Popular Bible Verses from Dibandu 50

Share

Jenu dumatasa upayila dibi; tumba dibi dieni Nsambi amaronda udikalusa diboti udugusu adilabini namunyi; diwendi rie: amaronda uwaka batu bapuela kalala.

Joseph amabatsingula rie: Duyalaba keri! Je meʼ Nsambi nyivu?

Kabogu duyalaba keri; nyudukelisanga jenu na baana benu! Anana amabasunsila mirima.

Dukatsingula Joseph rie: Tsie tandi dibi dibaana bataji bagu diuleba bamaguvayila tindi dibi! Kokolu tsiagu tutandi mabi metu; tuyalibana jetu nenuanu tuiyitsi Nsambi mosi aguvu Nsambi taji etu! Ava Joseph amagululu posulu tsieni amalila.

Yilumbu yimosi Joseph amatsingula baana bataji bandi rie: Yika ufu nyifu! Tumba Nsambi odulingulanga na odugusula o bulongu buebubu nodubega o bulongu abu amavangana uvega ombu Abraham na Isaac na Jacob.

Joseph amavosa rie: Nsambi odulingulanga kabogu vangananu nami yiri bivisi biami biuwenda nenu ava dupalila o Egypte.

Joseph amafu ava amabila kama na yigumi yibilima. Bamayira mfumbi andi na bamajipodula mu yigara vana o Egypte.