.27-28 ten manera di njata. 10I Deus ku fasinu kil ku no sedu; i krianu#Kap 4.24; 2 Kor 5.5,17; Kol 1.10; 2 Tim 2.21 na union ku Kristu Jesus pa vida di bon tarbaju ki purpara pa no fasi.

Union na Kristu

11Bo lembra ke ku bo seduba na tempu ku pasa, abos ku padidu jintius, ku ta comadu “jinti insirkunsidadu” pa judeus ku ta coma se kabesa “sirkunsidadu”. (E na fala son di sirmonia ku omi ta fasi#Rom 2.28-29 na kurpu.) 12Na ki tempu bo staba separadu di Kristu; bo ka pertensiba#Rom 9.4; Kol 1.21 pobu di Israel; bo staba fora di kontratu ku purmesa ku Deus da si pobu. Bo staba na mundu sin speransa, tambi sin Deus, 13ma gosi, na union ku Kristu Jesus, abos ku staba lunju#At 2.39; Gal 3.28 bo tisidu pertu pabia di sangi ku Kristu darma. 14-15I el ki no#Mik 5.5; Jon 16.33; At 10.36; Kol 1.20-22 pas; i fasi judeu ku jintiu un pobu son. Ku si kurpu propi i kebra inimisadi ku staba suma un paredi pa separa elis. I kaba ku lei di judeus ku si mandamentu ku regra, pa i fasi di ki dus rasa un nobu pobu unidu ku el, de manera pa fasi elis pas, 16pa i pudi toma ki dus juntadu na un son, i pui pas entri elis ku Deus pabia di si mortu na krus ku pajiga se inimisadi.

17Asin Kristu bin, i konta Bon Noba di pas#Is 57.19; Zak 9.10 pa bos ku staba lunju, ku judeus ku staba pertu. 18I pabia di Kristu ku anos dus rasa no pudi yentra#Kap 3.12 na pursensa di no Pape ku ajuda di ki mesmu Spiritu.

19Asin bo ka sedu mas stranjerus na un tera strañu, ma bo sedu ja di un tera juntu#Fil 3.20 ku pobu di Deus; bo pertensi familia di Deus. 20Bo kumpudu riba di alisersu#Sal 118.22; Is 28.16; Mat 16.18; 1 Kor 3.10-11; 12.28; 1 Ped 2.4-7 di apostolus ku anunsiaduris. Kristu Jesus, el propi ki purmeru pedra di kantu. 21I el ku ta liga tudu ki kasa pa i kirsi pa i sedu templu santu pa Siñor. 22Na union ku el, abos tambi, juntu ku utrus, bo na ba ta kumpudu pa lugar nunde ku Deus ta mora#1 Kor 3.17; 2 Kor 6.16 na si Spiritu.

Currently Selected:

Efésius 2: povB

Highlight

Copy