Loma 5

O Sakararihaday ato Kawas

1O nano niti'eran i ci Kristoan ko sakanga'ay ita a malayap no Kawas. Saka, pakayni i Tapang ita ci Yis Kristoan ko sakararihaday ita ato Kawas. 2Pakayni i piti'er, ci Kristo ko pa'oripay i titaanan i mikomi no Kawas#5.2 Pakayni i piti'er ... mikomi no Kawas -- ano ^ca i, Ci Kristoan, manga'ay kita a milayap to aniniay a masamaamaanay a mikomi,, saka, salipahak#5.2 salipahak -- ano ^ca i, salipahaken. sa kita a halamham to sapilcadaw ita to tadamaanay a 'dil no Kawas. 3Caay ka orira a ccay, halopades a kalipahaken#5.3 kalipahaken -- ano ^ca i, salipahaken. ita. Nawhani nano nilifetan to pades ko sakakodait no faloco' ita. 4O nano kodait no faloco' ita ko sakahmek no Kawas titaanan. O nano kahmek no Kawas titaanan ko sakaira no pafaloco'an ita saan ko nika fana' ita. 5Ano ira ko matiniay a pafaloco'an ita i, caay ko mamatoled kita. Nawhani o nipaflian no Kawas i titaanan a Fangcalay 'Adingo ko sakapitomes i titaanan to tadamaanay a olah Ningra.

6Yo tadancaho kita i, itiya a mapatay ci Kristo to saki ciraraway a tamdaw i nipatonekan no Kawas a romi'ad. 7Ano iraira ko mifalahay to 'orip to saki mo^celay a tamdaw i, awaay ko kinafalahay to 'orip to saki ma'imeray to rikec a tamdaw. 8Nikawrira, yo cirarawho kita i, mapatay ci Kristo to saki titaanan. Onini ko sapahapinang no Kawas i titaanan to olah Ningra. 9Pakayni i nika patay ni Kristo ko saka, <<O nga'ayay a tamdaw kiso,>> han no Kawas kita a milayap. Saka, ano hakowaay i, mangalef ko nipipa'orip ni Kristo titaanan a paliyas to kter no Kawas. 10O 'ada no Kawas kita i ti:yaho. Nikawrira, pakayni i nika patay no Wawa Ningra ko sakalali'ay ita ato Kawas. O widangto no Kawas kita anini. Tona o miliyaway ci Kristo a ma'orip saka, o a ikaka ko 'icel Ningra a pa'orip titaanan i ikor nonini. 11Caay ka orira a ccay. Tona o milahciay ko Tapang ci Yis Kristo to sakalali'ay ita ato Kawas saka, pakayni i Cingraan ko sakalipahak ita to dmak no Kawas.

Ci Atam aci Kristo

12Pakayni i ccay a tamdaw ko sakaira no raraw i hkal. Pakayni i raraw noya tamdaw ko sakaira no patay. Saka, o mamapatay ko tamdaw a ma^min tona ciraraw. 13Yo caho pafli ko Kawas to Rikec ci Mosian i, cirarawto ko tamdaw i tini i hkal. Nikawrira, tona awaayho ko Rikec itiya saka, caay ka sa'osi no Kawas ko raraw no tamdaw. 14Nikawrira, o mamapatapatay aca ko tamdamdaw nanitiya ci Ataman tangasa ci Mosian. Haloya caay pilcad to raraw ni Atam a pacoli to limo'ot no Kawas a tamdaw a o mamapatay.

O pali'ayaway ci Atam to ccay a tatayni a tamdaw. 15Nikawrira, caay ka lcad konini a tatosa. Nawhani caay ko papasasotiri'en ko raraw ni Atam ato dmak no Kawas a sini'ada to tamdaw. Talacowa mapatay ko 'alomanay a tamdaw to nano raraw ni Atam, nikawrira, ikakaay no 'icel no raraw ni Atam ko 'icel no mikomi no Kawas. Pakaynien haca Ningra i ci Yis Kristoan a pafli to kitado hananay a tadamakadofahay a mikomi i 'alomanay a tamdaw. 16Caay ko papasasotiri'en ko sini'ada no Kawas ato raraw noya ccay a tamdaw. Nano raraw no ccay a tamdaw ko sakapastek no tamdaw i raraw. Nikawrira, naciraraw ko 'alomanay a tamdaw i, sini'ada ko Kawas cangraan. Saka, <<Awaay ko raraw iso!>> han no Kawas cangra a misa'osi. 17Talacowa pakayni i nika ciraraw no ccay a tamdaw ko sakacipatay no tamdaw i hkal, nikawrira, caay ka matira ko hci no dmak noya ccay a tamdaw ci Yis Kristo! O caci'orip to mida'ocay a 'orip pakayni i ci Kristoan koya nga'ayay kiso hananay no Kawas a tamdamdaw a milayap to nano makadofahay a mikomi no Kawas.

18Mapastek i raraw ko polong no tamdaw to nano nika cirarawan no ccay a tamdaw. Malcad tonini, pakayni i mo^celay a dmak no ccay a tamdaw ko sakatdal no polong no tamdaw nai sapalit no raraw ta ci'orip to mida'ocay. 19Pakayni i piliyang no ccay a tamdaw to limo'ot no Kawas ko sakaciraraw no 'alomanay a tamdaw. Malcad tonini, pakayni i nipihaklong no ccay a tamdaw to nafaloco'an no Kawas ko sakanga'ay no 'alomanay a tamdaw a malayap no Kawas.

20Namisanga' ko Kawas to Rikec i, malasakatongal no moraraway a dmak. Nikawrira, yo matongal ko nika ciraraw no tamdaw i, mahapinang a mahapinang ko mikomi no Kawas. 21Malcad tonini, pakaynien no raraw i patay ko sapipa^kel to tamdaw a mikowan, o mikomi no Kawas i, pakayni i mo^cel ko sapidipot saka, pakayni i Tapang ita ci Yis Kristoan ko sakaci'orip ita to mida'ocay.

Currently Selected:

Loma 5: AMIS2019

Highlight

Copy