Markus 11

Jesu dogi le gor Jerusalem.

1Su me baghege Jerusalem, me Betvage e Betanien, bahali ge si ngarn Oliva i dandon, i rendegien sor lao aden marmou. 2I boi: Mor gal gor mandehe gorda, mor gal ri mor gal ilndri donki si, ndurn, homo ma de gin lug im donki masou, mor ge dari mor ghedi me ndro io. 3A hom ge ndemani moro: Mor hisa? Mor bode: Ndorlaben i ie lengi, muren i rendegieni. 4Sor la sor danoni donki i da bersang sal marsel, sor rumburdi i. 5Su holel su da ri su bode: Hisa mor rumburdi donki ogo ie? 6Sor bosou nongen ad Jesu me ndro su, su somui. 7Sor hur donki me ndro Jesu, su daui salo asu le ndren; i lugdo imri. 8Su mabosanged su daui salo asu ir ge sal; su holel su ha sindrdi lougei me le sal. 9Su masi su me hanu, su masi su do muren su loholo su boi: Hosiana, du gabmugueni i, i meher le ngarn Jehova. 10Du gabmugueni gor ad damu David a i gme le ngarn Jehova! Hosiana, ber belengan! 11Jesu gin me Jerusalem le numo lodu asu i ilndri longu masigane, ibia su la Betanien su medir dari e su masongul e rumou.

Jesu boii gei beie, e robuldi su ndremda simsim le numo lodu asu Juda.

12Mabing su iao molden Betanien ie mundrul. 13I ilndri vovei heie manan hebe loun mabosanged, i la ri le gahi heb sengen. I me ri lougei ge, heb sengen bui masou. 14Jesu i boii vovei, i boi: Mbue hom gieni sengem lie! Su lao aden su hirong i.

15Su me Jerusalem; Jesu le numo lodu lie, i robuldi su ndremda simsim ma longu asu i sberi geiao asu ndremda moni, asu ndramed sima bal. 16I sendraini su, mbue hom ghedi longu hendre le numo lodu, 17i henunuen su i boi: Su de hondre dugian bui, um ad Jehova numo lodu asu gor masigane? Hi derbe mu ghinen i gle lognasu daian ndramed? 18E su ndremda dohernou su ndurhian su hirong i, be su garii Jesu. Su noh aden ge, su ndramed masi meluasu i ieb le nongen aden. 19Ibia su iao lendi su bien gor. 20Mabing ge su me sal lie, su ilndri vovei gin meng sumburdi. 21Petrus i hanguruen i, i boi me ndro Jesu: Ndorlaben, ilndri vovei, bihe uo abii, gin meng. 22Jesu i vong mul lie i boi: Hian mu hanguruen i, Jehova i ndoun. 23Ndangen, io boi me ndro mu: Homo i gvong gle ndro bahali ogo i bode: Aiu al ndas, i danen Jehova i ndoundoun, bahali i iao. 24Io boi me ndro mu: Be mu ge ndemani Jehova gle longu hendre, uomu danmu Jehova i ndoun, i ghengen mu. 25Ar mu dne mu gvong le ndro Jehova, hian mbue de mu ga hanguruen longu momen asu, boen Damu le lundielang i esbui longu momen ademu lie. 26Mu ghanguruen longu momen asu, Damu le lundielang hanguruen longu momen ademu, i danen de bieni bui.

Heb nongen le ndro su labenen ber Jerusalem.

27Su me Jerusalem lie. I da numo lodu asu, su ndurhian su ndremda bohernou su labenen su me ndro Jesu, 28su ndemani i su bode: Sie ilgi uo gle ndorlaben, uo hinen longu ndoun sidesi? 29Jesu i boi: Io ge ndemani mu le longu hendre la, mu gvong, boen io gu boi gme ndro mu, ndoui ordo bern erhe. 30Johanes Ndremda Surhi su, i hom lao ad Jehova de i molhege. Mu gabui gme ndro io. 31Su hanguruen i le bergolsu su bode: Gle iou gabui, Johanes hom lao ad Jehova, Jesu na gbode: Hisa mu de hirong nongen aden bui? 32Gle iou gabui, i ndramed molhege, iou noh su lao adu, su masi su bode: i lao ad Jehova hohunan. 33Su vong me ndro Jesu su boi: Iou dandu i bui. Jesu i boi me ndro su: Uomu danmu bui, io de boharni de me ndro mu bui, sie ilgi io Ndorlaben, io hinen longu ndoun.

Currently Selected:

Markus 11: LLENT

Highlight

Copy