'Olic 50
50
O So'linay a Pita'ong
O nitilidan ni Asaf a 'olic.
1Pasowal ko ci'icelay a Tapang a Kawas to polong no i hkalay a tamdaw,
nai kasadakan no cidal tangasa i picleman no cidal.
2Nanitira i makapahay a Cion a niyaro' a pasadak ko Kawas to 'dil Ningra.
3Ano tayni ko Kawas i, trep caay ka saan a tayni,
ira i ka'ayaw Ningra ko marengrengay a namal,
ira i taliyok Ningra ko faliyos.
4Tahidangen Ningra ko kakarayan ato sra to mamipawacay to nipisawkit Ningra to finawlan Ningra.
5Sowal sa Cingra, <<Sa'opoen a patayni i Takowanan ko so'linay a mitoor i Takowanan a finawlan Ako,
oya o pina'orip a sapato'aya ko sakatatlek Ako a tamdaw,>> han Ningra.
6Pahapinang sa a pasowal ko kakarayan, to mo^cel no Kawas,
o Kawas ko misawkitay.
7Pasowal sa ko Kawas,
<<Kamo o finawlan Ako, pitngil to sowal Ako,
Israilaw, ira ko sasowalen Ako i tisowanan.
O Kawas Kako, o Kawas iso.
8Caay ko nikapo'i Ako to pipato'aya iso to pina'orip ato nika rarid iso a mipacakat to nisakimoodan a mitodoh a sapato'aya.
9Caay ko mamiala Kako to okang a kolong i pakolongan iso, caay piala Kako to siri i pasirian iso.
10Nawhani o no mako a ma^min koya i lotokay a 'a'adopen ato i taporoporoananay a pina'orip a ma^min.
11O polong no ma^feray a 'ayam ato mirsapay i palapalaan a 'a'adopen a ma^min i, o no Mako a ma^min.
12<<Ano macahicahiw Kako i,
caay ko sasomowal Kako i tamowanan,
nawhani onini a hkal ato i laloma'ay nira a maamaan i,
o no Mako a ma^min.
13Komaen Kako a mimaan to titi no okang a kolong?
Minanom Kako a mimaan to rmes no siri?
14Ka o pikansiya ko sapato'aya a pacakat i Kawas, #50.14 Ka o pikansiya ko sapato'aya a pacakat i Kawas, -- ano ^ca i, kapipacakat kiso to no sapiahowid a sapato'aya i Kawas.
lahcien ko niktonan iso a pacakat Isatakaraway a Kawas.
15Ano mapades kiso i, longocen Kako,
ta pa'oripen ako kiso, ta mipa'dil kiso i Takowanan,>> saan.
16Nikawrira, sowal sa ko Kawas to tatiihay a tamdaw,
<<Caay ka citodong kiso a pakifaloco' to limo'ot Ako.
Cima kiso, iro pasowal to katatlekan Ako?
17Nawhani o ma'osiay kiso to pipasifana' Ako,
o mana'ayay kiso to limo'ot Ako.
18Ma'araw iso ko mitakaway i, sawidangen iso cingra,
mikapot kiso to ma'odangay a tamdaw.
19<<Caloway kiso a somowal to tatiihay,
caloway ko sma iso a misamangah.
20Caloway kiso a milokes to salikaka iso,
kari'angen iso ko wawa no ina iso.
21Hatini ko dmak iso i, trep sa kako,
o harateng iso i, o malcaday kako ato Cingra saan kiso?
Caay, o tatoro'en Ako kiso a pahapinang to nidmakan iso.
22<<Kamo o mitawalay i Takowanan a tamdaw, pina'on a mitngil,
ano caay ka pitngil kamo i, o tatkopen Ako kamo,
awaay ko mama^deng a pa'orip i tamowanan.
23O pikansiya ko sapato'aya i, o mita'ongay o mangodoay i Takowanan.
O mido^doay to limo'ot Ako i, o papa'oripen Ako cingra,>> saan ko Kawas.
Currently Selected:
'Olic 50: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
