Johanes 5

Jesu regurdueni homo le ndran Betesda.

1-2Jesu i dogi le gor Jerusalem le uru asu Juda. Ndran haga i da baghege le gor Jerusalem, le babi ber gor, su bosoui babi meh, ngarn Betesda. Um malima su da le mandrogos ndran. 3Su ndramed mabosanged, iab gin hedi su, su da le um, begmarsu bui, ndegesu momen, mandrsu momen ge. Su masi su belengeni be ndran i rebubrod. 4Hom Angelo ber lang i me bersi, e bersilie i rebubrod ndran. Ar homo i la ndran, i nuh hanu, i ogo i mamaren. 5Hom gamel i da le um hom, iab i da ndro i le Kristmas madilingul e nondruo. 6Ar Jesu gin ilndri i, i gin hirong i, i gina momen eluen dagara, i ndemani i: Uo ha lengi, mandrm i horuan lie? 7Ndramed ogo i bodeie: Ndorlaben, homo bui, i beg daui io le ndran, be i da rebubrod. Be io beg nuh, sidesi homo i la hanu. 8Jesu i vong le ndro i: Edne, hedi berle adem, naiu. 9Ndramed ogo i horuan malabo. I hedi berle aden, i dogi. Rang ogo i Sabbath. 10Su Juda su vong le ndro i, i da horuan lie, eruar aga Sabbath. Mbue sab berle adem. 11Ndramed i bodeie: Hom gamel i gin regurdueni io, i vong me ndro io: Hedi berle adem, aia. 12Su ndemani i: Sie ndramed i gin bai le ndro uo: Ghedi berle adem ir dogi. 13Ndramed ogo de danen i bui, sie gin hinen i. Su ndramed dsoln su do da le gor Jesu gin bieni gor, de dansu i bui oho. 14Bersi muren, Jesu ilndri ndramed ogo le um ad Jehova. I vong le ndro i: Mandrm i horuan malabo, mbue bo longu momen bersilie, debosan uo gina momen gane. 15Ndramed ogo i gina le ndro su Juda, i bosoui le ndro su: Aga Jesu, i da gin regurdueni i. 16Su Juda hingismad Jesu i da gin hinen mburer ogoro le Sabbath. 17Jesu i vong le ndro su: Bo Domo i da bo mburer bing si e rang si mabenan malabo. Dagara io lie. 18Le nongen ogo su Juda beg daii Jesu. Hanu i da gin bo mburer le Sabbath, malabo i da gin bosoui Jehova Damen aden, i gin bai, i dege Jehova. 19Jesu i vong le ndro su: Ndangen, ndangen io boi le ndro mu, Ndurn de danen hinen hebsa bui gle ndoui aden, longu masigane i da ilndri, Damen i hinen i, Ndurn i hinen i dagara lie. 20Damen i golnisden Ndurn, i bosilieni le ndro i longu masi, i da hinen i. I beg bosilieni le ndro i longu ndoun, meluamu gu ieb leri. 21Damen i da hingeni su, su da gin mad le ngad asu, su mamaren lie, dagara Ndurn i hinen su mamaren, homo ma homo dege i ha lengi. 22Damen i de bieni homo bui, i gin daui gord aden masi le nemen ad Ndurn. 23I ha lengi su gabmugueni Ndurn, dege su hinen i le ndro Damen. Homo i da mugueni Ndurn bui, i de mugueni Damen bui, i da gin rendegien Ndurn. 24Ndangen, ndangen io boi le ndro mu: Ar homo delengan le nongen ordo, i boro ndoui aden, i da gin rendegien io, i mamaren ge sidesi. Gord ir belengeni bui, i de somad bui, i da mamaren ge. 25Ndangen, ndangen io boi le ndro mu: Rang i gmehere, i da baghege malabo su da ginmad su hirong ngasen ad Ndur Jehova, su masi, su da hirong i, su mamaren ge. 26Damen i mamaren ge sidesi, de danen med bui, dagara i gin hengen le ndro Ndurn, i da mamaren ge. 27I gin hengen le ndro i ndoui le gob gord le ndro su, i Ndurndramed. 28Meluamu de ieb gleri bui, rang na gmehere, su masi, su da le ngad asu, su ghirong ngasen aden. 29Su me dala, homo ma homo su holel, su da gin hinen longu hian ge, su gedne, su mamaren sidesi. Su holel ge, su da gin bo longu momen, su gedne gle gord asu. 30Io de dono hinen hebsa bui gle ndoui ordo, bugane, longu masi, io da hirong i le ad Jehova, io ghinen i. Io gdieni su, ma gord ordo i monen gane. Io ha leng hinen mburer ordo bui, aden ge, i da gin rendegien io.

31Be io ha bosoui nongen le longu ordo ge, nongen ordo molhege. 32Homo i gorbo, i da boharni le ndro su le longu ordo, io dono nongen aden, i da boharni, i monen ge, 33Mu gin rendegien le ndro Johanes, i gin boharni nongen monen ndangen. 34Io de somui boharni ad hom ndramed bui, nongen ogo le ndro mu, io beg sobani mu leri. 35Johanes i dege sul, i da gin hinganen hian ge, mu ge, gin mugeni sul ogo murai ge. 36Homo i boharni longu me ordo. Boharni ogo i hian hanu le nongen ad Johanes. Mburer ordo, Bo Domo i ha lengi, io ghinen i, longu ogo io da hinen i, su bohorni Bo Domo gin rendegien io. 37I ge, i da gin rendegien io, aga Bo Domo, i boharni longu ordo le ndro su. Mu de gin hirong ngasen aden bersi bui, mu de gin ilndri Jehova hebsa bugane. 38Nongen aden i da le bergolmu bui, mu de boro ndoui aden bui, i da gin rendegien io. 39Mu da gahi nongen i da le Buk Helian, mu beg danoni ndoui hendre i da beg hinen mu horuan e mamaren. Ndangen Nongen Helian ogo boharni le longu ordo. 40Derbe mbueremu gmeher ndro io, io da hengen le ndro su, su mamaren ge. 41Io de somui mugueni asu ndramed bui. 42Longu hendre io dono i, golnisden ad Jehova i da le bergolmu hebsa bui. 43Io gin me le ndoui ad Bo Domo, mu de gin somui io bui. Be homo i gmeher le ngoro, mu somui le aden. 44De danmu boro ndoui ordo bui. Mu da hanguruen mugueni asu ndramed, mburemu mugueni ad Jehova, i da homo ge. 45Mbue hanguruen, io da gob gord ademu le ndro Bo Domo. Bugane, homo i gorda, i gob gord le ndro mu, aga Mose. Mu hanguruen le bergolmu, i osbani mu. 46Ar mu boro ndoui le nongen ad Mose, danmu boro nongen ordo lie. Su gin hondre le longu ordo ge. 47Ar danmu boro ndoui le nongen ad Mose bui, danmu boro nongen ordo derbe?

Currently Selected:

Johanes 5: LLENT

Highlight

Copy