'Olic 51
51
O Pilongoc to Sakahpol no Raraw
Yo toro'en ni Natan o pali'ayaway to sowal no Kawas ko nika a'odang ningra aci Patsipa. O nitilidan ni Tafiti a 'olic koni, mapatorod i kakridan no paradiway.
1Kawasaw, nanay kaadayayen Iso kako,
Nawhani o mida'ocay ko olah Iso.
Nanay palasawaden Iso ko raraw ako,
nawhani caay ka citolas ko sida'it Iso.
2Nanay palasawaden Iso ko tatiihay ako,
sawsawen ko raraw ako.
3Mafana' kako to patlac ako,
mararid a maharateng ako ko raraw ako.
4Ciraraw kako i Tisowanan,
Kiso a ccay ko nipakasmeran ako a ciraraw,
midmak kako to tatiihay a nengnengen Iso.
Saka, o matatodongay ko pisawkit Iso i takowanan,
o lalayapen ako ko pitfoc Iso.
5Yo itiyadho no ina ako i, o tatiihayto kako,
yo kahofocan ako a romi'ad i, matomesto no raraw kako.
6O so'linay a faloco' ko nilongocan Iso,
nanay pasifana'en kako to saka citaneng ako.
7Nanay palasawaden Iso ko raraw ako, ta makorac kako,
nanay sawsawen Iso kako, ta ikaka no so^da ko nika tomli' ako.
8Nanay patngilenho kako to sakalipahak a ngiha',
ta ano mapasemsemsem Iso kako i, nanay liyawenho Iso kako a palipahak.
9Nanay kpit#51.9 kpit -- o roma i, kopit (ka'amis). han Iso ko mata a caayto pinengneng to raraw ako,
palasawad hanto ko patlac ako a ma^min.
10Kawasaw, nanay sanga'en Iso ko makoracay a malofaloco' ako,
nanay paflien kako to fa^lohay so'linay a salo'afang.
11Aka laplapen kako a paliyas nai ka'ayaw Iso,
aka lodoten ko Fangcalay 'Adingo Iso nai takowanan.
12Oya lipahak ako to pipa'orip Iso i takowanan i,
liyawenho a pafli kako,
ta lipahak ko salo'afang ako a mihaklong i Tisowanan.
13Ta pasifana'en ako ko ciraraway a tamdaw to lalan Iso,
ta mihaklong cangra i Tisowanan.
14O pa'oripay i takowanan a Kawas,
nanay hpolenho ko sakapatay ako a raraw,#51.14 O pa'oripay i takowanan a Kawas, nanay hpolenho ko sakapatay ako a raraw, -- ano ^ca i, Kawasaw, o pa'oripay i takowanan a Tapang, nanay tena'en Iso kako to saka caay ka ciraraw ako to pipatay to tamdaw.
ta milkal kako a palosiyang to nika mo^cel Iso.
15Tapangaw, nanay fawahen Iso ko ngoyos ako,
ta pahmek kako i Tisowanan.
16Caay ka olah Kiso to pina'orip a sapato'aya,
caay haca ka ngalay Kiso to nisakimoodan a mitodoh a sapato'aya,
ano maolahay Kiso i, kona mipacakat kako i Tisowanan.
17Kawasaw, o kaolahan Iso a sapacakat i,
o maolahay a mihaklong i Tisowanan a faloco',
o mararomay a mifalic to faloco' ko kaolahan Iso.
18Kawasaw, nanay kasini'adaenho ko Cion a niyaro',
nanay liyawenho a patireng ko 'adipel no Yirusalim a niyaro'.
19Itiya i, o lalipahak Kiso a milayap to matatodongay i Tisowanan a sapato'aya ato nisakimoodan a mitodoh a sapato'aya,
itiya i, o aira a mapacakat i pipato'ayaan Iso ko okang a kolong.
Currently Selected:
'Olic 51: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
