Marc 16

Durambugu duJesus

(Matt 28.1-8; Luc 24.1-12; Jean 20.1-10)

1Yilumbu yisamedi yinosuka Marie Magdala na Salome na Marie nguji Jacques bamasumba miyombu uyegotsa mfumbi Jesus. 2Ava matebugulu mayilumbu yitsona bamawenda o ngila. 3Ava bakivu mu nsila bamawivusana rie: Anyi otugusulila dimanyi adidibiyi ngila?

4Dimaba dimanyi dineni. Banobuaga misu bamalaba yiri dimanyi dimakegusululu. 5Bamakota o ngila agu bamalaba mufudu atsana o yiari yimabaala, aduara yilinga yivema; bamalaba goma jineni. 6Amabatsingula rie: Duyalaba goma. Duirombi Jesus muisi Nazareth ajimagomunu va kurusu. Tumba agatsi; amarambuga o dufu! Tsia vava amatsigulu? 7Wendanu ombu badukitsi nombu Pierre uyebatsingula yilumbi yieyiyi rie: Jesus amadurela o Galilee aguna dumulabila nana amaledutsingulila.

8Banogaangu na keri na goma bamapala o ngila na bamarina mambangu. Mu diambu digoma ogu basamamueyivosa.

Jesus ulabana elabini ombu Marie Magdala

(Matt 28.9-10; Jean 20.11-18)

[ 9Jesus anorambuga o dufu, muna kedi yilumbu yitsona amalelabana ombu Marie Magdala agumapalusu yisambuali yibinyunyi bibi. 10Amatolisa musamu ombu bambatsi baJesus abamanyonganga nolilanga. 11Ava bamagululu jandi evosi rie: Jesus aji monyu na nyimamulaba basamamuvayila yitu.

Jesus ulabana elabini ombu badukitsi babeji

(Luc 24.13-35)

12Mbana Jesus amamuelabana nderi munongu ususu ombu batu babeji abamawenda o mupaka. 13Bamagabuga uditolisa ombu basusu tumba basamabavayila yitu wandi.

Jesus uiabana elabini ombu digumi na mudukitsi umosi

(Matt 28.16-20; Luc 24.36-49; Jean 20.19-23; Bis 1.6-8)

14Mbana Jesus amalabana ombu digumi na mudukitsi umosi ava bamabila va tavula. Amabasiemba rie: Aa bango paga, dibandu yi dusamavayila abamandaba yitu? 15Mbana amabatsingula rie: Wendanu o bulongu buotsu na samunanu Musamu Uboti ombu batu botsu. 16Uotsu aguvayila yitu nobatusu ogobulu tumba uotsu agugovayila yitu ovegu mbela dufu. 17Bango yitu bovaga bimaga biebibi: bopalisa binyunyi bibi na mangolu madiina diami; bovosanga na mambembu magona; 18pa bogaanga banyoga vo uji biguji nonu abimalombu bigobavaga diambu; bosakiga bibedu miogu na biubeluga.

Jesus ematusu o julu

(Luc 24.50-53; Bis 1.9-11)

19Fumu Jesus anomana ubalonsa nana amamatusu o julu, amatsana va mabaala maNsambi. 20Badukitsi bamawenda uyenalonsanga Musamu Uboti yiari na yiari. Fumu amabanganga nogu na amabalasa yiri malongi mogu mamaba mangensa mu mbari amabavega mangolu uvaga bimaga.]

Currently Selected:

Marc 16: PUU1992

Highlight

Copy