PALABURU 30
30
1Paikanya i Raheli bareʼepa marata ana. Inceʼe painaka tumopo siʼa ri tukakanya, nepa natoʼoka i Yako, “Da nuwaika yaku ana, ane bareʼe, da mate yaku.”
2Majaʼa raya i Yako ri Raheli pai napantoʼo, “Yaku seʼi banya Pue Ala. Sira anu bareʼe mawai siko da moana.”
3Nepa natoʼo i Raheli, “Seʼi anamayunuku i Biliha; kayoremo pai siʼa da naka moana. Ane ewanceʼe mampoliu siʼa da reʼe yau anaku. 4Inceʼe painaka napepombaika i Biliha ri langkainya, painaka yore i Yako sangkani-ngkani pai anamayunu setu. 5Maneemo koro i Biliha nepa napoana sambaʼa ana tuama. 6Natoʼo i Raheli, “Ndapokapurumo i mPue yaku. Pai ndapedongekamo perapiku ndawaikamo yaku sambaʼa ana tuama.” Nepa napapotoʼo ananya setu i Daa. 7Manee woʼu koro i Biliha, napoana woʼu sambaʼa ana tuama. 8Natoʼo i Raheli, “Kupari-pari kojo mantadai tukakaku, pai menangi yaku,” inceʼe painaka napapotoʼoka ananya setu i Natali. 9Ua naepe i Lea siʼa bareʼemo da moana, inceʼe painaka nawaika i Yako anamayununya i Silipa da naporongo. 10Napoana i Silipa sambaʼa ana tuama. 11Natoʼo i Lea, “Morasi yaku,” nepa napapotoʼo ananggodi setu i Gati. 12Napoana woʼu i Silipa sambaʼa ana tuama, 13nepa natoʼo i Lea, “Ara maʼaisa kawongko ndayaku! Seʼi-seʼi pura-pura waʼa mbeʼa da mantoʼo yaku yanto kalindo ndayaku.” Inceʼe painaka napapotoʼo ananya setu i Asere.
14Ri tempo pampota gandu, malaimo i Rube ri tongo mpada, narata njairia sangaya pinamuya anu ndapopakuli, nepa ndakenika inenya i Lea. Natoʼo i Raheli ri Lea, “Wai kaku woʼu sakodi pakuli anu narata anamu setu.”
15Mesono i Lea natoʼo, “Ara bareʼepa gana nuparampa langkaiku? Seʼi da nupebutuka woʼu mantima pinamuya pakuli anu narata anaku.”
Natoʼo i Raheli, “Ane nupokono mawai pinamuya pakuli anamu setu ri yaku, siko maya yore pai i Yako sambengi seʼi.”
16Butu mewalili i Yako ungka ri pada ngkinowia setu, natomu i Lea siʼa natoʼo, “Kayoremo pai yaku sambengi seʼi, maka roomo kubayari inceʼe pai pinamuya pakuli ungka ri anaku.” Mewali yoremo i Yako pai ri wengi setu.
17Ndapedongeka i mPue pekakai i Lea, painaka manee koro siʼa moana siʼa napoana ananya anu kaʼalima. 18Natoʼo i Lea, “I Pue Ala mangawaika yaku saroku maka yaku mempepombaika i Silipa ri langkaiku,” inceʼe painaka napapotoʼo ananya setu Isakari. 19Manee koro woʼu i Lea, napoana ananya anu kaʼaono. 20Natoʼo, “I Pue Ala mawaika yaku pombai anu meawa kojo. Seʼi-seʼi da natubunakamo langkaiku yaku maka kupoanamo aono ana tuama,” inceʼe painaka napapotoʼo ananya setu i Sebulo. 21Roo setu napoana woʼu i Lea sambaʼa ananya anu weʼa anu napapotoʼoka i Dina.
22Ndaendomo i mPue Ala i Raheli; Ndabanganimo i mPue Ala pekakainya ndawaimo siʼa da moana. 23Inceʼe painaka manee koro siʼa napoana sambaʼa ana. Natoʼo i Raheli, “Pue Ala mampakapayamo kateposariku. 24Tuarapa i Pue mawai woʼu sambaʼa ri yaku ana tuama.” Inceʼe painaka napapotoʼoka ananya setu i Yusupu.
Posireke i Yako pai i Laba
30:25-43
25Karoonya napoana i Raheli i Yusupu, natoʼo i Yako ri Laba, “Ndiwaimo yaku da mewalili ri tanaku. 26Ndipapaliumo yaku da malai mangkeni rongoku radua pai waʼa anaku. Tau seʼe kurata ua potetalaku ri komi tama. Ndiincani Tama kayakunya motetala gori-gori mpangkotoku.”
