Markus 12

Heb nongen dohongein le su ndremda beleng momen.

1Boen Jesu henunuen su lie le nongen dohongein, i bodeie: Hom ndramed i reuhi beleng, ilgi gou hedi numen i ri, boen ilgi le ndro su lao, i iao le manan. 2Baghege sengen na ghere, i rendegien hom lao aden le ndro su, beg hedi sengen le aden. 3I me ndro su, su boro i, su muri i, su robuldi i, i iao ge molhe. 4I rendegien hom lie, i le i me ndro su, su da buhuen balen le bad, su robuldi i gina momen. 5I boi le ad hom lie, i me, su daii i na gmed. Su mabosanged su me ndro su, su mur su holel su daii su holel su mad. 6Hom ndurn gamel i da ndro i, i homo ge, voaniso aden: I rendegieni le ndro su lie, i bodeie: Su noh ad nduro a su de daii i bui. 7Ndurn ogo i me ndro su, su vong le goure su bodeie: Ogo ndurn, i gle ngab ad damen, hian du garii, boen memrad me adu. 8Su huri, su daii na gmed, su robieni na glendi gle bobal beleng. 9Ogo ndorlaben ber beleng hinen sa le ndro su ie? I meher roud i me daii su lao, ilgi beleng me asu holel. 10Uomu danmu i nongen bui su hondre dogoru: Ndou si su ndremda um su gin bieni, i bahud malabo, 11aga Jehova i hinen i, meluadu masi i ieb leri. 12Su hirong nongen be su ghedi Jesu be su garii, su noh su lao asu ge, dansu Jesu i habaii su, i le sid asu. Su bieni Jesu su iao.

Heb nongen le moni ad Kiap.

13Muren su rendegien su lao degen asu Pharisi e su lao ad Herodes be su ghedi i le nongen aden. 14Su me ndro Jesu su bodeie: Ndorlaben, iou dandu, uo monen ge, uo de bahilao bui, uo de noh ad homo bui, uo henunuen du le sal ad Jehova ndangen: I monen de i monen bui, du gilgi moni gle ad Sesar? 15Iou gilgi de mbue iou gilgi? Jesu i danen bahilou asu i vong le ndro su: Uomu hisa, mu ge le silieni io ie? Moni hendre gme ndro io, io gu ilndri. 16Su huri. I ndemani su: Ogo bal sie, og ohondre ad sie? Su bode: Aga ad Sesar. 17Jesu i boi: Hian, longu ad Sesar mu gilgi gle ndro Sesar, longu ad Jehova mu gilgi gle ndro Jehova. Meluasu i ieb le nongen aden.

Heb nongen le ndro su Sadusi.

18Muren su Sadusi su bode: ndramed i gine mad i de dne lie bui, su me ndro i, su ndemani i, su boi: 19Ndorlaben, Mose i hondre goru: Hom gamel ginemad, nambulen ge i da, ndurn bui, ndern gamel ibdi naoen ndern le nambulen, be i gini ndurn gle surian ndern. 20Malabo su gamel manondrdilmou su ndern; i hanu hedi nambulen homo, i med ndurn bui. 21Boen ndern ibdi i, i med ndurn bui; hom lie dagara. 22Dege ogoro su manondrdilmou su buri i, ndursu bui. Muren i bihin i med. 23A su ndramed su ginemad su dne lie, aga i bihin nambul sie? Su manondrdilmou su bur bihin goru le nambulsu. 24Jesu i hirong nongen asu i boi le ndro su: Ndangen uomu bahilou, danmu bui nongen ad Jehova, danmu bui ndoui ad Jehova. 25Gle su ginemad su dne lie, su de bo bihin bui su de iosu bui, su dege su Angelo, su do da lundielang. 26Longu hendre lie, su ndramed su ginemad su dne lie ndangen, mu ma de hirong masou Jehova i boi me ndro Mose, io Ndorlaben ad Abram ad Isaak ad Jakob. 27Jehova i Ndorlaben asu su ginemad ge ie? Bugane i Ndorlaben asu su maren. Su masi su mamaren ndro i. Uomu danmu bui, mu momen ge.

Nongen ad Jehova i hanu le asu masi.

28Malabo hom ndremda bohernou me ndro Jesu, gin hirong nongen asu su vong le goure, i danen nongen ad Jesu hian, i ndemani Jesu i boi: Hian al henunuen io, aga sa nongen hendre ad Jehova i le hanu nongen masi? 29Jesu i boi me ndro i: Ogo nongen hendre i hanu le nongen masi, i ogo: Mu Israel, mu ghirong, Jehova Ndorlaben adu, i Ndorlaben homo ge. 30Hian golmgisden Jehova ge, i Ndorlaben adem i hanu le longu adem masigane. Ogo nongen i hanu le nongen ad Jehova masigane. 31Hendre lie dege ogoro: Golmgisden gous adem dege golmgisden uo. Ogo nongen marndre i manden le nongen masi. 32I ndremda bohernou i bodeie: Ndorlaben, nongen adem hian i monen, Jehova i homo ge, hom de me bor ndro i bui. 33A homo golngisden Jehova hanu le longu aden masigane e golnisden gous aden dege golnisden i, i vonei dirhor masigane i hian. 34Jesu i ilndri i vong hian i bodeie: Uo de da heb manan bui ndro longu ad Jehova. Su masi su noh ad Jesu, su de ndemani i lie bui.

35Boen Jesu i henunuen su le numo lodu i ndemani su: Hi derbe su ndremda bohernou, su boi Kristo i ndur David? 36David i boi le Melua Jehova: Jehova i boi me ndro Ndorlaben ordo: Am nemo sengen em boan, io ghinen uo gle ndorlaben manden, su masi su do da ge ngondrnegem. 37Ogo David i bosoui Kristo i Ndorlaben aden, boen Kristo i ndur David derbe? Su ndramed mabosanged voasuiso nongen ad Jesu. 38Boen i henunuen su, i bode: Mu do da gulue su ndremda bohernou, su daui salo, eluen, voasuiso su ndramed su bamuguen su le sal, 39le numo hernou su bode su labenen ge, a homo gbo gous, su masi be su da meher hanu le margous. 40Su behena um e longu asu bihinao, su bode a su ge dohor Jehova gleri. Su momen ge, Jehova na gi dieni su, su momen gane.

Jesu mugueni heb dohor ad bihinou molhege.

41Boen Jesu i lugdo i marsanga le um ad Jehova, i ilndri su masi su daui moni le longa moni ad Jehova, su ndramed ber memrad su daui mabosanged. 42Hom bihilou i me hedi heb ge mandehege. 43I loh su lao aden su gam ndro i, i bodeie: Ndangen io boi me ndro mu: I bihinao ogo i daui Jehova manden, i hanu le asu masi. 44Su ndramed ma memrad su daui Jehova le longu hendre asu, memrad asu mabosanged i dandon, i bihinou i bo longu aden masigane me ad Jehova.

Currently Selected:

Markus 12: LLENT

Highlight

Copy