PALABURU 38
38
I Yahuda pai Tamari
38:1-30
1Bara ri tempo setumo nampalaika i Yahuda waĘĽa ngkasangkomponya, njoĘĽu maroo-roo sangkani-ngkani pai Hira, sambaĘĽa tuama anu ungka ri Adulami. 2Njairia i Yahuda mombeincani pai sambaĘĽa anaweĘĽa nto KanaĘĽa, ana i Sua, rantani morongo tau seĘĽe. 3Ana ntau seĘĽe anu kaĘĽisa tuama, napapotoĘĽo mpapanya i Eri. 4Ananya anu karadua, tuama seĘĽe, napapotoĘĽoka i Onani. 5Ana anu katatogo tuama seĘĽe napapotoĘĽoka i Sela. Tempo mampoana i Sela, i Yahuda ntongo njaupa ri Kesiba.
6I Yahuda mampaporongo ananya uyue i Eri pai i Tamari. 7I Eri majaʼa kojo poʼengkonya, painaka marau raya i mPue ndapepate siʼa. 8Inceʼe painaka natoʼo i Yahuda ri Onani tuaʼi i Eri, “Njoʼu porongo bemba ntukakamu. Wianakamo ada ri siʼa, maka siko tuaʼi langkainya; da naka reʼe muli ntukakamu.” 9Paikanya ua naincani i Onani waʼa ananya banya siʼa tumpunya. Inceʼe painaka sangkani-sangkani siʼa mamperouka bemba ntukakanya, napapaliuka ue ngkoronya tetaji ri sambalikunya da naka bereʼe muli ntukakanya. 10Powianya setu mampakarau raya mPue, painaka ndapepate woʼu i mPue siʼa. 11Ungkalairia natoʼo i Yahuda ri manianya i Tamari setu, “Moruana pewalilimo ri banua ntau tuʼamu pai karoo-roomo njairia ewa sambaʼa bemba, malantu naka bangke anaku i Sela.” Pompaunya ewanceʼe maka maeka rayanya boi ndapepate woʼu i mPue i Sela, ewa tukakanya anu radua. Mewalilimo i Tamari ri banua ntau tuʼanya.
12Bara sangkuja ntempo ungka njairia mate rongo i Yahuda. Butu pusamo tempo mpongkabalusi, nasale i Yahuda i Hira balenya anu ungka ri Adulami setu, njoĘĽu ri Timina, ri kareĘĽe mpagunci wuyu bimbanya. 13Nadonge i Tamari bambari da kamaĘĽi manianya ri Timina da mangagunci wuyu waĘĽa bimbanya. 14InceĘĽe painaka napepasaboka baju ngkabembanya, napakeka rengko anu ntaninya. Nasilu lionya, nepa motunda-tunda siĘĽa ri baa-baa ngkota Enai, anu njau ri jaya da ngkanjoĘĽu ri Timina. Maka naincani kojo i Tamari i Sela ana i Yahuda anu kasupua bangkemo, paikanya bareĘĽe ndapaporongo siĘĽa pai ngalitau setu.
15Butu nakita i Yahuda i Tamari, nasarumaka siʼa sambaʼa weʼa wongo, maka nasilu lionya. 16Inceʼe painaka natimosuki i Yahuda ri wiwi njaya setu natoʼo, “Sangkuja anu nuperapi?” Bareʼe naincani weʼa setu manianya.
Mesono i Tamari natoʼo, “Jamo komi sira.”
17Natoʼo woʼu i Yahuda, “Dakuwaika siko sambaʼa mbula anu mangurapa.”
Mesono i Tamari natoʼo, “Madago, podoia da reʼe gadenya, rantani ndipakatu kaku mbula setu.”
18Peoasi i Yahuda natoʼo, “Nunjaa anu da kugade?”
Mesono i Tamari natoʼo, “Ndiwaika yaku sincimi, gonggami pai toko anu ndikeni setu.” Nawai i Yahuda waʼa anu naperapi setu ri siʼa, nepanaperouka weʼa setu, painaka maneemo koro i Tamari. 19Mewalili i Tamari ri banuanya nayali silu lionya, nepa napake muni rengko ngkabembanya.
20Bara sangkuja tempo ungka njairia napokau i Yahuda balenya i Hira, da njoʼu mawawa mbula setu pai da mamperapi muni waʼa mparewa anu ndagade, paikanya bareʼemo narata i Hira weʼa setu. 21Napeoasi ri waʼa ntau ri Enai, “Mbeʼimo weʼa wongo anu biasa mopea-pea ri wiwi njaya seʼi?”
Mesono tau seʼe natoʼo, “Bareʼepa reʼe weʼa wongo ireʼi?”
22Mewalili i Hira ri Yahuda natoʼo, “Bareʼe kurata weʼa setu. Malulu pantoʼo ntau njairia bareʼepa reʼe weʼa wongo njairia.”
23Natoʼo i Yahuda, “Mbolimo waʼa aga-aga setu galanya, podoia neʼe maea yaku. Kupari-parimo da mangabayari siʼa, paikanya bareʼe nurata siʼa.
24Tempo-temponya tatogo mbuya ungka njairia, i Yahuda marata bambari anu mantoĘĽo manianya i Tamari moĘĽengko ewa weĘĽa wongo pai maneemo koronya.
Inceʼe painaka nasongka i Yahuda tau natoʼo, “Njoʼu nditima siʼa pai ndapanowa rantani mate!”
25Ri pangkeni i Tamari ri sambalikunya, mepatuu siʼa ri papanya manianya, natoʼo, “Yaku natianasimo ntau anu mampotumpu waʼa aga-aga seʼi. Ndiparesamo bara isema tumpu sinci, gongga pai toko seʼi.”
26I Yahuda naincani kojo waʼa aga-aga setu painaka natoʼo, “Weʼa setu bereʼe salanya. Yaku anu bareʼe bangani janjiku ri siʼa; kamonconya yaku da mampaporongo siʼa pai anaku i Sela.” Bareʼemo reʼe perou i Yahuda pai i Tamari.
27Butu ratamo temponya dapoana i Tamari, tongawa ananggodi anu da napoana setu morapi. 28Sindara da mpoananya, sambaʼa ananggodi setu mampapesuwu palenya, nakekeni bidani palenya nepa nasoʼoka gapasi mawaa. Natoʼo, “Ananggodi seʼi ndapoana riunya.” 29Paikanya nanoʼosaka muni ongaa setu palenya, pai ongaa anu sambaʼa woʼu ndapoana riunya. Ungka lairia natoʼo bidani setu, “Mewali ewanceʼe engkomu mampari-mpari mesuwu!” Inceʼe painaka ongaa anu mesuwu riunya setu napapotoʼoka i Peresi. 30Roo setu nepa mesuwu tuaʼinya anu lau ndasoʼoka gapasi mawaa palenya. Siʼa ndapapotoʼoka i Sera.
Currently Selected:
PALABURU 38: LAIPMF
Highlight
Share
Copy
Want to have your highlights saved across all your devices? Sign up or sign in
