Dibandu 50
50
Ubuaga bebuayi mfumbi Jacob
1Joseph amakebuaga va julu mfumbi taji andi noyenalilanga. 2Amaruma bayiritsi usala yisalu yiogu uyira mfumbi jitaji andi, bamayira mfumbi Jacob. 3Bamaviosa magumana mabilumbu; aduna duvu dutalu dubilumbu biwelimina uyirila mfumbi. Bisi Egypte bamalilanga Jacob te na magumidusa-mbuali mabilumbu.
4Bilumbu bibukuili binosuka, Joseph amavosa na bivunda nandi abimasala o ndagu Pharaon rie: Kokolu tsienu pa duilabi ubueji nami nsingulilianu Pharaon adi nyidutsinguli. 5Taji ami amandevisa pesi ava amavosila rie: Yika ufu nyifu! Gukayensiyila o ngila aji nyimakesumbila o bulongu buCanaan. Kabogu nyirondi uwenda uyetsiga mfumbi ami, mbana nyugabuga.
6Pharaon amawagula rie: Wenda yetsiga mfumbi agu amagulevisila pesi. 7Joseph amawenda uyetsiga mfumbi andi. Abamawenda nandi ababa: baneni baPharaon botsu na bivunda abimasala na Joseph o ndagu andi na bivunda biotsu bibulongu buEgypte, 8na bisi ndagu Joseph botsu na baana bataji bandi na bisi ndagu taji andi botsu: o bulongu buGochen bamasiala yika baana bageyi na biruitsi. 9BaJoseph bamaba na makalu na babeyitsi bamakalu; bamaba na tindi yinombu yineni.
10Ava bamatolila o yisagulu yiAtad ayivu o disimu dina diJourdain bamalila tindi ulila. Avana Joseph amalilila bukuili butaji andi yisambuali yibilumbu. 11Bisi Canaan abamatsana o yiari yieni bamagengila bukuili bueni abumalilulu o yisagulu yiAtad na bamavosa rie: Ka muna bukuili bu bubisi Egypte!
La dibandu bamaluyila yisagulu yieni ayivu o disimu diJourdain Abel-Misraim, divindugulu bukuili bubisi Egypte.
12Anana baana bababaala baIsrael bamadugusulu maruma ama amabaruma. 13Bamayenabega mfumbi o bulongu buCanaan na bamajitsiga o dilima dinungi jiMakpela aji Abraham amasumba na Efron muisi Hitt utsiyila bamfumbi bandi.
14Joseph anotsiga mfumbi andi amayenagabuga o Egypte na baana bataji bandi na botsu abamawenda nandi uyetsiga mfumbi andi.
O nsima dufu duJcob
15Yiotsu ayi taji ogu amafu, baana bataji baJoseph bamavosa rie: Yika tsie pa Joseph otuliyila nsima notuvayila mabi dedi mosi nana tumamuvayila? 16Bamatinda yilumbi ombu Joseph rie: Tata nesi akafu amasila diambu diedidi rie: 17Dukatsingula Joseph rie: Tsie tandi dibi dibaana bataji bagu diuleba bamaguvayila tindi dibi! Kokolu tsiagu tutandi mabi metu; tuyalibana jetu nenuanu tuiyitsi Nsambi mosi aguvu Nsambi taji etu!
Ava Joseph amagululu posulu tsieni amalila. 18Mbana baana bataji bandi bamawenda uyegudama jogu beni va gusu andi na bamavosa rie: Jetu tuʼjogu ba tuji baviga bagu.
19Joseph amabatsingula rie: Duyalaba keri! Je meʼ Nsambi nyivu? 20Jenu dumatasa upayila dibi; tumba dibi dieni Nsambi amaronda udikalusa diboti udugusu adilabini namunyi; diwendi rie: amaronda uwaka batu bapuela kalala. 21Kabogu duyalaba keri; nyudukelisanga jenu na baana benu!
Anana amabasunsila mirima.
22Joseph amatsana o Egypte na bisi ndagu taji andi; yitsingu yiotsu yiJoseph yimaba kama na yigumi yibilima. 23Joseph amalaba baana bababaala baEfraim te na dukulu dumurieru; na baana bababaala baMakir muana dibaala uManasse bamaburu va misu mandi wandi.
24Yilumbu yimosi Joseph amatsingula baana bataji bandi rie: Yika ufu nyifu! Tumba Nsambi odulingulanga na odugusula o bulongu buebubu nodubega o bulongu abu amavangana uvega ombu Abraham na Isaac na Jacob. 25Joseph amavosa rie: Nsambi odulingulanga kabogu vangananu nami yiri bivisi biami biuwenda nenu ava dupalila o Egypte.
26Joseph amafu ava amabila kama na yigumi yibilima. Bamayira mfumbi andi na bamajipodula mu yigara vana o Egypte.
Currently Selected:
Dibandu 50: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
