PALABURU 28
28
1Ungka lairia napeboo i Saki ananya i Yako, nepa nadonco siʼa natoʼoka, “Neʼe kojo boi nuporongo anaweʼa nto Kanaʼa. 2Palaimo njoʼu ri Mesopotamia, ri sombori ngkaimu i Betueli, pai porongomo sambaʼa ana ntamamu i Laba. 3Mbolimo i Pue Ala Anu Makuasa da mangadonco porongomu da mangawaika siko ana pai makumpu anu sondo, da naka siko mewali ngkai waʼa banca! 4#Pal. 17:4-8 Mbolimo i Pue da mangadonco siko pai waʼa mulimu ewa ndapangadoncomo i Burahima, pai tuarapa siko da mampotumpu tana anu kupeari seʼi, anu roomo ndawai i mPue Ala ri Burahima!” 5Ewanceʼemo i Saki mampapoiwo i Yako njoʼu i Mesopotamia ri tamanya i Laba ana i Betueli to Arami setu. I Laba inceʼe tukaka i Ribeka ine i Yako pai Esau.
Porongo woĘĽu i Esau
28:6-9
6Nadonge i Esau karoonya nadonco i Saki i Yako pai mampapalai siĘĽa njoĘĽu ri Mesopotamia da mampepali weĘĽa anu da naporongo njairia. Pai ri tempo mpadonco i Saki i Yako, bareĘĽe nawai i Yako da mamporongo anaweĘĽa nto KanaĘĽa. 7Pai naincani kojo i Esau, i Yako setu medonge ri pau mpapa pai inenya, painaka malaimo siĘĽa njoĘĽu ri Mesopotamia. 8Narata ndayamo i Esau, kabareĘĽenya napokono mpapanya i Saki waĘĽa mbeĘĽa to KanaĘĽa, 9inceĘĽe painaka malai i Esau njoĘĽu madadu i Sumaila ana i Burahima, naporongo ana i Sumaila anu mampotoĘĽo i Mahala, tuaĘĽi i Nebayo.
Pangipi i Yako ri Beteli
28:10-22
10Malaimo i Yako ungka ri Beriseba da njoʼu ri Hara. 11Soyomo reme ratamo siʼa ri sambaka kareʼe mpeʼonto, sambengimo siʼa nyairia. Ri poturunya da yore; napotambanguni watu saogu. 12#Yoh. 1:51 Ri kayorenya seʼe mangipimo siʼa, nakita ri raya mpangipinya seʼe reʼe sangkaju eja anu mompatunda puʼunya ri lino pai wuntunya sawi ri yangi, pai nakita woʼu waʼa malaeka pone panaʼu ri eja setu. 13#Pal. 13:14-15 Ri sorinya njau i Pue mekakore, pai mompau Sira ndatoʼo, “Yaku Pue, Pue Ala anu napanyomba i Burahima pai i Saki. Yaku da mangawaika siko pai waʼa mulimu tana kareʼe mpoturumu seʼi. 14#Pal. 12:3, 22:18 Mulimu da ewa kasondo awu ri lino. Tau seʼe da marangani kabangke ntana ntau seʼe sape-sape, pai mampoliu siko pai waʼa mulimu, yaku da mangadonco pura-pura banca ri wawo lino. 15Neʼe nukalingani yaku da mampelae pai da mangkariani siko ri mbeʼi-mbeʼi ntano palaimu, pai yaku da mangangkeni mpewalili muni siko ri tana seʼi. Yaku bareʼe da mampalaika siko rantani kubangani pura-pura anu roo kujanji ri siko.”
16Nepa membangu i Yako ungka ri kayorenya natoʼo, “I Pue reʼe ireʼi, ri tampa seʼi, paikanya nepa seʼi kupangaincani!” 17Meratamo eka ndayanya, nepa natoʼo, “Manoto tampa seʼi mampakaeka raya! Manoto inceʼi banua mPue Ala, baa-baa ncuruga.”
18Bangke reme mowuro-wuro, membangu i Yako, nepa natima watu anu napotambanguni yore setu, napomuya mewali sambaʼa petondoni. Nabubu lana saitu ri wawo mbatu setu posokinya ndapatani tila i mPue Ala. 19Napapotoʼoka tampa setu Beteli. (i owi toʼonya Lusi). 20Nepa montandokoro i Yako natoʼo, “Ane ndapelae pai ndakariani i mPue yaku ri raya mpelinjaku seʼi pai mangawaika yaku pangkoni pai rengko 21rantani mewalili yaku madago-dago ri banua mpapaku, i Pue anu da mewali Pue Ala pueku. 22Pai yaku da mampanyombaka ri Pue sampotila sampuyu ungka ri waʼa mpandata anu ndawai i mPue ri yaku. Watu anu kupomuya seʼi da mewali kareʼe mpanyomba ri Pue.”
Currently Selected:
PALABURU 28: LAIPMF
Highlight
Share
Copy
Want to have your highlights saved across all your devices? Sign up or sign in
