PALABURU 25
25
Muli i Burahima ungka ri rongonya anu ntaninya
25:1-6
1Morongo woĘĽu i Burahima pai weĘĽa sambaĘĽa i Ketura toĘĽonya. 2Rongonya seĘĽe mampoana waĘĽa ananya, toĘĽonya: Simirani, i Yokusani, i Medani, i Midiani, i Sibaki pai i Sua. 3I Yakusani mampoana i Seba pai Deda inceĘĽemo to Asuri, to Letusi pai to Leumi. 4WaĘĽa ana i Midiani inceĘĽemo i Epa, i Eperi, i Heno, i Abida pai i Elidaa. Tau seĘĽe pura-puranya muli i ngKetura.
5Lawi pura-pura aga-aga i Burahima napantaika ananya i Saki, 6paikanya ntongo tuwupa siĘĽa mariamo aga-aga anu nawaika waĘĽa ananya ungka ri waĘĽa rongonya anu ntaninya. Ungka lairia napokau waĘĽa ananya setu melimba ri tondo pebetea ntana KanaĘĽa, da naka lawa ri Isaki ananya.
Kapate pai pangadayo i Burahima
25:7-11
7-8Matuʼamo kojo tinuwu i Burahima nepa mate siʼa, 175 ntaʼu tinuwunya. 9Siʼa nadayo waʼa ananya, inceʼemo, i Saki pai i Sumaila, ri Wayau Mapela anu njau ri raya bonde ri tondo pebetea Mamire. I owi bonde setu napotumpu i Eperoni ana i Soari to Heti, 10#Pal. 23:3-16 paikanya roomo naoli i Burahima ungka to Heti setu. I Sara rongo i Burahima seʼe ndadayo njairia. 11Butu matemo i Burahima, i Pue Ala madonco katuwu i Saki, ana i Burahima. Ri tempo setu i Saki maroo-roo mosu ri tibubu anu ndapapotoʼo, “Sira Anu Mampetiro Yaku.”
Muli i Sumaila
25:12-18
12I Sumaila inceĘĽemo ana i Burahima pai Hagari, anamayunu i Sara setu. 13-16I Sumaila mampotumpu ana sampuyu pai radua, ndapapodede toĘĽonya malulu posuncu pampoana: i Nebayo, i Kedari, i Adibeeli, i Mipisami, i Misima, i Duma, i Masa, i Hadade, i Tema, i Yeturi, i Napiri pai i Kedina. WaĘĽa ananya setumo anu mewali ngkai ntau anu sampuyu pai radua lemba, pai waĘĽa lipu kareĘĽe mpokema ntau seĘĽe ndapapotoĘĽo malulu toĘĽo ntau seĘĽe sambaĘĽa pai sambaĘĽa. 17I Sumaila tinuwu 137 ntaĘĽu nepa mate. 18WaĘĽa mulinya anu mampeari daera anu ri paraoyo ntana Hawila pai Suri ri tondo pebetea ntana Masiri simpontu Asuri. Tau seĘĽe tuwu tepatani pai waĘĽa muli i Burahima anu ntaninya.
Pampoana i Esau pai Yako
25:19-26
19Ewasei tuntuka i Saki ana i Burahima. 20I Saki tinuwu opo mpuyu ntaʼu porongonya pai i Ribeka, tuaʼi i Laba, ana i Betueli, siʼa sambaʼa to Arami ungka ri Mesopotamia. 21Ua bareʼe moana, inceʼe painaka napekakaika i Saki rongonya ri Pue. Ndabangani i mPue pekakai i Saki painaka mongkenimo i Ribeka. 22Siʼa mongkeni ana anu morapi, pai ri kabareʼepanya napoana ananya setu, naepe waʼa ananya setu mombeluku ri raya ngkomponya. Natoʼo i Ribeka, “Ara wenu painaka ewanceʼi kuepe?” Inceʼe painaka naperapi totoraka ungka ri Pue.
23 #
Rom. 9:12
NdatoĘĽo i mPue ri siĘĽa.
“Reʼe radua banca anu lau ri raya ngkompomu;
siko da mampoana radua banca anu da moĘĽiwali;
anu tuaĘĽi inceĘĽe anu meruu karosonya pai tukakanya
anu tukaka da mamporiokoi anu tuaʼi.”
24Ratamo temponya da poana i Ribeka, napoanamo kojo radua ana tuama morapi. 25Anu tukaka mawaa-waa, pai mawuyu koronya ewa juba anu mawuyu. InceĘĽe painaka siĘĽa ndapapotoĘĽo i Esau. 26Ri tempo pampoana anu karadua, palenya mangkarapu todu i Esau. InceĘĽe painaka siĘĽa ndapapotoĘĽoka i Yako. Isaki tinuwu onompuyu ntaĘĽu tempo pampoana tau seĘĽe.
I Esau mampobalu katukakanya
25:27-34
27Kako bangke-bangkemo ananggodi radua setu. I Esau mewali topangela anu makaliki pai napokono maroo-roo ri tongo mpada, paikanya i Yako siĘĽa manondo napokono maroo-roo ri banua. 28I Saki meruu napampomawo i Esau, maka i Saki napokono kojo mangkoni sanga mbayawo anu naleĘĽo i Esau. Paikanya i Ribeka meruu napampomawo i Yako.
29Ri anu sandeme sindara i Yako ntongo maluwa tebesi mawaa, jelamo i Esau ungka ri pangelanya. Siʼa maoromo. 30Natoʼoka i Yako, “Maʼai kojo kaoroku seʼi. Wai kaku sakodi tebesi mawaamu setu.” (Inceʼe puʼunya painaka siʼa ndatoʼo i Edomi.)
31Masono i Yako natoʼo, “Madgo, paikanya da nuwaika yaku riunya katukakamu.”
32Natoʼo i Esau. “Io da kupokujaka katukaka setu. Maʼai gagamo kaoroku seʼi!”
33 #
Ib. 12:16
Natoʼo woʼu i Yako, “Pontandokoromo riunya kamonconya nupawaika katukaka setu ri yaku.”
InceĘĽe painaka montandokoromo i Esau mawai katukakanya ri Yako. 34Roo setu nepa nawai i Yako ri Esau roti pai sagaĘĽa tebesi mawaa setu. Mangkoni pai manginu i Esau nepa malai siĘĽa. EwanceĘĽemo i Esau mampesaru-saru katukakanya.
Currently Selected:
PALABURU 25: LAIPMF
Highlight
Share
Copy
Want to have your highlights saved across all your devices? Sign up or sign in
