Mareko 1

A PAKANA I.

1A kabina u ra wewapua auakak un Iesu Karisito, na tun Nara. 2Lenkuma Isaia a parofita i ā timutai. Boboi, iau tulai a nug wetula na muka tam, ba in pam takono a num akapi; 3A igana te i wewatai u ra bil, lena, Muat pam takono a akapi nu ra Tadaru, pam kadoi a nuna kum akapi. 4Ioane i ā wanurin, ma papitaiso ta diat u ra bil, ma wapuai u ra papitaiso na nukpuku kup a unuai a petakakai. 5Ma diat a kum tara rap tak’ura bual rap Iudaia, ma diat kai taka Ierusalema diat wan korom i; ma i papitaiso diat u ra danim Ioridana ma diat pirapuanai a nudiat pet akakai. 6Ioane i kop ma ra weuna kamela, ma ra kopkop panina pika u ra nuna gaianakop, ma i ani a kum ko ma ra meli na bil. 7Ma I wawera ma piri, lenkumi, Ra i murumuru iau i gala akit un iau, pa iau ka iau tutudug ma palauai a kuara i ra nuna robo. 8Iau kumi iau papitaiso ta muat ma ra pala: ma ia kuma, in papitaiso muat ma ra Niono Tabu.

9U ra pupukai kuma Iesu i wan taka Nasareta u Kalilaia, ma Ioane i papitaisota ia u ra danim Ioridana. 10Ma ba i wan toto tak’ura danim i boboi a maua i tarara, ma ra Niono Tabu i wan pari korom i, le ra in a tabun: 11Ra igana kai i pari tak’ u ra lagit, lenkumi, Na tuglik walwaliana ui, ma iau kaia akit un ui. 12Ma ra Niono i tulai ma ut ia u ra bil. 13Ma i tana u ra bil a wat na no bug, ma Satani i walwalami; ma i ki ugai ma ra kum pika lomlom ma ra kum agelo diat taramlu korom i. 14Ba di warukta Ioane u ra ruma na balbalat bati, Iesu i wan u Kalilaia, ma i wawera u ra Wewapua Auakak a nun Nara, ma i piri, lenkumi, 15I wewoat a pupukai ma i marawai a matanitu a nun Nara, muat a nukpuku, ma nukatatunai a wewapua auakak.

16Ma ba I wawal nakono u ra danim Kalilaia, i boboi Simona ma Anderea dina, diara wara ma ra bene u ra danim; kuma a ru tenatai diara. 17Ma Iesu i ben‐a kilapa diara, lena, Muru patap un iau, ag puta muru a ru tenatai u ra tara. 18Ma diara păki‐a kaka‐uai, a nudiara bene, ma diara murumuri. 19Ma i wawal karai kinalik ma i boboi Iakobo na tun Sebedaio ma Ioane dina, diara ki bulug u ra aka, ma baban a kum bene. 20I wata pa ma ut diara; ma diara madekuai a tamadiara Sebedaio u ra aka ma diat a kum wetula, ma diara murumuri.

21Ma diat wan u Kapanaumi; ma i ruk kaka u ra ruma na lotu u ra Sabate ma wawera i ai. 22Ma diat kakaian u ra nuna wawera; kuma i wera diat len ba te i nakakon ma pa i len ba diat a tena‐timtimu. 23Ma ra muana a tebaran pikoina i waogi; i tana u ra nundiat ruma na lotu. 24Ma i ke una te ma i piri lenkumi, Oi, daralawai ma ui Iesu a te Nasareta? U wan pat duk un umuai miat ni? iau nunura ui a Niono Maramarek ui a nun Nara. 25Ma Iesu i wadu bat i ma piri tana, un ki mut ma wan igen koni. 26Ma ra tebaran pikoina i kunai ma kulkulai mat ma wan igen kon i. 27Ma diat rap diāt kakaian uni, ma diat wetiri karakarai, lenkumi, awa duk kumi? a wawera matakina kumi! kuma i tula wadekdek‐ua diat a kum tebaran pikoina, ma diat taram korom i. 28Ma ra wewapua uni i winarag kaka u ra rakrakan bual rap Kalilaia.

29Ma ba diat pari tak’u ra ruma na lotu, diat wan ma diat ruk u ra nudiara ruma Simona ma Aniderea, diat wan ugai ma Iakobo ma Ioane. 30Ma ra nimuna Simona i inep ma ra malapag na awawian; ma diat wapua Iesu uni. 31Ma Iesu i wan tutugai, ma i pam a limana, ma waturi u na te; ma ra nuna malapag na awawaian i tamarara ma ut kon i, ma i taramlu korom diat.

32Ba malurap ma make i lop, diat kipi korom i a kum tara rap diat malapag, ma diat bulug a kum tebaran pikoina di waog diat. 33Ma ra kum tara rap tak’ u ra taman kuma diat tolug ugai na ra bonanaka. 34Ma I wakadelpa diat a magoro kum tara diat malapag u ra malapag tiba na ugana, ma i lu‐ruai bulug magoro na tebaran ko diat, ma i pirabat diat a kum tebaran, lena, koniku diat a pirapiri, kuma diat nunura la.

35I tawagun u ra malana kabot ba i marum kubai, i pari u na taman ma wan u ra bil, ma i arig i ai. 36Ma Simona ma diat diat ki ugai mai, diat murumurī. 37Ma ba diat auarepai, diat piri tana lenkumi, A kum tara rap diat auare kup ui. 38Ma i piri ta diat. Dat a wan karai u ra kum taman i matiti urin, iau wawera diat kai u ra wewapua auakak, a lig kuma iau ā wan pat uni. 39Ma i ruk u ra nudiat kum ruma na lotu u ra bual rap u Kalilaia, ma i wawera ma i lu‐ruai diat a kum tebaran.

40Ma ra muana lepera i wan korom i ma arig i, ma tutudug na ra matana, ma piri tana, ba U nemi, ui pam larapai u wamaramarek iau. 41Ma Iesu i makil a balana korom i, i kadoi a limana, ma tuktai, ma piri tana lena, Iau nemi, un maramarek ku ui. 42Ma ra malapag lepera i tamarara kaka kon i, ma i maramarek akit. 43Ma i wadu bati ma i tuluai ma ut koni. 44Ma i piri tana lena koniku u wapua te uni; un wan ma wea ui korom a tenapinapet; ma tari tana a wekul kup a num pet maramarek lenkuma Mosese i weputai, di pet a wakinilag uni korom diat. 45Ma ia, i wan pari ma pira puanai ma wapuai lala ma ku a wewapua, ia kuma Iesu i kana ruk balet uni u ra taman, i tana ku u ra bil, ma ra kum tara diat tolug ugai korom i ko ra papapara bual rap.

Currently Selected:

Mareko 1: RAI

Highlight

Copy