Efésius 1

Kumsada ku manteña

1Ami Paulu, apostolu di Kristu Jesus pa vontadi di Deus, N na skirbi pa pobu di Deus ku sta na Éfesu, ku sedu fiel na se union ku Kristu Jesus. 2N misti pa Deus no Pape#Rom 1.5 ku Siñor Jesus Kristu da bos fabur ku pas.

Benson ku no ten na Jesus Kristu

3No ngaba#2 Kor 1.3 Deus, Pape di no Siñor Jesus Kristu, kil ku bensuanu, i danu tudu bon kusa spiritual na mundu selestial, na no union ku Kristu. 4Mesmu antis di mundu kumpudu, Deus kujinuba#Rom 8.28; 2 Tes 2.13; 2 Tim 1.9 ja na Jesus pa no sedu si pobu, sin kulpa#Luk 1.75; Jud 24 si dianti, incidu di amor. 5I distinanu pa no sedu si fijus#Jon 1.12; Rom 8.15,29; 2 Kor 6.18 pa meiu di Jesus Kristu. Es i sedu si vontadi, i si alegria. 6No ngaba Deus pa si oferta gloriosu ki danu di grasa na si Fiju#Mat 3.17; Jon 3.35 amadu. 7Pabia di si sangi#At 20.28; Rom 3.24; Eb 9.14 no libertadu, no pekadu purdadu, konformi rikesa di fabur di Deus 8ki darma riba di nos sin midida na si jiresa ku ntindimentu.

9I markaba ja, ku kontentamentu, fasinu kunsi si planu sukundidu#Rom 16.25; Kol 1.26-27 ki mistiba fasi pa meiu di Kristu. 10E planu, ku Deus na kompleta ora ku tempu ciga, i pa junta tudu ki kumpu, na seu suma na tera, pa fasi un son, ku Kristu suma kabesa.

11Deus ta fasi tudu kusa konformi i marka#Is 46.10; Rom 8.17; Kol 1.12 na si vontadi. I kujinu pa no sedu si pobu na union ku Kristu, konformi planu ki tarda fasi, 12pa si gloria pudi ngabadu pabia di nos ku sedu purmeru#Tia 1.18 ku pui no speransa na Kristu.

13Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka#2 Kor 1.22 bos ku Spiritu Santu ki falaba i na da. 14I Spiritu ku ta garantinu#2 Kor 5.5 ku no na risibi kil ku Deus fala i na da si fijus. Es ta mostra kuma i na da liberdadi#Luk 21.28; Rom 8.23 kompletu pa kilis ki di sil, pa si gloria pudi ngabadu.

Orason di Paulu

15Pa e roson, desdi ku N obi di bo fe na Siñor Jesus, ku amor#Kol 1.4; Filem 5 ku bo ten pa tudu pobu di Deus, 16ora ku N na lembra di bos#Rom 1.8-10 na ña orason, N ka ta para fala Deus obrigadu pa bos; 17N pidi Deus di no Siñor Jesus Kristu, Pape gloriosu, pa i da bos si Spiritu ku na fasi bos pa bo#Kol 1.9 jiru, ku na mostra bos Deus, pa bo pudi kunsil. 18N pidi pa i yabri bo ntindimentu pa bo oja si#At 26.18 lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu; 19pa bo rapara forsa di garandesa di si puder#Kap 3.7; Kol 1.29 ku sta pa nos ku fia nel. E forsa ku na tarbaja na nos i ki mesmu garandi puder 20ku Deus usa pa lantanda#At 2.24,33 Kristu di mortu, pa sintandal na si mon direita na mundu selestial, 21riba di tudu gubernu, otridadi, forsa ku puder ku na manda, ku kualker nomi garandi ku ta comadu, ne mundu li suma na kil ku na bin. 22Deus pui tudu kusa bas#Mat 28.18 di pe di Kristu, i pui Kristu pa i sedu kabesa di igreẑa, pa i sta riba di tudu kusa. 23Igreẑa i kurpu#Rom 12.4-5 di Kristu; i inci ku tudu ku Kristu#Jon 1.14,16 sedu. Kristu, el mesmu, i inci ku tudu ku Deus sedu.

Currently Selected:

Efésius 1: povB

Highlight

Copy