Kol INTRODIKSION
INTRODIKSION
Sa let la ti ekrir pou legliz dan Kolos, enn lavil dan Lazi Miner. Pa Pol ki ti komans sa legliz la, me li ti tom dan rezion kot Pol ti santi li responsab parski li ti avoy bann misioner depi Efez, ki ti kapital Lazi, enn provins Romin. Loter sa let la ti aprann ki ena bann dimoun dan legliz Kolos ki ti pe donn enn fos lansegnman. Zot ti pe dir ki pou enn dimoun konn Bondie ek liberasion konplet li bizin ador sertin “sef ek lotorite spiritiel.” Anplis sa bann dimoun la ti pe dir ki bizin fer bann rit spesial kouma sirkonsizion ek bizin obzerv bann lalwa strik lor manze ek bann lezot kitsoz ankor.
Pol opoz sa lansegnman la par vre mesaz Kretien. Li dir ki liberasion konplet li dan Zezi Kris, e ki sa bann lezot krwayans ek pratik la detourn bann dimoun depi Zezi. Atraver Lekris, Bondie ti kre lemonn ek atraver li, Bondie pe ramenn lemonn ver li. Zis dan kominion avek Zezi Kris ki ena lesperans pou liberasion lemonn. Apre loter la explik inplikasion sa gran lansegnman la pou lavi bann krwayan.
Bizin note ki Tisik ki ti delivre sa let la dan Kolos, ti akonpagne par Onezim, ki enn esklav. Pol ti ekrir enn let ki li ti avoy Filemon lor sa esklav la.
Plan let la
Introdiksion 1:1-8
Natir ek travay ki Zezi Kris ti akonpli 1:9-2:19
Nouvo lavi dan Lekris 2:20-4:6
Konklizion 4:7-18
Currently Selected:
Kol INTRODIKSION: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.