Mataio 28
28
20. PAKANA MA 8.
1Ma ba i rap a bug tabu, ma i keke kabin pat u ra mukana bug u ra wik, diara Maria taka Makdala, ma Maria kai diara wan pat lena diara bobo a ruma na minat. 2Ma boboi, a kuria i lig; kuma ra agelo a nu ra Tadaru i wan pari tak u ra maua ma i buliruai a wat pi, ma i ki tau uni. 3I bobo welara ma ra mămăme, ma ra nuna kum malu i kabag akit i welara ma ra kabag na bata: 4ma diat a kum tenawarua, i dedera a panidiat, kuma diat burut akit i, ma diat welara ma ra kum minat.
5Ma ra agelo i piri ta diara ru tebuan, Koniku muru burut: kuma iau nunurai lena muru auarekup Iesu, ia ba di akwata i u ra kabai. 6Pa i ki kumin; i a turu balet, lenkuma i a pira tai, Muru wan urin, muru bobo a bual a Tadaru i inep pa uni. 7Ma muru wan kaka wapua diat a nuna tara‐na‐wawera lena i ā lalaun balet ko ra mat; ma i muka ta muat u Kalilaia; kura muat a bobo i iai: boboi, iau piratai ta muru.
8Ma diara pari kaka ma ut ko ra ruma na minat, kuma diara burut, ma diara kaia akit kai, ma diara kala lena diara wapua diat uni a tara‐na‐wawera. 9Ma boboi, Iesu i wan baratapa diara, ma i lena, Muru toka kaia ku. Ma diara wan tutuga i, diara pam a ru kakina, ma diara tutudug korom i. 10Ma Iesu i piri ta diara lena, Koniku muru burut: muru wan, muru wapua, diat a kum tetegliklik lena diat a wan u Kalilaia, ma kura diat a bobo iau iai.
11Ma ba diara wan kubai, boboi ta magan ko diat a kum tenawarua diat wan u ra taman, ma diat wapua diat a kum tadaru na pinapet u ra kum lig rap di petai. 12Ma ba diat tolug ugai ma diat a kum takana, ma diat wepakpa, diat tari mogoro na măni ta diat a kum tenawineum, ma diat lena, 13Muat a piri lenkumi, Ba miat inep u ra marum, diat a nuna tara‐na‐wawera diat wan pat ma diat rakanua i. 14Ma ba a kovana i walogoro a lig kumi, kura miat a wamaram i, ma miat a wamalmal un muat. 15Ma diat rakanpa a măni, ma diat peti lenkuma di wera diat uni: ma i winarag a pakan a pirapira kumi korom diat a Iudaia ma i tuk u ra bug kumi.
16Ma diat a winunu ma rā a tara‐na‐wawera diat wan u Kalilaia, u ra tagai kuma Iesu i waputa diat uni: 17ma ba diat bobo i, diat tutudug korom i: ma ta magan ko diat pa diat nuru un i. 18Ma Iesu i wan korom diat ma i wapua diat lena, Di tari tag a nakokon rap u ra maua ma u vuravura kai. 19Ia kuma muat a wan uni, muat a lotu ma diat a un‐a‐tara rap, ma muat a bapitaisota diat u ra ya ra Tamamuat ma na Tunalik ma ra Niono Tabu: 20muat a wera diat kai lena diat a taram u ra lig rap iau a piratai ta muat: ma boboi, Ăg weuru takum ma muat u ra bugbug na wanua rap, ma i tuk u ra tintinip na bug.
Currently Selected:
Mataio 28: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.
