Markus 13
13
Nongen ad Jesu le longu momen i da beg mehere.
1Boen Jesu i molden um ad Jehova, hom lao aden i boi le ndro i: Ndorlaben, ilndri, bad derbe um ogo hian ge, labenen ge. 2Jesu i vong mul i bode: Uo ilndri um ogo labenen ge. Heb eluen bui, bad maruo de da besbas bui, su ndumbue sumburdi. 3Boen su im boan le bahali Oliva le horo, Petrus, Jakobus, Johanes e Andreas su ndemani i lie su bodeie: 4Abui gme ndro du, gehere su ghinen longu ogo ma sehe gelman longu ogo na gmehere? 5Jesu i vong le ndro su i bode: Mu do la gulue mu hian, homo a de henunuen mu momen bui. 6Su mabosanged su meher le ngoro, su bode: Su Kristo, su bahilou asu mabosanged su rui su. 7A mu ghirong nongen le iil ma iil manden meher mbue de mu go noh, i dagara ge, de bomud roud bui. 8Gor hoger su bo bahun le ndro su hoger lie, hom ndurhian i bo iil me ndro hom lie, boan i nunue le gor ma gor bosanged: song hilou me ndro su ndramed masi, nohoasu soln, aga gelman longu momen.
9Uomu gorgulue i. Su ndramed me hur mu la ndro su ndurhian, su rii mu le numo hernou asu manua ngoro, muren su momen leri. 10Hanu Nongen Helian meher ndro su ndramed masigane le gor ma gor bosanged. 11Be su ge dulien mu le ndro su ndurhian, mbue mu gu noh, mu de hanguruen nongen ademu bui. Melua Jehova na ghenunuen mu, mu gabsou nongen aden ge. 12Ndern ilgi ndern na gmed, ma damen gilgi ndurn, ma su ndurn su bieni damsu e nanesu, su daii su na gmed. 13Su ndramed masigane ndrnesu i mah ademu le ngoro. Homo i ndoa ge le nongen ordo i hian.
14A mu ge ilndri longu momen gin me um ad Jehova, dege Daniel gin hondre goru, hian uomu gvob ge, mu gu bieni Juda mu la bahali manden. 15Homo i de da lundieum aden bui, mbue gle lundieum le hur salo aden. 16Homo i da lonhou, mbue gle gor gle hur salo aden. 17Su bihin ndursu i da ndrnesu i da nemesu su da momen ge. 18Hian mu gendemani Jehova, ar lengen de me sal ademu bui. 19Gor masi momen ge, longu momen dagara i de meher masou mabenan range, i de meher dagara lie bui. 20A Ndorlaben de sobani su bui, homo danen ndoun bui. Jehova hinen longu ogo heb eluen bui, le sobani su lao aden. 21Homo gme bai me ndro mu: Mu gam ogo, Kristo gorda, mbue mu ghirong nongen aden. 22Su mabosanged su meher su bahilou su bode: Su Kristo, ma su lao ad Jehova, su bo gelman e longu ndoun be su ghinen mu momen, dansu de hinen mu bui. 23Uomu da gulue mu. Io gin bai me ndro mu hanu.
Gelman be Jesu na gmeher lie.
24Longu momen ogo gin meher gane, boen mernal e vara de hinganen bui. 25Biri ber lang na glos e longu ndoun ber lang masi na gimbul. 26Muren su ilndri Ndurdramed na gmeher ndoulang, i henge rang i ndoun. 27I rendegien su Angelo aden, su hur su lao aden ber gub ber rai ber hai ber ndolou le gor masigane.
28Mu ge ilndri gei ogo: loun mahauen i meher danmu loumandri i baghege. 29Uomu dogoro, mu ge ilndri longu ogo danmu heb mandehe longu mehere. 30Ndangen io boi me ndro mu: Su ndramed ber gor ogo su do dandon, longu ogo masi i meher. 31Lang e boan i mbul na gi momen ge, nongen ordo ndoundoun sidesi. 32Homo danen bui longu momen ogo i mbsig gehere, su Angelo ber lang bugane, Ndurn bugane, Damen ge. 33Hian mu gobgulue mu ge, belengeni io, mu gvong gle ndro Jehova, danmu bui gehere longu momen gmsig. 34Dege hom ndramed i giao gle gor manan, i bieni um aden i boi le ndro su lao aden, su do da gulue mburer asu, homo i da gulue um. 35Hian mu masi mu do da gulue longu ademu, danmu bui, gehere ndorlaben ber um na gmul, a i gme ibia de lobing, de madourang, de mernal. 36A i gmeher roud mu masi mu da medir ge. 37Longu hendre ogo io gin boi me ndro mu, io boi me ndro su masi: Mu ge belengeni io.
Currently Selected:
Markus 13: LLENT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956
