Popular Bible Verses from Loma 5

Share

Nikawrira, yo cirarawho kita i, mapatay ci Kristo to saki titaanan. Onini ko sapahapinang no Kawas i titaanan to olah Ningra.

Ano ira ko matiniay a pafaloco'an ita i, caay ko mamatoled kita. Nawhani o nipaflian no Kawas i titaanan a Fangcalay 'Adingo ko sakapitomes i titaanan to tadamaanay a olah Ningra.

Caay ka orira a ccay, halopades a kalipahaken ita. Nawhani nano nilifetan to pades ko sakakodait no faloco' ita. O nano kodait no faloco' ita ko sakahmek no Kawas titaanan. O nano kahmek no Kawas titaanan ko sakaira no pafaloco'an ita saan ko nika fana' ita.

O nano niti'eran i ci Kristoan ko sakanga'ay ita a malayap no Kawas. Saka, pakayni i Tapang ita ci Yis Kristoan ko sakararihaday ita ato Kawas. Pakayni i piti'er, ci Kristo ko pa'oripay i titaanan i mikomi no Kawas, saka, salipahak sa kita a halamham to sapilcadaw ita to tadamaanay a 'dil no Kawas.

Yo tadancaho kita i, itiya a mapatay ci Kristo to saki ciraraway a tamdaw i nipatonekan no Kawas a romi'ad.

Pakayni i nika patay ni Kristo ko saka, <<O nga'ayay a tamdaw kiso,>> han no Kawas kita a milayap. Saka, ano hakowaay i, mangalef ko nipipa'orip ni Kristo titaanan a paliyas to kter no Kawas.

Pakayni i piliyang no ccay a tamdaw to limo'ot no Kawas ko sakaciraraw no 'alomanay a tamdaw. Malcad tonini, pakayni i nipihaklong no ccay a tamdaw to nafaloco'an no Kawas ko sakanga'ay no 'alomanay a tamdaw a malayap no Kawas.

Caay ka orira a ccay. Tona o milahciay ko Tapang ci Yis Kristo to sakalali'ay ita ato Kawas saka, pakayni i Cingraan ko sakalipahak ita to dmak no Kawas.