Popular Bible Verses from Efésius 2

Share

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

I pabia di si fabur ku bo sedu salbu, na bo fe. Es i ka bin di bos; i kusa ku Deus pati. I ka rusultadu di bo propi sforsu, pa ka ningin ten manera di njata.

Ma Deus, ku ta ten pena di jinti dimas, pabia di garandi amor ki ten pa nos, i vivifikanu juntu ku Kristu, oca no spiritu staba inda mortu pabia di no pekadu. I pabia di si fabur ku no sedu salbu.

Na no union ku Kristu Jesus i lantandanu di mortu, i sintandanu na mundu selestial juntu ku el.

Asin bo ka sedu mas stranjerus na un tera strañu, ma bo sedu ja di un tera juntu ku pobu di Deus; bo pertensi familia di Deus. Bo kumpudu riba di alisersu di apostolus ku anunsiaduris. Kristu Jesus, el propi ki purmeru pedra di kantu.