Efésius 3

Tarbaju di Paulu pa jintius

1Pabia di kila, ami Paulu, katibu#Kap 4.1; 6.20; At 28.20; Fil 1.7,13-14; Kol 4.3,18; 2 Tim 1.8; 2.9-10; Filem 9 di Kristu Jesus pabia di bos jintius, N ora Deus. 2Sertamenti bo obi kuma Deus, na si grasa, dan e tarbaju#At 9.15 pa N fasi pa ben di bos. 3Deus mostran#Rom 16.25; Gal 1.12 si planu sukundidu pa N pudi kunsil. N skirbiba ja puku palabra aserka del. 4Si bo lei, bo na rapara kuma N ntindi#Kap 6.19; 1 Kor 4.1 sigridu di Kristu. 5Na tempu ku pasa, e sigridu ka diskubridu pa jinti, ma gosi Deus usa si Spiritu pa diskubril pa si santu apostolus ku anunsiaduris. 6Ki sigridu i kuma, pabia di Bon Noba, jintius#Kap 2.12-16; Gal 3.28-29 ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

7N fasidu servu pa konta#At 9.15; Rom 15.15-16 e Bon Noba. N ka mersiba e fabur, ma i Deus ku dan el, suma ku si puder na tarbaja na mi. 8Ami ki menus#1 Kor 15.9-10; 1 Tim 1.15 di tudu pobu di Deus, ma Deus dan e fabur di konta jintius Bon Noba di garandi rikesa#Kol 1.27 di Kristu ku no ka pudi ntindi, 9tambi pa mostra tudu jinti kuma ku e planu sukundidu di Deus na pudu na pratika. Deus, ku kumpu#Jon 1.3; Rom 16.25; 1 Kor 2.7; Kol 1.16,26 tudu kusa, i sukundi e sigridu tudu tempu ku pasa, 10pa ŝefis ku otridadis#Rom 8.38 na mundu selestial, ora ke jubi pa igreẑa, e pudi rapara jiresa di Deus ku ten manga di forma. 11Es i sedu konformi si planu#Kap 1.9 iternu ki bin fasi pa meiu di Kristu Jesus no Siñor. 12Na no union ku Kristu, ku no fe nel, no osa yentra#Kap 2.18; Eb 4.16 ku fiansa dianti di Deus. 13E ku manda N na pidi bos pa ka bo pirdi koraẑen na ña sufrimentu#At 14.22; Fil 1.14; Kol 1.24; 1 Tes 3.3 pa bos, pabia el ku ta tisi bos gloria.

Amor di Kristu

14I pabia di kila ku N ta finka juju dianti di no Pape, 15kil ku tudu familia na seu ku tera ta toma si nomi. 16N pidil pa i tira di rikesa#Rom 9.23 di si gloria pa da bos forsa ku puder dentru di bos, pa meiu di si Spiritu, 17pa Kristu mora#Jon 14.23 na bo korson pabia di bo fe, pa bo pudi tene rais ku alisersu fundu na amor, 18pa abos ku tudu pobu di Deus pudi ntindi diritu kal ki largura,#Jo 11.7-9; Sal 103.11-12,17; Is 55.9; Jon 3.16; 15.13 kumprimentu, altura ku fundura di amor di Kristu. 19N misti pa bo kunsi si amor, kontudu i mas no ntindimentu, pa bo inci kun#Jon 1.16; Kol 2.9-10 ku tudu ku Deus sedu.

20Gloria pa kil#Rom 16.25; 1 Kor 2.9; Jud 24-25 ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos; 21el pa i dadu gloria#Rom 11.36; Fil 4.20; 1 Tim 6.16; 1 Ped 4.11 na igreẑa na Kristu Jesus, di un jorson pa utru, pa tudu sempri! Amen.

Currently Selected:

Efésius 3: povB

Highlight

Copy