27Natoʼo i Laba ri siʼa, “Pedongeka riunya: Yaku mangarata pekita ndaya, padonco i mPue yaku, ua kareʼinya siko. 28Mewali toʼomo sangkuja anu nuperapi.”
29Mesono i Yako natoʼo, “Komi ngkaliomi maincani Tama ewambeʼi kanee mpotetalaku, pinatuwumi Tama terangani kasondonya ua kupamporewu. 30Ri kabareʼepanya rata yaku, aga-agami bareʼe sangkuja ngkasondonya, paikanya seʼi-seʼi komi koreʼemo Tama. I Pue mangadoncomo komi Tama ua kayakunya. Mewali seʼi-seʼi ratamo temponya yaku da motetala tila ncomboriku ngkalioku.”
31Natoʼo i Laba, “Mewali nunjaa anu sangaya-ngaya da kuwaika siko?”
Mesono i Yako natoʼo, “Mau bereʼe bara nunjaa-njaa anu ndiwaika yaku. Yaku da mangangkambi pinatuwumi Tama, podoia da ndipoʼioka anu da kuperapi seʼi: 32Ndiwaimo yaku da melinja ri oyo waʼa mbula pai bimbami Tama, nepa da kutima ana bimba anu maeta; ewanceʼe mbula mangurapa anu loba bara bukito, podo inceʼe saroku anu kupodaraya. 33Mewali, ri purinya saru-saru da ndipaincani Tama bara mayoa powiaku. Ane rata komi Tama mamparesa saroku seʼe, pai ndikita reʼe mbula anu bareʼe bukito bara loba, bara bimba anu bareʼe maeta, da ndiincanimo pinatuwu setu anu kupelima.”
34Mesono i Laba natoʼo, “Ane ewanceʼe sintuwu yaku! Maʼimo tapawianaka nunjaa anu nuperapi setu!” 35Paikanya ri eo setu i Laba mampatanimo pura-pura mbula laki anu bukito bara loba pai pura-pura mbula tina anu loba bara anu bukito, bara anu reʼe yau tandanya mabuya; ewanceʼe seʼe pura-pura bimba anu maeta. Roo setu nepa napokau waʼa ananya mangkeni waʼa mpinatuwu setu, 36malaimo tau seʼe sangkani pai waʼa mpinatuwu setu mantilawangi i Yako, tatogo ndeme melinja kalawanya.
Jamo yabi mbula pai bimba i Laba setu anu nakambi i Yako.
37Ungkalairia natima i Yako waĘĽa raĘĽa ngkaju anu maeta pelanya, nepa nalepa pela saĘĽe painaka lobamo ndakita. 38Nadika waĘĽa raĘĽa ngkaju anu loba-lobamo setu ri raya dula padika ue anu da nainu mpinatuwu setu, maka waĘĽa mpinatuwu setu da morongo ri kabareĘĽepanya manginu ue. 39Mewali ane morongo waĘĽa mbula setu sindara pangkita-ngkitanya waĘĽa raĘĽa ngkaju setu, ananya loba bara bukito.
40Ungkalairia natima i Yako waĘĽa bimba napaposuara ri waĘĽa mbula anu loba pai maeta. EwanceĘĽemo napampowia painaka mariamo pinatuwunya anu tepatani ungka ri pinatuwu i Laba.
41Ane nakita waĘĽa mpinatuwu anu maroso ntongo morongo. Nadika i Yako waĘĽa raĘĽa ngkaju anu loba setu ri suaranya, ri raya dula mpanginunya. 42Paikanya waĘĽa raĘĽa ngkaju anu loba setu bareĘĽe nadika ri suara waĘĽa mpinatuwu anu malente. Mewali pura-pura pinatuwu anu mabuya setu paka malente, pai inceĘĽemo anu mewali tila i Laba, paikanya pura-pura pinatuwu anu maeta, loba pai bukito inceĘĽe maroso, pai incetumo tila i Yako. 43EwanceĘĽemo painaka i Yako maĘĽaimo kakoreĘĽenya. Mariamo pinatuwu dompu mbula pai bimba, unta, kalide pai waĘĽa anamayunu.
Currently Selected:
PALABURU 30: LAIPMF
Highlight
Share
Copy
Want to have your highlights saved across all your devices? Sign up or sign in
